16/11/2018 – 03:43
მთავარი უცხოეთის ამბები

მოვუწოდებთ რუსეთს, შეწყვიტოს სამხრეთ ოსეთისა და აფხაზეთის დამოუკიდებელ სახელმწიფოებად აღიარება, რადგან ორივე რეგიონი საქართველოს ნაწილია, – ამის შესახებ ნატო-ს გენერალურმა მდივანმა, იენს სტოლტენბერგმა ნატო-საქართველოს კომისიის სხდომის შემდეგ განაცხადა.

„ნატოს კარი ღიაა. ლიდერებმა ივლისში გამოხატეს ერთგულება 2008 წელს მიღებული გადაწყვეტილების მიმართ, რომ საქართველო გახდება ნატოს წევრი. დღეს ნატოს წევრებმა დააფიქსირეს მხარდაჭერა საქართველოს ტერიტორიული მთლიანობისა და სუვერენიტეტის მიმართ. ჩვენ მოვუწოდებთ რუსეთს, რომ შეწყვიტოს სამხრეთ ოსეთისა და აფხაზეთის დამოუკიდებელ სახელმწიფოებად აღიარება, რადგან ეს ორივე რეგიონი საქართველოს ნაწილია.

მოვუწოდებთ რუსეთს გაიყვანოს თავისი სამხედრო ძალები საქართველოს რეგიონებიდან. შეშფოთებულები ვართ შავი ზღვის რეგიონში რუსეთის სამხედრო წარმომადგენლობის ზრდით. შავი ზღვის უსაფრთხოება პრიორიტეტულია ნატო-სთვის და პრიორიტეტულია საქართველოსთვის. ჩვენ ვმუშაობთ ისე მჭიდროდ, როგორც არასდროს“,- განაცხადა იენს სტოლტენბერგმა.

პირველ ეტაპზე ინგლისურენოვანი რობოტები ქვეყნის მასშტაბით 500 სკოლაში გამოჩნდება. პროექტის მიზანი უცხო ენაში მასწავლებლებისა და მოსწავლეების ცოდნის გაუმჯობესებაა.

პროგრამა ქვეყანას სრულად 2 წელში მოიცავს. სკოლების რობოტიზაციის პირველი ეტაპი 2019 წლის აპრილში დაიწყება.

ბოლო წლების განმავლობაში რობოტებმა იაპონიის საკლასო ოთახები დაიპყრეს. ჯერ კიდევ 2009 წელს იაპონიის ერთ-ერთ სკოლაში რობოტი საია გამოჩნდა. ის გაკვეთილებს მე-5 კლასელებს უტარებდა.

ფოტო: shutterstock.com

33 წლის კრის უოტსი ეჭვმიტანილია საკუთარი ფეხმძიმე მეუღლის, 34 წლის შენან უოტსის, და ორი ქალიშვილის, 3 წლის წლის სელესტას და 4 წლის ბელას, განზრახ მკვლელობაში. პოლიციამ იგი უკვე დააკავა და სამმაგ მკვლელობასთან ერთად ბრალი გვამების გადამალვაშიც წაუყენა. როგორც სამართალდამცველები ვარაუდობენ კრისმა გვამები იმ ნავთობ კომპანიის ტერიტორიაზე დამარხა, სადაც იგი თავად მუშაობდა.

მკვლელობის მოტივი ჯერჯერობით უცნობია, თუმცა როგორც ოჯახის ახლობლები აცხადებენ ბრალდებულს რომანი ჰქონდა თავის ერთერთ თანამშრომელ ქალბატონთან და შესაძლოა მკვლელობის მიზეზი ეს გამხდარიყო.

სამხრეთ იტალიაში, კალაბრიის რეგიონის პოლინოს ეროვნულ პარკში მდებარე რაგანელოს ხეობაში ძლიერი წვიმების შედეგად უეცრად მოვარდნილმა წყალმა 11 მოლაშქრის სიცოცხლე იმსხვერპლა. 18 ადამიანის გადარჩენა მოხერხდა ხოლო რამდენიმე მათგანის სამძებრო სამუშაოები ამ წუთებში მიმდინარეობს.

_103104070_048762534

რაგანელოს ხეობა ვიწრო და მაღალია, შესაბამისად უეცარ წყალდიდობის თავის დაღწევა მოლაშქრეებმა ვერ შესძლეს. თვითმხილველების განცხადებით ხეობა წყლით უეცრად აივსო და მასში მოყოლილი ადამიანები დაახლოებით 3 კმ-ის მანძილზე ატარა.

მანამდე ბრაზილიის პრეზიდენტმა მიშელ ტემერმა ხელისუფლების წარმომადგენლებთნ და ძალოვნებთან საგანგებო სხდომა გამართა. ქვეყანაში მიგრანტების ზრდასთან დაკავშირებით უკმაყოფილება იზრდება.

ვენესუელაში ეკონომიკური კრიზისისა და პოლიტიკური არასტაბილურობის გამო მოსახლეობა იძულებულია თავშესაფარი ბრაზილიასა და სხვა მეზობელ ქვეყნებში ითხოვოს.

