23/04/2018 – 17:39
მთავარი სპორტი

0 125

Laureus-მა წლის საუკეთესო სპორტსმენები გამოავლინა. კაცთა შორის 2017 წლის საუკეთესო შვეიცარიელი ჩოგბურთელი, როჯერ ფედერერი გახდა. გარდა ამისა, შვეიცარიელმა წლის „ქამბექის“ ნომინაციაშიც გაიმარჯვა. თავის მხრივ, 2017 წლის საუკეთესო ქალ სპორტსმენად Laureus-მა სერენა უილიამსი დაასახელა.

„დაუჯერებელია, რომ ასეთ დონეზე დავბრუნდი. 2017 წელი ჩემთვის ძალიან კარგი იყო. ეს ჯილდო ჩემთვის ბევრს ნიშნავს. გასულ წელს მე ბევრი ოცნება ამისრულდა.“ – განაცხადა როჯერ ფედერერმა.

აღსანიშნავია, რომ როჯერმა Laureus-ის წლის სპორტსმენის ჯილდო მეხუთედ მოიგო.

0 149

UFC-ს ყოფილმა ჩემპიონმა, ჯონ ჯონსმა კალიფორნიის სპორტსმენთა კომისია ვერ დააჯერა იმაში, რომ დოპინგი შეგნებულად არ მიუღია.

MMAJUNKIE-ს ინფორმაციით, ჩვენებაზე, რომელიც დღეს გაიმართა, ჯონსი დარწმუნებით ამტკიცებდა და უფალს იფიცებდა, რომ დოპინგის მიღების დროს არ იცოდა, რას ჩადიოდა.

ჯონსის ადვოკატს მტკიცებულებად მოჰყავდა პოლ სკოტის დამოუკიდებელი ლაბორატორიის ჩვენებები, რომლის მიხედვითაც, ტურინაბოლის მეტაბოლიტების დონე სპორტსმენის სისხლში გაცილებით მეტი იქნებოდა, ჯონსს რომ დოპინგი შეგნებულად მიეღო. თუმცა, პოლ სკოტმა აღიარა, რომ ვერ გამოიტანს საბოლოო განაჩენს იმის თაობაზე, რა გზით შეიძლებოდა აღმოჩენილიყო ტურინაბოლი ჯონსის ორგანიზმში.

CSAC-ს გამოძახებული ექსპერტი დამოწმდა, რომ ის სკოტის ვერდიქტს ვერ დაეთანხმება და ვერ იტყვის დაზუსტებით, შეიძლება თუ არა, რომ ეს ყველაფერი საკვებ დანამატში ყოფილიყო.

ჯონსის გუნდმა 15 საკვებ დანამატზე და მასაჟის კრემებზე გაიარა შემოწმება, მაგრამ ტურინაბოლი არსად არ იყო აღმოჩენილი.

ყველა მტკიცების შემდეგ, CSAC-ы თავმჯდომარემ გაიხსენა, რომ ჯონსმა ადრე კომისიას დაუმალა იმის შესახებ, რომ თავის დროზე სქესობრივი დისფუნქციის საწინააღმდეგო წამლებს იღებდა, რასაც UFC 200-ის ტურნირზე დოპინგ-ტესტის ჩაგდებას აბრალებდა.

გარდა ამისა, სპორტსმენს მისი ძველი პრობლემებიც შეახსენეს კანონთან, რომელიც ამტკიცებს, რომ მისი ფიცის დაჯერება არ შეიძლება.

შედეგად, მებრძოლი 205 ათასი დოლარით დაჯარიმდა და ჩამოერთვა ლიცენზია, რომელსაც ვადა 28 აგვისტოს გასდიოდა. ახალი ლიცენზიის აღება კი, მას მხოლოდ USADA-სთან პრობლემების მოგვარების შემდეგ შეეძლება.

0 99

მადრიდის “რეალის” მთავარმა მწვრთნელმა, ზინედინ ზიდანმა, “ესპანიოლის” წინააღმდეგ განცდილ მარცხზე (0:1) ისაუბრა.

“პირველი ტაიმი ძალიან კარგად დავიწყეთ, რამდენიმე კარგი საგოლე მომენტი გვქონდა, მაგრამ, გოლის გატანა ვერ მოვახერხეთ. მეორე ნახევარში კი, საკუთარი თამაშის პოვნა ვეღარ შევძელით.

ზედიზედ ხუთი წარმატებული მატჩის შემდეგ, კვლავ ვერ მოვახერხეთ წარმატების მიღწევა. მარცხი არ დაგვიმსახურებია და ის ძალიან მტკივნეულია.

