21/04/2018 – 23:19
მთავარი საზოგადოება

ელტონ ჯონმა  ფეისბუქის ოფიციალურ გვერდზე განცხადება გააკეთა და ის უკვე ემზადება ქართველ მსმენელთან შესახვედრად.„მადლობა ყველას, ვინც Caesars Palace-ში ჩემს ერთ-ერთ უკანასკნელ შოუზე მოვიდა! მე აპრილში დაგიბრუნდებით, შემდეგ კი საქართველოში, Black Sea Arena-ზე გავმართავ კონცერტებს“, – წერს მუსიკოსი.
ბრიტანელი კომპოზიტორი და შემსრულებელი ელტონ ჯონი და მისი ბენდი, კონცერტებს საქართველოში 2018 წლის 30 ივნისსა და 1-ელ ივლისს გამართავს.

საქართველოს საგარეო სამინისტროს პრესისა და ინფორმაციის დეპარტამენტი რუსეთის საგარეო საქმეთა სამინისტროს პასუხობს. ამ საკითხთან დაკავშირებით, საგართველოს საგარეო უწყება განცხადებას ავრცელებს, რომელსაც „შენი მედია გუნდი“ უცვლელად გთავაზობთ.
”გავეცანით რუსეთის ფედერაციის საგარეო საქმეთა სამინისტროს კომენტარს. ჟენევის დისკუსიები არის მნიშვნელოვანი ფორმატი რუსეთ-საქართველოს კონფლიქტის დასარეგულირებლად. იმედს გამოვთქვამთ, რომ მომავალ ჟენევის რაუნდზე ჩვენ შევძლებთ მრავალი წლის მანძილზე არსებული ჩიხური მდგომარეობიდან გამოსასვლელად და კონფლიქტის მშვიდობიანად დასარეგულირებლად კონკრეტული ნაბიჯების გადადგმას. ამასთან, კიდევ ერთხელ მოვუწოდებთ რუსეთის ფედერაციას, გადადგას ნაბიჯები ტატუნაშვილის ცხედრის დაუყოვნებლივ გადმოცემის უზრონველსაყოფად”, – აცხადებენ საქართველოს საგარეო საქმეთა სამინისტროში.
ცნობისათვის, რუსეთის საგარეო პოლიტიკურ უწყებაში საქართველოს პრემიერ მინისტრის, გიორგი კვირიკაშვილის 9 მარტის განცხადებას გამოეხმაურნენ, რომელიც უწყების ვებგვერდზეა განთავსებული.
როგორც განცხადებაშია აღნიშნული, მოსკოვში ყურადღებით გაეცნენ საქართველოს პრემიერ მინისტრ გიორგი კვირიკაშვილის 9 მარტის განცხადებას. „კმაყოფილებით აღვნიშნავთ მასში გადმოცემულ განწყობას ორმხრივი ურთიერთობის ნორმალიზების პროცესის გაღრმავების შესახებ. არავის უნდა ჰქონდეს ეჭვი, რომ რუსეთი, როგორც მანამდე, დაინტერესებულია მეზობელ საქართველოსთან ურთიერთობის გაჯანსაღებით და მზადაა იმდენად შორს წავიდეს, რამდენადაც ამისთვის მზად იქნება თბილისი.
გიორგი კვირიკაშვილის მიერ ხსენებული სწრაფვა პროგრესისკენ ჟენევის დისკუსიებში იმედს გვაძლევს საქართველოს მხარის კონსტრუქციულობასთან დაკავშირებით, რაც მარტის ბოლოსთვის დაგეგმილ მორიგ რაუნდს უკავშირდება.
დარწმუნებულები ვართ, რომ ასეთი მიდგომა მხარდაჭერილი იქნებოდა მოლაპარაკებების დანარჩენი მონაწილეების მიერაც, იმისგან დამოუკიდებლად, თუ ვინ უხელმძღვანელებს საქართველოს დელეგაციას.
შეუძლებელია არ მივესალმოთ, ასევე, დეკლარირებულ მისწრაფებას აფხაზეთთან და სამხრეთ ოსეთთან პირდაპირ დიალოგის შესახებ. სწორედ ასეთია ერთადერთი რეალური გზა იმ საკითხების დასარეგულირებლად, რომლებიც საქართველოს აწუხებს, რომელიც რუსეთ-საქართველოს ორმხრივი დღის წესრიგის ფარგლებს გარეთ არსებობს. კერძოდ, ეს ეხება ცოტა ხნის წინანდელ ინციდენტს საქართველოს მოქალაქე არჩილ ტატუნაშვილთან დაკავშირებით, რაც მწუხარებას იწვევს“, – ნათქვამია რუსეთის საგარეო საქმეთა სამინისტროს განცხადებაში.

