16/11/2018 – 03:38
მთავარი სამართალი

0 497

სპეციალური პენიტენციური სამსახური ყოფილი პრემიერ-მინისტრისა და შინაგან საქმეთა ყოფილი მინისტრის ვანო მერაბიშვილის მიერ კლინიკის დატოვების ვიდეოკადრებს ავრცელებს.

ვანო მერაბიშვილი დღეს კლინიკა „მედიქლაბში“ დამატებითი კვლევებისთვის იყო გადაყვანილი.

გუშინ ყოფილი პრემიერ-მინისტრისა და შინაგან საქმეთა ყოფილი მინისტრის მკურნალმა ექიმმა ელენე ხურციძემ განაცხადა, რომ მისი ვანო მერაბიშვილის მდგომარეობა სტაბილურია და შეშფოთების საფუძველი არ არსებობს. ექიმის თქმით, სიმსივნე გამოირიცხა და ამ დროისთვის ჰორნერის სინდრომის დიაგნოზზე მუშაობენ.

„კონსილიუმის შედეგად მივიღეთ გადაწყვეტილება, გავაკეთოთ საძილე არტერიის ულტრასონოგრაფია, რომელიც ესაჭიროება პაციენტს. მისი მდგომარეობა სტაბილურია და მხოლოდ დაკვირვების რეჟიმში მკურნალობის გაგრძელებას საჭიროებს. მისი კლინიკაში დატოვების საფუძველი არ არსებობს“, – განაცხადა ექიმმა.

0 212

„შეწყალების კომისიამ გიორგი მამალაძის საქმე განიხილა, თუმცა კომისიის წევრთა სრული კონსენსუსი არ შედგა და შესაბამისად, პრეზიდენტმა დადებითი რეკომენდაცია კომისიამ ვერ მისცა“, – ამის შესახებ შეწყალების კომისიის თავმჯდომარემ ზვიად ქორიძემ დღევანდელ ბრიფინგზე განაცხადა.
მისივე თქმით, კომისიას ივანე მერაბიშვილის საქმე არ განუხილავს, რადგანაც მას განცხადება შეწყალების თაობაზე, რომლის საფუძველზეც დაიწყებოდა შეწყალების პროცედურა, არ დაუწერია.
„საქართველოს პრეზიდენტმა 111 მსჯავრდებული შეიწყალა საქართველოს პრეზიდენტმა დღეს ხელი მოაწერა განკარგულებას „სასჯელის სხვადასხვა ზომით მსჯავრდებულთა შეწყალების შესახებ”, რომლის თანახმადაც სულ შეწყალებულია 111 პირი. შეწყალების აქტის საფუძველზე თავისუფლების აღკვეთის დაწესებულებებიდან გათავისუფლდა 42 მსჯავრდებული, მათ შორის, 3 ქალბატონი და 1 არასწრულწლოვანი.
ხოლო, ვადიანი და უვადო თავისუფლების აღკვეთის სახით შეფარდებული სასჯელი შეუმცირდა 69 პირს, მათ შორის 4 ქალბატონსა და 6 არასრულწლოვანს.
შეწყალების საკითხთა კომისიამ 19-23 სექტემბრის პერიოდში 866 მსჯავრდებულის საქმე განიხილა. კომისიის თავმჯდომარემ ჟურნალისტების შეკითხვებს უპასუხა და აღნიშნა, რომ კომისიამ დეკანოზ გიორგი მამალაძის საქმეც განიხილა.
,,გიორგი მამალაძის საქმეს კომისია განიხილავდა განსაკუთრებული წესით, რადგან მას არ აქვს მოხდილი სასჯელის ნახევარი, ამას ითვალისწინებს შეწყალების პროცესის დებულება. ამ წესის თანახმად, კომისიას უნდა ესწრებოდეს სრული შემადგენლობის არანაკლებ სამი მეოთხედი და დადებითი რეკომენდაცია უნდა მიიღოს სრულმა შემადგენლობამ, ანუ ყველამ, ვინც ესწრება კომისიის სხდომას. გიორგი მამალაძის საქმის განხილვისას კომისიის წევრთა სრული კონსენსუსი არ შედგა და პრეზიდენტს, შესაბამისად, დადებითი რეკომენდაცია კომისიამ ვერ მისცა. პრეზიდენტმა კომისიის პოზიცია გაიზიარა”, – აღნიშნა ზვიად ქორიძემ.

33 წლის კრის უოტსი ეჭვმიტანილია საკუთარი ფეხმძიმე მეუღლის, 34 წლის შენან უოტსის, და ორი ქალიშვილის, 3 წლის წლის სელესტას და 4 წლის ბელას, განზრახ მკვლელობაში. პოლიციამ იგი უკვე დააკავა და სამმაგ მკვლელობასთან ერთად ბრალი გვამების გადამალვაშიც წაუყენა. როგორც სამართალდამცველები ვარაუდობენ კრისმა გვამები იმ ნავთობ კომპანიის ტერიტორიაზე დამარხა, სადაც იგი თავად მუშაობდა.