შედეგი თამაშს არ შეესაბამება, რადგან “ესპანიოლს” ძალიან ცოტა საგოლე მომენტი ჰქონდა. კიდევ უფრო ცუდი ის არის, რომ გოლი დამატებით დროში გავუშვით. ამასთან, ამდენი დახარჯული ენერგიის შემდეგ, შეგუება ძალიან რთულია.” – აღნიშნა ზიდანმა მატჩისშემდგომ პრესკონფერენციაზე.

0 4556

მსოფლიოში ერთ-ერთმა  წარმატებულმა მარკეტინგულმა კომპანია ,,QNET”-მა, რომელიც  აქტიურად უჭერს მხარს  სპორტის განვითარებას საქართველოში, მიმდინარე წლის 24 თებერვალს,საფუძველი ჩაუყარა სამთო-სათხილამურო ტურნირს გუდაურში.  შეჯიბრში მონაწილეობა  ორმოცდაათმა მოყვარულმა მოთხილამურემ მიიღო და გამარჯვებულები,  როგორც ვაჟებში, ასევე გოგონებში გამოვლინდნენ.

DSC_5945

დაჯილდოვების ცერემონიალი საზეიმო  ვითარებაში  გაიმართა, სადაც კომპანია  ,,QNET“ -მა  ექსკლუზიური  პრიზები გადასცა  გამარჯვებულ სპორტსმენებს.

DSC_6000

გოგონებში  პირველი ადგილი  თამუნა  ჯაღმაიძემ დაიკავა , ხოლო ვაჟებში-შოთა ნათაძემ.

DSC_6036

DSC_6066

აღსანიშნავია, რომ ტურნირში გამარჯვებისთვის იბრძოდა ყველაზე პატარა მონაწილე, ბიბი ცაგარელი, რომელიც კომპანია  ,,QNET“ -მა და  მთის კურორტების განვითარების  ორგანიზაციამ  ასევე პრიზებით დააჯილდოვა.

DSC_6076

როგორც  კომპანია  ,,QNET“-ში  აცხადებენ, სამთო-სათხილამურო ტურნირი მოყვარულ სპორტსმენებს შორის ყოველწლიურად გაიმართება, რაც კიდევ უფრო ხელს შეუწყობს, როგორც სპორტის განვითარებას  ასევე  ჯანსაღი ცხოვრების წესის პოპულარიზაციას ახალგაზრდებში.

ცნობილი ფეხბურთელის ლიონელ მესის ძმა პოლიციამ დააკავა. დაკავების მიზეზი მატიაშ მესის კუთვნილ იახტაზე აღმოჩენილი სისხლის კვალი და ცეცხლსასროლი იარაღი გახდა.

ჯერჯერობით იდუმალებითაა მოცული თუ რა მოხდა ლიონელ მესის იახტაზე. პოლიციამ საქმეს უკვე იძიებს. უცნობია, ვის ეკუთვნის სისხლის კვალიც.

ლიონელ მესის ძმა პოლიციამ ერთხელ უკვე დააჯარიმა, მაშინ საქმე ნარკოტიკების მოხმარებას ეხებოდა. თუმცა, ამ შემთხვევაში ბრალდება გაცილებით მძიმეა და შესაძლოა მას ციხეში ჩაჯდომა რამდენიმე წლით მოუწიოს.

0 285

კახა შენგელიამ კალათბურთის ფედერაციის პრეზიდენტობის კანდიდატის, შიო ხეცურიანის სასარგებლოდ, საკუთარი კანდიდატურა მოხსნა.
შესაბამისი განცხადება შენგელიამ, შიო ხეცურიანთან ერთად, „კვირას” პრესკლუბში ცოტა ხნის წინ გამართულ პრესკონფერენციაზე გააკეთა.
“რამდენჯერმე მე და შიო ერთად ვიყავით მიწვეული დებატებში და კალათბურთთან მიმართებაში, ჩვენი აზრების უმეტესობა თანხვედრაში მოვიდა. ჩვენ შეგვიძლია ვიმსჯელოთ, ვიკამათოთ კალათბურთის ირგვლივ და მივიდეთ იმ ჭეშმარიტებამდე, რომელიც საბოლოო ჯამში, კალათბურთს სიკეთეს მოუტანს. შესაბამისად, მე მოვიხსენი კანდიდატურა შიოს სასარგებლოდ და ვარ მისი გუნდის წევრი“, – აღნიშნა კახა შენგელიამ.

შეგახსენებთ, რომ საქართველოს კალათბურთის ფედერაციის პრეზიდენტის არჩევნები 11 დეკემბერს გაიმართება.