„ტაქსის მძღოლებს საქმიანობის ნებართვისთვის ერთჯერადად – ე.წ. ფურცლის საფასურის გადახდა მოუწევთ, ელექტრომობილებისა და ჰიბრიდული ავტომანქანების მფლობელებისთვის კი ეს გადასახადი ბევრად ნაკლები იქნება“, – ამის შესახებ თბილისის მერის მოადგილემ, მაია ბითაძემ პარლამენტის იურდიულ საკითხთა კომიტეტის სხდომაზე განაცხადა, სადაც ტაქსით მომსახურების სანებართვო რეგულაციასთან დაკავშირებით დამატებითი განმარტებები გააკეთა.
მაია ბითაძემ აღნიშნა, რომ ტაქსით მომსახურების რეგულაცია 3 ეტაპად განხორციელდება.
„კანონპროექტის თანახმად, პირველ ეტაპზე, თბილისის საკრებულოს უჩნდება სამართლებრივი საფუძველი იმისთვის, რომ გამოსცეს აქტი, სადაც დადგენილი იქნება საქმიანობის სანებართვო პირობები. ანუ პირველ ეტაპზე არის აღრიცხვიანობა, გამოხატული სტატისტიკურ ფორმაში როგორც ნებართვა, რომელიც გაიცემა მარტივად, ერთი სარკმლის პრინციპით ელექტრონულად ან არაელექტრონულად, როგორც მოსახერხებელი იქნება იმ ადამიანისთვის, რომლსაც თავისი სერვისის მიწოდება უნდა მოსახლეობისთვის. იქნება მხოლოდ ერთჯერადი საფასური – ე.წ. ფურცლის საფასური, რასაც ჩვენ მაგალითად, პასპორტის ასაღებად ვიხდით. ჰიბრიდულ და ელექტროავტომობილებზე შეღავათიანი იქნება ეს გადასახადიც – პრაქტიკულად, ნული იქნება ელექტრომობილისთვის.
ტაქსის მძღოლი რეგისტრირდება, იხდის თანხას და ის არის ნებართვის მფლობელი. ნებართვის მფლობელობა პრაქტიკაში რას გულისხმობს და რას აკონტროლებს შემდეგ შინაგან საქმეთა სამინისტრო?! ნებართვის მფლობელი ვალდებული იქნება, მგზავრთა გადაყვანის დროს, იქონიოს სანებართვო ფორმა, რომელიც გაკრული უნდა ჰქონდეს მანქანაში. იქ იქნება იდენტიფიცირებული ნებართვის ნომერი, ადამიანის სახელი და გვარი. ასევე მას ევალება, რომ ავტომობილზე ჰქონდეს მანიშნებელი, რომ ის არის ტაქსი. ეს არის პირველი ეტაპი, რომელიც არის აღრიცხვისა და რეგისტრაციის მარტივი ფორმა და სამართლებრივად ამას ნებართვის გაცემა ჰქვია.
რაც შეეხება მეორე ეტაპს… რატომ ვაკეთებთ და რატომ ვფიქრობთ, რომ ეს არის სატრანსპორტო პოლიტიკის განუყოფელი ნაწილი და მათ შორის ავტოპარკის დარეგულირებისთვის გადადგმული ერთი ნაბიჯი. 2019 წელს ემთხვევა ეს, როცა უკვე ტექნიკური დათვალიერებაც შემოვა. ეს არის ამ ქალაქის იმიჯი, რომელიც ასევე უნდა გვადარდებდეს და ნებისმიერი ადამიანი, ვინც მუშაობს ამ ქალაქში, ყველა კეთილსინდისიერად უნდა ასრულებდეს კანონმდებლობის მოთხოვნებს. ასევე, მეორე ფაქტორი არის ის, რომ სანდოდ და უსაფრთხოდ გადაადგილება მოხდეს. თუ ჩვენ ვალდებული ვართ, რომ ვაკონტროლოთ ავტობუსის მძღოლები და სამარშრუტო ტაქსის მძღოლები, რომ ისინი უსაფრთხოდ გადააადგილებენ მოსახლეობას და ტურისტებს, რატომ არ უნდა მოეთხოვოთ იგივე ტაქსის მძღოლებს, რომლებიც მომსახურეობაში ბევრად მეტს იღებენ. ასევე, მნიშვნელოვანია, ტაქსის ვიზუალი გარედან და მდგომარეობა შიგნით.
მესამე ეტაპზე, როცა სისტემა სრულად ამოქმედდება და ეს შეიძლება იყოს 3 წლის შემდეგ, ტაქსის მძღოლს დაევალება ტაქსომეტრის დაყენება, რომელიც სანდოს გახდის მგზავრობის ხარჯებს და ძალიან მნიშვნელოვანია იმ მოწყვლადი მომხმარებლისთვის, რომელიც შეიძლება იყოს ტურისტი ან შეზღუდული შესაძლებლობის მქონე პირი“, – განაცხადა მაია ბითაძემ.