მკვლელობის მოტივი ჯერჯერობით უცნობია, თუმცა როგორც ოჯახის ახლობლები აცხადებენ ბრალდებულს რომანი ჰქონდა თავის ერთერთ თანამშრომელ ქალბატონთან და შესაძლოა მკვლელობის მიზეზი ეს გამხდარიყო.

0 376

ქარელის მუნიციპალიტეტში, სოფელ ხვედურეთში ჯარისკაცი მოკლეს. არსებული ინფორმაციით, გარდაცვლილის მე-13 ბატალიონში მსახურობდა.

შემთხვევა ქარელი-სკრა-გორის დამაკავშირებელი გზის მიმდებარე ტერიტორიაზე, ტყესთან ახლოს მოხდა. ჯარისკაცს ჭრილობები სანადირო თოფით აქვს მიყენებული.

არსებული ინფორმაციით, სამართალდამცველებმა სავარაუდო დამნაშავე უკვე დააკავეს. ის პოლიციის განყოფილებაშია გადაყვანილი.

შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსისი 108-ე მუხლით მიმდინარეობს.

0 213

“სმიტების ოჯახის მკვლელობაში ბრალდებული მალხაზ კობაური ჯანმრთელი და გაწონასწორებულია”, – ამის შესახებ ბრალდებულის ადვოკატმა ფსიქიკური ექსპერტიზის დეპარტამენტის თანამშრომლების მიერ ჩატარებული გამოკითხვა-გასაუბრების შემდეგ განაცხადა.
როგორც ადვოკატმა ჟურნალისტებთან საუბრისას აღნიშნა, ექსპერტებმა მისი დაცვის ქვეშ მყოფთან გასაუბრება დაასრულეს და პირად საუბარში აცხადებენ, რომ კობაური ჯანმრთელია.
რაც შეეხება წერილობით დასკვნას, მალხაზ კობაურის ადვოკატები მას უახლოესი ორი კვირის განმავლობაში ელოდებიან. დაცვის მხარე აცხადებს, რომ მალხაზ კობაური უდანაშაულოა და ამას ექსპერტების დასკვნაც ამყარებს.
ექსპერტიზის ეროვნულ ბიუროში კომენტარისგან ჯერ-ჯერობით თავს იკავებენ.

0 164

ბორჯომში დასასვენებლად ჩასული 26 წლის მამაკაცი, რომელიც მოტოციკლს მართავდა, მშენებარე სახლს შეეჯახა და ადგილზევე გარდაიცვალა.
შემთხვევა გვიან ღამით, ფოსტის შენობასთან მოხდა.
როგორც „შენი მედია გუნდს“ შს სამინისტროში განუცხადეს, მომხდარ ფაქტთან დაკავშირებით, გამოძიება სისხლის სამართლის კოდექსის 276-ე მუხლის მე-5 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
ავარიის მიზეზი, სავარაუდოდ, გადაჭარბებული სიჩქარით მოძრაობა გახდა.

0 323

 

შს სამინისტროს შიდა ქართლის პოლიციის დეპარტამენტის ხაშურის რაიონული სამმართველოს თანამშრომლებმა, სოციალურ ქსელში გავრცელებული ვიდეომასალისა და ინფორმაციის საფუძველზე, სადაც ასახული იყო შინაური ცხოველების ცოცხლად დამარხვის ფაქტზე გამოძიება დაიწყო.
როგორც „კვირას“ შს სამინისტროში განუცხადეს, შსს-მ ხაშურის მუნიციპალიტეტის ა(ა)იპ „სავანის“ ბალანსზე არსებულ უმეთვალყურეოდ დარჩენილ ცხოველთა პოპულაციის ცენტრში ცხოველებისადმი სასტიკი მოპყრობის ფაქტზე, გამოძიება საქართველოს სსკ-ის 259-ე მუხლის პირველი ნაწილით დაიწყო.
დანაშაული ისჯება ჯარიმით ან ერთ წლამდე ვადით გამასწორებელი სამუშაოთი. როგორც შინაგან საქმეთა სამინისტროში განმარტავენ, ფაქტის გამოძიების მიზნით, ტარდება ინტენსიური საგამოძიებო მოქმედებები.
შეგახსენებთ, რომ გუშინ სოციალურ ქსელში გავრცელდა ვიდეომასალა, რომლის თანახმადაც, ხაშურში უმეთვალყურეოდ დარჩენილ ცხოველთა პოპულაციის ცენტრში მყოფ მიუსაფარ ცხოველებს ცენტრის ტერიტორიაზევე ცოცხლად მარხავდნენ.