“აპოელთან” დაპირისპირების წინ, მადრიდის “რეალის” მთავარმა მწვრთნელმა, ზინედინ ზიდანმა, პრესასთან ისაუბრა.

“გუნდი მწყობრშია. ისევე მიზანმიმართულად ვართ განწყობილნი, როგორც მადრიდულ დერბიზე ვიყავით. გუნდი პლეი-ოფში გასვლისგან ერთ ნაბიჯშია, ხვალ კი მორიგი სამი ქულის მოპოვება გვსურს.

ახლა ტრანსფერებზე საუბრის დრო არ არის. ჩემთვის ხვალინდელი მატჩია მნიშვნელოვანი და ფეხბურთელები, რომლებიც ჩემს განკარგულებაში არიან.

“აპოელი” – ძალიან კარგი გუნდია და ეს დაამტკიცა. ისინი ჩემპიონთა ლიგაზე დამსახურებულად თამაშობენ. “ბერნაბეუზე” პირველ შეხვედრაში, საკმაოდ ხარისხიანად გამოიყურებოდნენ. ხვალ კი, რთული მატჩი გველის და ყველაფრისთვის მზად ვართ.

ბენზემას პირველ რიგში სურს განვითარება. აქ იმისთვის ვარ, რომ მთელ გუნდს დავეხმარო და არა მარტო კარიმს. კოლექტივი განვითარებას აგრძელებს, მაგრამ ჩვენ რეალიზაციაში მოვიკოჭლებთ. უახლოეს მატჩში ამ პრობლემის გადაწყვეტა გვსურს.

ჩვენ მუშაობაში სირთულეები აშკარაა, მაგრამ მადრიდის “რეალი” ვართ და ჩვენგან ყოველთვის უფრო მეტს ითხოვენ, ამას ვხვდებით. თითოეულ ფეხბურთელს სურს, უფრო მეტი ითამაშოს და გუნდისთვის მნიშვნელოვანი იყოს. როგორც მწვრთნელი მე ვწყვეტ, ვინ ითამაშებს და ვინ არა. ჩემი ამოცანაა – ფეხბურთელები იმისთვის მოვამზადო, რომ მუდამ მაქსიმალური შედეგისთვის იბრძოლონ.

ძალიან მომწონს, “რეალის” ყველა ახალგაზრდა ფეხბურთელთან კონტაქტის დაჭერა. ისინი გამოუცდელები და მიზანმიმართულები არიან. მაგალითად, ასენსიო, რომელიც გაცილებით ნაკლებს თამაშობდა თავის პირველ სეზონში. იგივე ელის სებალიოსს და ლიორენტეს. მათ შესანიშნავი მომავალი ელით და ნელ-ნელა სათამაშო დროც მოემატებათ. ამ ფეხბურთელებს “სამეფო კლუბში” მომავალი ნამდვილად აქვთ.

მე მუდამ ოპტიმისტურად ვარ განწყობილი. ძალიან გამიმართლა, მე ხომ ჩემი სამსახურით სიამოვნებას ვიღებ და ჩემს ფეხბურთელებში დარწმუნებული ვარ. ახლა დადგა პერიოდი, როდესაც, შესაძლოა, ვინმეს მღელვარებამ იმატოს, მაგრამ ჩემს შემთხვევაში ეს ნამდვილად არ მოხდება.”

0 517

ლადო ჩიხრაძე “საბურთალოსა” და საქართველოს 17-წლამდე ნაკრების ფეხბურთელია. ქართველი მხოლოდ ახლა გახდა 16 წლის თუმცა, ესპანურმა გრანდმა, მადრიდის “ატლეტიკომ” მისდამი ინტერესი უკვე გამოთქვა. პარალელურად, ჩიხრაძით ინტერესდება იტალიური “სპალიც.” ზემოხსენებულმა კლუბებმა ქართველი ფეხბურთელი  სინჯებზე მიიწვიეს.

როგორც ცნობილია, ჩიხრაძე კლუბების სინჯებისთვის ნოემბრის ბოლოს გაემგზავრება.

0 397

შაბათს, ქართული რაგბისთვის მნიშვნელოვანია დღეა. ისტორიაში პირველად, საქართველოს მორაგბეთა ეროვნული ნაკრები უელსის გუნდს დაუპირისპირდება.

