18/08/2018 – 20:45
მთავარი Featured
Featured posts

ქართველი ნიჭიერი თეოლოგი გრიგოლ ჭეჟია, მეოთხე წელია გერმანიაში ცხოვრობს, მაგისტრატურას ერთ სამესტრში ამთავრებს და  ზაფხულობით  სტუდენტურ სამუშაობზე უწევს მუშაობა. მისი ცხოვრება საინტერესოდ დატვირთულია, თუმცა სწავლისა და მუშაობის შეთავსებას წარმატებულად ახერხებს და ამასთანავე ცდილობს ადამიანის სულის ისეთ დეტალებს ჩაწვდეს, რომელიც მის ქმედებებს კიდევ უფრო აღქმადს და გასაგებს გახდის. მისი გულწრფელობითა და სიმდამბლით კი ახერხებს იყოს სამაგალითო და მისი რამდენიმე წინადადებაც საკმარისია, იმისათვის რომ დარწმუნდეთ ზემოდ გაჟღერებული აზრების ჭეშმარიტებაში.

36639131_1763398933737479_6681668308715962368_n

,,უკვე რამდენიმე კვირაა ერთ-ერთ ქარხანაში ვმუშაობ, სადაც პლასტმასის დეტალებს ვამზადებთ აუდის მანქანებისთვის. ეს კვირა ისევ ღამის ცვლაში მომიწია მუშაობა. ჩვენი განაყოფის უფროსი როგორც ყოველთვის მოდის ცვლის დაწყებამდე და რობოტებს გადახედვას და თუ მოსამართია მომართავს და შემდეგ მიდის. თან თავისი ბავშვები დაყავს ხოლმე. ბიჭი ხუთი-ექვსი წლის იქნება და გოგო შვიდი-რვა წლის. წასვლის წინ ყველას დაგვივლიან და ხელის ჩამორთმევით გვემშვიდობებიან. წუხელ მარტო ბიჭი იყო. მოვიდა და Tschüß-ო (ნახვამდისო ) მეც ნახვამდის-მეთქი, მაგრამ ხელი არ ჩამოვართვი. პლასტმასის ერთმანეთში არეულ მარცვლებს ვაცალკევებდი უხელთათმანოდ და ხელი გაშავებული მქონდა. მამამისმა შეამჩნია და მთხოვა ხელი ჩამოართვი ხოლმეო. მე დასვრილი ხელი დავანახე. არა, მან უნდა ისწავლოს ადამიანებისადმი პატივისცემა და თავაზიანობაო. მომეწონა ძალიან ეს მიდგომა.  მთელი ღამე წინ მქონდა და ბევრი რამე გამახსენდა ჩემი ბავშვობიდან. სკოლაში ერთი მასწავლებელი გვაშინებდა, თუ არ ისწავლით ურიკის დამტარებელი იქნებით ბაზარშიო. ზოგ ჩვენგანს კიდე ტრაკტორისტს ეძახდა და ა.შ. მერე ისიც გამახსენდა, რომ ჩემი თაობიდან ბევრი ნიჭიერი ადამიანი დაიკარგა. სპორტსმენი, მოცეკვავე, მათემატიკოსი, ფილოლოგი. .. იმიტომ, რომ არ იყო დრო და საშუალება. ტყვიები იყო ჭრილობებიდან ამოსაღები და მოსაშუშებელი. იცით რომელი ტყვიები? ჩემი მასწავლებლის ნასწავლმა და ინტელიგენტმა თაობამ, რომ ერთმანეთს ესროლა. ბოლოს ის პარლამეტარიც გამახსენდა რამდენიმე თვის წინ, რომ ბრძნად იმეტყველა”.

 

მსახიობი ზაზა (ზუზუ) ბეჟაშვილი საცხოვრებელი კორპუსის ლიფტში გარდაცვლილი იპოვეს.
შემხვევა წუხელ, ღამის საათებში, დოლიძის ქუჩაზე მოხდა.
მსახიობის ცხედარი ექსპერტიზის ეროვნულ ბიუროშია გადასვენებული.
როგორც „შენი მედია გუნდს“ შინაგან საქმეთა სამინისტროში განუცხადეს, გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. მიმდინარეობს საგამოძიებო მოქმედებები.