19 აგვისტოს ეკვადორმა ვენესუელელი მიგრანტებისთვის ქვეყანაში შესვლის წესები გაამკაცრა.

მანამდე კი 7 აგვისტოს ბრაზილიის შტატის ფედერალური სასამართლოს მოსამართლემ დაადგინა, რომ ვენესუელასთან საზღვარი უნდა დაკეტილიყო, რადგან ქვეყნიდან მოზღვავებულია ლტოლვილების რაოდენობა. მისი გადაწყვეტილება გაასაჩივრა ფედერალურმა ხელისუფლებამ და უზენაესმა სასამართლომ გადაწყვეტილება გააუქმა.

ვენესუელაში რამდენიმე წელია გრძელდება ეკონომიკური კრიზისი. ქვეყანაში პირველადი საჭიროების პროდუქტების უკმარისობაა, რომელთა უმრავლესობის ფასი 2017 წელს ვენესუელურ ბოლივარში 1000%-ით გაუფასურდა. ექსპერტები 2018 წლის ბოლოს მილიონი პროცენტის ინფლაციას წინასწარმეტყველებენ.

ფოტო: Twitter

აშშ-ის 15 შტატში 476 ადამიანს McDonald’s-ის სწრაფი კვების ობიექტებში ყოფნის შემდეგ ნაწლავური ინფექციის Cyclospora cayetanensis-ის დიაგნოზი დაუსვეს.

მასობრივი მოწავლის შესაძლო მიზეზად ბოსტნეულის სალათები დასახელდა. ამის შესახებ აშშ-ის პროდუქტებსა და წამლებზე კონტროლის სამმართველოს განცხადებაშიანათქვამი.

ფაქტთან დაკავშირებით შემოწმება მიმდინარეობს.

ივლისში გავრცელდა ინფორმაცია, რომ აშშ-ში McDonald’s-ის ქსელში ნაწლავური ინფექციების გამო სალათს დროებით არ გაყიდიან.

პარაზიტი წვრილ ნაწლავს აზიანებს. მისი გამომწვევი ბაქტერია კი დაბინძურებულ საჭმელსა და წყალშია. ბოლო წლებში აშშ-ში ნაწლავური ინფექციის აფეთქების მასშტაბური შემთხვევები რამდენჯერმე დაფიქსირდა. ინფექციონისტებმა მათი გავრცელება ქვეყანაში იმპორტირებულ პროტუქტებს დაუკავშირეს.

მექსიკაში ნარკოვაჭრობა კვლავ მტკივნეულ პრობლემად რჩება. 2006 წლიდან მოყოლებული დღემდე ბრძოლას ერთის მხრივ, თავად ნარკოკარტელებს და მეორეს მხრივ, კარტელებსა და სახელმწიფოს შორის 200 ათასზე მეტი ადამიანი შეეწირა, 30 ათასი კი დაკარგულად ითვლება. განსაკუთრებით სასტიკი ბოლო 2017 წელი გამოდგა – 25 ათასი ადამიანი იქნა მოკლული გასულ წელს. პრობლემის მოგვარება პრეზიდენტებისა და პოლიტიკის შეცვლით ვერ ხერხდება. ქვეყანაში არსებული სიღარიბე, მაღალი დონის კორუფცია და დაუსჯელობის სინდრომი შეუძლებელს ხდის ამ სასტიკი დანაშაულებრივი ორგანიზაციების ერთხელ და სამუდამოდ დამარცხებას. სამართალდამცველებისა და სახელმწიფო მოხელეების გარდა სისტემატურად ხდება ჩვეულებრივი აქტივისტებისა და ჟურნალისტების მკვლელობა.
დღეისათვის მექსიკურ კარტელებს შორის სიძლიერით ორი მათგანი გამოირჩევა:
სინალოას კარტელი – დაარსდა ჯერ კიდევ 1980-იან წლებში. მისი დაუნდობელი ბოსის ხოაკინ გუზმანის იგივე ,,ელ ჩაპოს’’ ხელმძღვანელობით ეს კარტელი დიდი ხნის მანძილზე დომინირებდა მექსიკის ნარკოინდუსტრიაში. 2017 წელს ,,ელ ჩაპოს’’ დაპატიმრების და აშშ-ში ექსტრადირების შემდეგ კარტელი შედარებით დასუსტდა, დაიწყო ბრძოლა ძალაუფლებისათვის მის შვილებსა და თანაშემწეებს შორის. თუმცა იგი დღემდე აკონტროლებს მექსიკის ჩრდილო-დასავლეთ ტერიტორიის დიდ ნაწილს, რომელიც აშშ-ს ესაზღვრება. გამომდინარე ამ ხელსაყრელი ტერიტორიული მდებარეობისა მათი შემოსავალი ყოველწლიურად მილიარდობით დოლარს შეადგენს.