0 220

შინაგან საქმეთა სამინისტროს გენერალური ინსპექციის და ცენტრალური კრიმინალური პოლიციის დეპარტამენტის თანამშრომლებმა, ერთობლივად ჩატარებული ოპერატიულ-საგამოძიებო ღონისძიებების შედეგად, მოსამართლის განჩინების საფუძველზე, თბილისის პოლიციის დეპარტამენტის ვაკე-საბურთალოს სამმართველოს მე-7 განყოფილების დეტექტივის თანაშემწე-გამომძიებელი ბ.ა., ნარკოტიკული საშუალების უკანონო შეძენა-შენახვისა და გასაღების ბრალდებით დააკავეს. მის მიერ ჩადენილი დანაშაული 6-დან 11 წლამდე ვადით თავისუფლების აღკვეთას ითვალისწინებს.
გამოძიებამ დაადგინა, რომ ბ.ა.-მ ერთ-ერთ მოქალაქეს უკანონოდ მიჰყიდა “ტეტრაჰიდროკანაბინოლის” შემცველი ნარკოტიული საშუალება.
გამოძიება ნარკოტიკული საშუალების უკანონო შეძენა-შენახვა-გასაღების ფაქტზე მიმდინარეობს, საქართველოს სსკ-ს 260-ე მუხლის 1-ლი და მე-4 ნაწილებით.

0 301

ბუტა რობაქიძის საქმეზე ბრალდებული, კრიმინალური პოლიციის ყოფილი უფროსი ზაზა (ზურაბ) ბაქრაძე, რომელიც ამ დრომდე მიმალვაში იმყოფებოდა, საქართველოში ჩამოსვლისთანავე, აეროპორტში დააკავეს. განცხადება შსს-ში გამართულ ბრიფინგზე გაკეთდა.

“შინაგან საქმეთა სამინისტროს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს ძებნის სამმართველოს თანამშრომლებმა 2013 წლიდან წითელი ცირკულარით საერთაშორისო დონეზე ძებნილი საქართველოს მოქალაქე, 1969 წელს დაბადებული ზაზა ბაქრაძე თბილისის საერთაშორისო აეროპორტში დააკავეს.

ზაზა ბაქრაძე ამირან (ბუტა) რობაქიძის მკვლელობის საქმეში ერთ-ერთი ბრალდებულია. გამოძიებამ დაადგინა, რომ 2004 წლის 24 ნოემბერს თბილისში, წერეთლის გამზირზე მომხდარი შემთხვევის დროს, ზაზა ბაქრაძემ, სხვა პირებთან ერთად, დანაშაულის დაფარვის მიზნით, მართლსაწინააღმდეგოდ შეძენილი ცეცხლსასროლი იარაღი და საბრძოლო მასალა შემთხვევის ადგილზე მიიტანა.

2004 წელს ზაზა ბაქრაძე შინაგან საქმეთა სამინისტროში ერთ-ერთ მაღალ თანამდებობას იკავებდა – იგი თბილისის მთავარი სამმართველოს კრიმინალური პოლიციის უფროსი იყო.

ზაზა ბაქრაძეს, ჩადენილი დანაშაულის გამო, 2013 წლის 7 თებერვალს ბრალი დაუსწრებლად წარედგინა, რის საფუძველზეც, მასზე წითელი ცირკულარით ძებნა გამოცხადდა.

დაკავებულს ბრალად ედება საქართველოს სისხლის სამართლის კოდექსის 236-ე მუხლის მე-3 და 332-ე მუხლის მე-3 ნაწილით გათვალისწინებული დანაშაულები, რაც გულისხმობს ცეცხლსასროლი იარაღის მართლსაწინააღმდეგო გადაზიდვას და სამსახურებრივი უფლებამოსილების ბოროტად გამოყენებას.” ნათქვამია შსს-ს განცხადებაში.

 

0 758

თბილისის საქალაქო სასამართლოს მოსამართლის გადაწყვეტილებით, თავდაცვის ყოფილი მინისტრი დავით კეზერაშვილი კიდევ ერთ ბრალდებაში გამართლდა.
მოსამართლე ნინო ნაჭყებიამ პროკურატურის მიერ წარმოდგენილი მასალები, რომელიც საქმეში დევს, არასაკმარისად მიიჩნია და კეზერაშვილი, ბიზნესმენებისთვის ქონების ჩამორთმევის ეპიზოდზე, გაამართლა.
ცნობისათვის, პროკურატურა თავდაცვის ყოფილ მინისტრს დავით კეზერაშვილს ბიზნესმენების თამაზ და ზურაბ ნიჟარაძეებისთვის ქონების უკანონოდ ჩამორთმევას ედავებოდა.
საქმის მასალების თანახმად, 2010 წლის აგვისტოში, საქართველოს თავდაცვის ყოფილმა მინისტრმა დავით კეზერაშვილმა, რომელიც იმ პერიოდში, თავის ბიზნესსაქმიანობაში, საქართველოს ხელისუფლების უმაღლესი რანგის თანამდებობის პირების განსაკუთრებული მფარველობით სარგებლობდა, გადაწყვიტა, გაეფართოებინა თავისი ბიზნესგავლენის სფეროები და ხელში ჩაეგდო ფოთის პორტში ნავთობპროდუქტების და მშრალი ტვირთების გადამუშავებასთან დაკავშირებული ბიზნესი. პროკურატურის ცნობით, რამდენიმედღიანი ფსიქოლოგიური ზეწოლისა და ძალადობის შემდეგ, ნიჟარაძეებმა კეზერაშვილს ქონება გადაუფორმეს.