0 15

“სმიტების ოჯახის მკვლელობაში ბრალდებული მალხაზ კობაური ჯანმრთელი და გაწონასწორებულია”, – ამის შესახებ ბრალდებულის ადვოკატმა ფსიქიკური ექსპერტიზის დეპარტამენტის თანამშრომლების მიერ ჩატარებული გამოკითხვა-გასაუბრების შემდეგ განაცხადა.
როგორც ადვოკატმა ჟურნალისტებთან საუბრისას აღნიშნა, ექსპერტებმა მისი დაცვის ქვეშ მყოფთან გასაუბრება დაასრულეს და პირად საუბარში აცხადებენ, რომ კობაური ჯანმრთელია.
რაც შეეხება წერილობით დასკვნას, მალხაზ კობაურის ადვოკატები მას უახლოესი ორი კვირის განმავლობაში ელოდებიან. დაცვის მხარე აცხადებს, რომ მალხაზ კობაური უდანაშაულოა და ამას ექსპერტების დასკვნაც ამყარებს.
ექსპერტიზის ეროვნულ ბიუროში კომენტარისგან ჯერ-ჯერობით თავს იკავებენ.

დანია გერმანიის საზღვართან 70-კილომეტრიანი კედლის აშენებას გეგმავს.

ამ კონსტრუქციამ დანიაში შინაური ღორები გერმანული გარეული ტახებისგან უნდა დაიცვას, რომლებიც ღორის აფრიკული ჭირის გადამტანები არიან.

როგორც Deutsche Welle წერს, ამ დაავადების შემთხვევები არც დანიაში და არც გერმანიაში არ დაფიქსირებულა, თუმცა ის გავრცელებულია ესტონეთში, ლატვიაში, ლიეტუვასა და პოლონეთში.

ღობეს, რომელიც სიმაღლეში 1,5 მეტრი იქნება, 2019 წელს ააშენებენ და ის დანიას 11 მილიონი ევრო დაუჯდება.

ბევრი დარწმუნებულია, რომ ღობე პრობლემას ვერ მოაგვერებს. ეკოლოგები კი შიშობენ, რომ ის სხვა ცხოველების მიგრაციას შეუშლის ხელს.

ივლისის ბოლოს ცნობილი გახდა, რომ ათობით გარეულმა ღორმა ბელარუსსა და ლიეტუვას შორის საზღვარი გადაკვეთა და ევროკავშირის ტერიტორიაზე გადავიდა.

Twitter-მა ალექს ჯონსის ანგარიში ერთი კვირით დაბლოკა, რაც იმას ნიშნავს, რომ შეთქმულების თეორეტიკოსი მიკრობლოგში „ტვიტებს“ ვეღარ გამოაქვეყნებს. ამის შესახებ BBC წერს.

სოცქსელს არ დაუკონკრეტებია, რატომ მიიღო ეს გადაწყვტეილბა.

აქამდე Twitter-ი იყო ერთდაერთი სოცქსელი, რომელიც შეთქმულების თეორეტიკოსის აქტივობას არ ზღუდავდა.

მანამდე ჯონსის ანგარიში Vimeo-მ. YouTube-მა, Facebook-მა, Spotify, Apple-მა და Pinterest-მა წაშალა.

ალექს ჯონსი 9/11 ტერაქტის შესახებ მისი კონსპირაციული თეორიების გამო ფართო კრიტიკის ობიექტი გახდა. მან ასევე თქვა, რომ 2012 წელს სენდი ჰუკის დაწყებით სკოლაში “მოკლული მოსწავლეების დიდი ნაწილი მსახიობები იყვნენ”.

0 13

ბორჯომში დასასვენებლად ჩასული 26 წლის მამაკაცი, რომელიც მოტოციკლს მართავდა, მშენებარე სახლს შეეჯახა და ადგილზევე გარდაიცვალა.
შემთხვევა გვიან ღამით, ფოსტის შენობასთან მოხდა.
როგორც „შენი მედია გუნდს“ შს სამინისტროში განუცხადეს, მომხდარ ფაქტთან დაკავშირებით, გამოძიება სისხლის სამართლის კოდექსის 276-ე მუხლის მე-5 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
ავარიის მიზეზი, სავარაუდოდ, გადაჭარბებული სიჩქარით მოძრაობა გახდა.

0 13

პრეზიდენტობის დამოუკიდებელმა კანდიდატმა, სალომე ზურაბიშვილმა ჟურნალისტებს ტვინის განძრევისკენ მოუწოდა, რადგან როგორც მან აღნიშნა, იმაზე, თუ რომელ სასახლეში განთავსდება პრეზიდენტად არჩევის შემთხვევაში, საკუთარი მოსაზრება უკვე დააფიქსირა.