ჯალისკოს ახალი თაობა – დაარსდა 2010 წელს. თავდაპირველად წარმოადგენდა სინალოას კარტელის სამხედრო ფრთას, თუმცა შემდეგ მათი გზები გაიყარა და დღეისათვის ამ ორ კარტელს შორის დაუნდობელი ბრძოლაა გაჩაღებული ბაზარზე კონტროლის დასამყარებლად და ხელსაყრელი ტერიტორიების ხელში ჩასაგდებად. გამოირჩევიან განსაკუთრებული სისასტიკით, მათ შორის სამართალდამცველებისა და საჯარო მოხელეების მიმართ. ჯალისკოს ახალი თაობის ბოსი რუბენ ოსეგუერა იგივე ,,ელ მენჩო’’ გამოცხადებულია მექსიკის სახელმწიფოს მთავარ მტრად და დაწესებულია ჯილდო 1 მილიონი დოლარი მისი ადგილსამყოფელის შესახებ ინფორმაციის მისაღებად.
რაც შეეხება სხვა ნარკოკარტელებს, აღმოსავლეთ მექსიკაში ოდესღაც მრისხანე ,,ლოს ზეტასი’’ და ყურის კარტელი ლიდერების დაპატიმრებითა და მკვლელობებით მნიშვნელოვნად დასუსტდნენ და დაიქსაქსნენ. ქვეყნის დასავლეთში ,,ჯვაროსანი რაინდებისა’’ და ,,ლა ფამილიას’’ კარტელებმაც კონკურენტების მხრიდან შევიწროებისა და ახალი დანაშაულებრივი ჯგუფების გამოჩენის გამო პოზიციები დათმეს. მექსიკის ჩრდილოეთით ხუარესის, ტიხუანას და ბელტრან ლეივას კარტელები მნიშვნელოვნად დასუსტდნენ სინალოას კარტელისგან განხორციელებული აქტიური თავდასხმებისგან და დათმეს კონტროლი გარკვეულ ტერიტორიებზე.

დანია გერმანიის საზღვართან 70-კილომეტრიანი კედლის აშენებას გეგმავს.

ამ კონსტრუქციამ დანიაში შინაური ღორები გერმანული გარეული ტახებისგან უნდა დაიცვას, რომლებიც ღორის აფრიკული ჭირის გადამტანები არიან.

როგორც Deutsche Welle წერს, ამ დაავადების შემთხვევები არც დანიაში და არც გერმანიაში არ დაფიქსირებულა, თუმცა ის გავრცელებულია ესტონეთში, ლატვიაში, ლიეტუვასა და პოლონეთში.

ღობეს, რომელიც სიმაღლეში 1,5 მეტრი იქნება, 2019 წელს ააშენებენ და ის დანიას 11 მილიონი ევრო დაუჯდება.

ბევრი დარწმუნებულია, რომ ღობე პრობლემას ვერ მოაგვერებს. ეკოლოგები კი შიშობენ, რომ ის სხვა ცხოველების მიგრაციას შეუშლის ხელს.

ივლისის ბოლოს ცნობილი გახდა, რომ ათობით გარეულმა ღორმა ბელარუსსა და ლიეტუვას შორის საზღვარი გადაკვეთა და ევროკავშირის ტერიტორიაზე გადავიდა.

Twitter-მა ალექს ჯონსის ანგარიში ერთი კვირით დაბლოკა, რაც იმას ნიშნავს, რომ შეთქმულების თეორეტიკოსი მიკრობლოგში „ტვიტებს“ ვეღარ გამოაქვეყნებს. ამის შესახებ BBC წერს.

სოცქსელს არ დაუკონკრეტებია, რატომ მიიღო ეს გადაწყვტეილბა.

აქამდე Twitter-ი იყო ერთდაერთი სოცქსელი, რომელიც შეთქმულების თეორეტიკოსის აქტივობას არ ზღუდავდა.

მანამდე ჯონსის ანგარიში Vimeo-მ. YouTube-მა, Facebook-მა, Spotify, Apple-მა და Pinterest-მა წაშალა.

ალექს ჯონსი 9/11 ტერაქტის შესახებ მისი კონსპირაციული თეორიების გამო ფართო კრიტიკის ობიექტი გახდა. მან ასევე თქვა, რომ 2012 წელს სენდი ჰუკის დაწყებით სკოლაში “მოკლული მოსწავლეების დიდი ნაწილი მსახიობები იყვნენ”.

ინდოეთის სხვადასხვა შტატში მუსონური წვიმის დაწყებიდან დღემდე სულ მცირე 774 ადამიანი გარდაიცვალა. ინფორმაციას ქვეყნის შინაგან საქმეთა სამინისტრო ავრცელებს. ყველაზე მეტად ქვეყნის სამხრეთი შტატები დაზარალდნენ.

გარდაცვლილების გარდა არიან დაკარგულებიც. სამაშველო ოპერაციებში ეროვნული არმია და საპოლიციო დანაყოფები მონაწილეობენ.

2013 წელს მუსონური წვიმების შედეგად წარმოქმნილ წყალდიდობას ათასამდე ადამიანი ემსხვერპლა.