2017 შემოდგომის ტესტები, ჩვენმა ნაკრებმა წარმატებით დაიწყო. 11 ნოემბერს, საქართველომ დინამო არენაზე კანადას უმასპინძლა და 54-22 გაანადგურა. საკუთარ მოედანზე მარცხი განიცადა უელსმა. “წითელი დრაკონები” ავსტრალიასთან 21-29 დამარცხდნენ. აღსანიშნავია, რომ ბოლო 10 სანაკრებო შეხვედრაში, უელსმა 6-ში იმარჯვა, ხოლო “ბორჯღალოსნებმა” 7 გამარჯვება მოიპოვეს.

გუნდის მთავარმა მწვრთნელებმა, შემადგენლობები უკვე დაასახელს.

უელსის ეროვნული ნაკრები:

უკანა ხაზი: 15. ლიამ უილიამსი; 14. ალექს ქათბერტი; 13. სკოტ უილიამსი; 12. ოუენ უოტკინი; 11. ალამ ამოსი; 10. რის პრისლენდი; 9. რის უები.

წინა ხაზი: 1. ნიკი სმიტი; 2. კრისტიან დეისი; 3. ლეონ ბრაუნი; 4. ადამ ბერდი; 5. ქორი ჰილი; 6. დენ ლიდიატე; 7. სემ ქროსი; 8. სებ დევისი.

მარქაფა: 16. ელიოტ დი; 17. ალუნ ვინ ჯონსი; 18. თომას ფრანცისი; 19. ჯოშ ნევიდი; 20. ტაულუპე ფალეტაუ; 21. ალედ დევისი; 22. დენ ბიგარი; 23. ოუენ უილიამსი.

საქართველოს ეროვნული ნაკრები:

უკანა ხაზი: 15. სოსო მათიაშვილი; 14. გიორგი კოშაძე; 13. დავით კაჭარავა; 12. მერაბ შარიქაძე; 11. მირიან მოდებაძე; 10. ლაშა ხმალაძე; 9. ვასილ ლობჟანიძე.

წინა ხაზი: 1. მიხეილ ნარიაშვილი; 2. ჯაბა ბრეგვაძე; 3. ლევან ჩილაჩავა; 4. კონსტანტინე მიქაუტაძე; 5. გიორგი ნემსაძე; 6. ლაშა ლომიძე; 7. ვიტო კოლელიშვილი; 8. ბექა ბიწაძე.

მარქაფა: 16. შალვა მამუკაშვილი; 17. კარლენ ასიეშვილი; 18. სოსო ბეკოშვილი; 19. გიორგი ჩხაიძე; 20. გიორგი თხილაიშვილი; 21. გიორგი ბეგაძე; 22. რევაზ ჯინჭველაშვილი; 23. მერაბ კვირიკაშვილი.

ისტორიული შეხვედრა შაბათს, 18 ნოემბერს, თბილისის დროით 18:30-ზე დაიწყება.

0 321

ქართული ფეხბურთის ისტორიაში გამორჩეული დღეები არც ისე ბევრია,  ყოველშემთხვევაში მას შემდეგ რაც საბჭოთა კავშირს გამოვეყავით. თუმცა მაინც მოვძებნით ხოლმე გამოსარჩევ თამაშებსა თუ დღეებს. ზუსტად 23 წლის წინ, 16 ნოემბერს იყო ერთ-ერთი ასეთი დღე, როდესაც ევროშესარჩევის შეხვედრაში საქართველოს ნაკრებმა, მაშინდელ “ბორის პაიჭაძეზე” უელსს უმასპინძლა და შინ განადგურებული გაუშვა.

საქართველოს ნაკრების შემადგენლობა ამ შეხვედრაში ასეთი გახლდათ:  დევაძე, რევიშვილი, ცხადაძე, შელია, ჩიხრაძე, გოგიჩაიშვილი, ნემსაძე (ინალიშვილი 42), გოგრიჭიანი, ქეცბაია (ყაველაშვილი 76), ქინქლაძე, შოთა არველაძე.
მწვრთნელი: ალექსანდრე ჩივაძე.

ბრიტანელებმა შემდეგი ფეხბურთელები დაგვიპირისპირეს:  საუთჰოლი, ნელსონი (საიმონსი 46), ბოუენი, მელვილი, კოულმენი, ფილიპსი, ჰორნი, სონდერსი, რაში, ჰიუზი, სპიდი.
მწვრთნელი: მაიკ სმიტი

ლეგენდარული რაიან გიგზის გარეშე ჩამოსულ უელსს, საქართველოს ნაკრებმა 5-0 სძლია. თითო გოლი გოგრიჭიანმა, ქინქლაძემ და შოთა არველაძემ გაიტანეს. დუბლის შესრულება თემურ ქეცბაიამ ითავა საკუთარ თავზე.