მისივე თქმით, ორბელიანის სასახლე სრულიად საკმარისია.
„სასახლესთან დაკავშირებით, ჩემი აზრი უკვე დავაფიქსირე. ხვალ, ვრცელ გამოსვლაში, სადაც ყველაფერზე იქნება საუბარი, ამ თემაზე ჩემს პოზიციას გავიმეორებ, მაგრამ უკვე არის ნათქვამი და ჟურნალისტებმა ცოტა ტვინიც გაანძრიეთ და ჩაიხედეთ, სად არის ნათქვამი. მე ვთქვი, რომ ჩემთვის სრულიად შესაბამისია ორბელიანების სასახლე, მე ძალიან კომფორტულად ვგრძნობ თავს ასეთი ტიპის სასახლეში. მე ისიც ვთქვი, რომ ჩემ სახლში ვიცხოვრებ. ჩემი სახლიდან ფეხით ვივლი და ესეც არის ახალი ფორმა პრეზიდენტობის”, – განაცხადა სალომე ზურაბიშვილმა.

 

0 18

3 ოქროს, 5 ვერცხლის, 2 ბრინჯაოს მედალი და პირველი ადგილი არაოფიციალურ გუნდურ ჩათვლაში, – ასეთი შედეგი აჩვენა საქართველოს ძიუდოისტთა ახალგაზრდულმა ნაკრებმა რუმინეთში, კლუჟ-ნაპოკაში გამართულ ევროპის თასზე, – ინფორმაციას ამის შესახებ საქართველოს ძიუდოს ფედერაცია ავრცელებს.

შეჯიბრებაზე ოქროს მედლებს ტატო გრიგალაშვილი (-81კგ), ზაურ კენჭაძე (-100კგ) და გელა ზაალიშვილი (+100კგ) დაეუფლნენ, ვერცხლი გიორგი ნიაზაშვილმა(66 კგ.) , მარიამ ჭანტურიამ (-70კგ), სოფიო სომხიშვილმა (+78კგ), ამირან წიქორიძემ (+100კგ) და ეთერ ლიპარტელიანმა (57 კგ) მოიპოვეს.

მესამე საპრიზო ადგილზე, 73 კილოგრამში ალეკო მამიაშვილი და ნატალია ყიფშიძე (48 კგ) გავიდნენ.

 

2012-2017 წლებში სხვა ქვეყნის მოქალაქეებზე გაცემული ბინადრობის მოწმობა 71 681 იყო.
როგორც “კვირის პალიტრის” დღევანდელ გამოცემაშია ნათქვამი, არსებული ცნობით, 2018 წელს ზემოხსენებულმა რიცხვმა 80 000-ს გადააჭარბა, თუმცა დაუზუსტებელი ინფორმაციით, შესაძლოა, 100 000-ზე მეტი იყოს.
2012-2016 წლებში უცხო ქვეყნის მოქალაქეების მიერ საკუთრების უფლებით რეგისტრირებული 34 024 უძრავი ქონება აღირიცხა. მიგრაციის საკითხთა სამთავრობო კომისიის ინფორმაციით კი საქართველოში უძრავ ქონებას 53% რუსი, 5% უკრაინელი, 5% სომეხი, 5% აზერბაიჯანელი და 4% ისრაელის მოქალაქე ყიდულობს.
გამოცემის ცნობით, უცხოელებისთვის საქართველოში ბინადრობის ნებართვის გაცემის წესი იცვლება და მნიშვნელოვნად რთულდება. ცვლილებების შეტანა “უცხოელთა და მოქალაქეობის არმქონე პირთა სამართლებრივი მდგომარეობის შესახებ” საქართველოს კანონში იგეგმება. კანონპროექტი, რომელიც პარლამენტში უკვე წარდგენილია, დეპუტატებს – გოჩა ენუქიძესა და ივლიანე წულაიას ეკუთვნით. დღეს მოქმედი კანონით, პირზე ბინადრობის ნებართვა გაიცემა მის მიერ არანაკლებ 300 ათასი ლარის ინვესტიციის დაბანდების საფუძველზე, ან საქართველოს ტერიტორიაზე უძრავი ქონების საკუთრებაში ქონის შემთხვევაში, რომლის საბაზრო ღირებულება აღემატება 35 ათასი აშშ დოლარის ეკვივალენტს ლარში. ცვლილებების თანახმად, ნებართვის მიღების საფუძველი ჩვენს ქვეყანაში 300 ათასი დოლარის ინვესტირება ან უძრავი ქონების ფლობა გახდება, რომლის ღირებულებაც 100 ათასი აშშ დოლარს აღემატება. ამის გარდა, პროექტის მიხედვით, ინვესტორზე თავიდანვე მუდმივი ბინადრობის ნებართვა აღარ გაიცემა, მანამდე ინვესტორმა ჯერ 5 წლის ვადით, საინვესტიციო ბინადრობის ნებართვა უნდა მიიღოს.
კანონპროექტის ავტორების აზრით, ბინადრობის მოწმობის მისაღებად, კანონი საკმაოდ დაბალ თანხობრივ ცენზს აწესებს, რაც დღევანდელ რეალობაში და მიგრაციის არსებული დონის გათვალისწინებით, რაციონალურ მინიმალურ ზღვარზე უფრო დაბალია. ეს კი მათი შეფასებით, ხელს უწყობს არა იმდენად ინვესტიციების მოზიდვასა და ქვეყნის ეკონომიკურ წინსვლას, არამედ უცხო ქვეყნის მოქალაქეების (ძირითადად, მატერიალურ სიდუხჭირეში მყოფი პირების) მასობრივ მიგრირებას.
“კვირის პალიტრის” ინფორმაციით, შრომითი ნებართვების დიდი ნაწილი თურქეთის, ინდოეთის, ჩინეთის, უკრაინის და ირანის მოქალაქეებზეა გაცემული. მუდმივი ცხოვრების ნებართვებს, ძირითადად, აზერბაიჯანის, რუსეთის, უკრაინისა და თურქეთის მოქალაქეები იღებენ. სასწავლო ნებართვების დიდი წილი ინდოეთის, ერაყის, ნიგერიის, აზერბაიჯანისა და თურქეთის მოქალაქეებზე მოდის, ხოლო ოჯახის გაერთიანების მიზნით,ბინადრობის ნებართვები გაცემულია აზერბაიჯანის, რუსეთის, სომხეთის, უკრაინისა და თურქეთის მოქალაქეებზე.
2012-2016 წლებში არ დაკმაყოფილდა მხოლოდ 9 408 პირის განაცხადი ბინადრობის ნებართვის გაცემაზე, რაც ჯამში, შესული განცხადებების დაახლოებით 12%-ია.
აღნიშნული კანონპროექტის ერთ-ერთი ავტორი – ილია წულაია აცხადებს, რომ ახალი რედაქციით, ინვესტირების შემდეგ, ბინადრობის მოწმობა გაიცემა მხოლოდ 5 წლით და არა მუდმივად.
“ასევე, ვცვლით საინვესტიციო ბინადრობის მოწმობის მოპოვების წესებსაც. მოქმედი კანონმდებლობით, თუ 300 ათასი ლარის ინვესტიციის საფუძველზე გაიცემა მუდმივი ბინადრობის მოწმობა, ეს ზღვარი 300 ათას დოლარამდე გავზარდეთ და კონტროლის მექანიზმი ჩავდეთ, რომ ეს იყოს რეალური ინვესტიცია და არა ბანკში ფორმალურად თანხის გადმორიცხვა. ასეთი რამ რომ არ მოხდეს, ინვესტირების შემდეგ, გაიცემა მხოლოდ 5-წლიანი და არა მუდმივი ბინადრობის მოწმობა, ასევე, ინვესტორს ყოველწლიურად ექნება ვალდებულება, რომ არანაკლებ 120 ათასი ლარის ბრუნვის დოკუმენტი წარადგინოს საგადასახადო სამსახურიდან, იმის დასტურად, რომ ფული ნამდვილად ბიზნესში აქვს დაბანდებული. თუ ამ დოკუმენტს ვერ წარადგენს, მისი ბინადრობის მოწმობა გაუქმდება”,-აცხადებს ილია წულაია “კვირის პალიტრასთან” საუბრისას.

0 124

WhatsApp-ი მალე აღარ გამოიყენებს მიმოწერის დაშიფვრის რთულ სისტემას და ამით უსაფრთხოების სამსახურებს მომხმარებლების მესიჯების წაკითხვას გაუმარტივებს. ამის შესახებ პოსრტალი Akket-ი წერს.

ეს ნაბიჯი WhatsApp-მა კომპანია Facebook-ის მოთხოვნის საფუძველზე მიიღო, რომელიც ფაქტიურად ფლობს კიდეც WhatsApp-ს.

Facebook-ის დამფუძნებლის მარკ ცუკერბერგის განცხადებით, ასეთი მოთხოვნა აშშ-ის ხელისუფლებისგან მოდის, ამიტომ 2019 წლისთვის WhatsApp-ი დაშიფვრის სუსტი სისტემით იმუშავებს, რაც უსაფრთხოების სპეციალურ სამსახურებს გაუადვილებს მიიღონ მათთვის სასურველი ინფორმაცია და ამით შეაჩერონ როგორც ტერორისტების, ასევე ფსიქიკურად დაავადებული ადამიანების დანაშაულებრივი მოქმედებები.

ცუკერბერგმა ასევე თქვა, რომ WhatsApp-ში მალე რეკლამებიც განთავსება, რაც პოპულარულ მესინჯერს მოგებას მოუტანს.