ქალთა საერთაშორისო დღისადმი მიძღვნილ ღონისძიებათა ფარგლებში საერთაშორისო კომპანიამ  QVI  და  QNET–მა მედიის წარმომადგენლებს უმასპინძლეს ბორჯომი რიქსოსში. კომპანიამ და მედიის წარმომადგენლებმა ერთად აღნიშნეს ქალებისადმი მიძღვნილი  დღე და ამავდროულად ისაუბრეს სამომავლო ურთიერთანამშრომლობის გეგმებზე.

unnamed (1)

კომპანია  QNET-მა განსაკუთრებულად იზრუნა ქალბატონებზე და მათ დაუვიწყარი დღე აჩუქა. სასტუმროს ნომერში მედიის წარმომადგენლებს  ყვავილების ულამაზეს თაიგულთან ერთად  ზემოთხსენებული კომპანიის საჩუქარი დახვდათ.

სანამ მედიის მშვენიერი ქალბატონები კიდევ ერთი სურპიზის შესახებ შეიტყობდნენ, კომპანიის  წარმომადგენლებმა  მათთან გაცნობითი ხასიათის შეხვედრა  გამართეს, სადაც წარმოდგენილი იყო კომპანია  QVI  და  QNET–ის პროდუქცია, მომსახურება, სიახლეები და სამომავლო გეგმები.

unnamed (4)

მედიის  წარმომადგენლებს კი სარელაქსაციო მასაჟის შემდეგ , ქონდათ შესაძლებლობა  დაესვენათ  მშვიდ გარემოში  და  8 მარტის ულამაზესი საღამო საზოგადოებისთვის ცნობილ ადამიანებთან ერთად  აღენიშნათ.

unnamed

საერთაშორისო კომპანია  QNET –მა წლევანდელი წელი ქალბატონების წლად გამოაცხადა, შესაბამისად საქართველოს წარმომადგენლობას  უკვე დაგეგმილი აქვს  რიგი ღონისძიებები, რომელიც უშუალოდ მიეძღვენება საქართველოში წარმატებული ქალბატონების წინა პლანზე წარმოჩინებას.

ბარათაშვილის ქუჩაზე მომხდარი ტრაგედიის შესახებ საქართველოს სახელმწიფო ელექტროსისტემა განცხადებას ავრცელებს, რომელსაც „შენი მედია გუნდი“ უცვლელად გთავაზობთ:

„დღეს, 28 თებერვალს, დაახლოებით 15:30 საათზე, სს „საქართველოს სახელმწიფო ელექტროსისტემის“ შენობის გარე ფასადიდან ჩამოვარდა მინის კონსტრუქციის ნაწილი, რის შედეგადაც დაშავდნენ მოზარდები, რომლებიც მომხდარისთანავე გადაიყვანეს საავადმყოფოში. სამწუხაროდ, ერთ-ერთი მათგანი, 14 წლის ა.მ. საავადმყოფოში გარდაიცვალა. ჩვენ სამძიმარს ვუცხადებთ გარდაცვლილი მოზარდის ოჯახსა და ახლობლებს. სიტყვები უძლურია ამ უდიდესი ტრაგედიის და ტკივილის გამოსახატავად. ამ მძიმე წუთებში ვდგავართ ოჯახის გვერდით. უსაფრთხოების მიზნით, შემთხვევის ადგილის პერიმეტრი შემოღობილია. შენობის მოსაპირკეთებელი სამუშაოები განხორციელდა 2008 წელს და ამჟამად არანაირი სარემონტო სამუშაოები არც ფასადზე და არც შენობაში არ მიმდინარეობდა. მიზეზების დასადგენად სამხარაულის ექსპერტიზა აწარმოებს მოკვლევას. მომხდარზე დაწყებულია საგამოძიებო მოქმედებები. ვთანამშრომლობთ სამართალდამცავ სტრუქტურებთან და ველოდებით გამოძიების შედეგებს“,- ნათქვამია განცხადებაში.

შეგახსენებთ, რომ რამდენიმე საათის წინ, თბილისში ორბელიანის მოედანზე, შენობიდან შუშის ჩამოვარდნის შედეგად, 6 ბავშვი დაშავდა, მათ შორის, ერთი გარდაიცვალა.

„დედე” პირველი ქართული ფილმია, რომლითაც ფრანგული უმსხვილესი ავიაკომპანია ”Air France”დაინტერესდა.
ამ ინფორმაციას ეროვნული კინოცენტრი ავრცელებს. „Air France”-მა გამოთქვა სურვილი, რომ მარიამ ხაჭვანის ფილმი „დედე” მათი ავიახაზების მგზავრებისთვის იყოს ხელმისაწვდომი და მალე მგზავრებს „დედეს“ ნახვა მსოფლიოს ნებისმიერ წერტილში თვითმფრინავით ფრენისას შეეძლებათ.
2017 წლის მონაცემებით, ”Air France” ავიახაზების მომსახურებით 98.7 მილიონმა ადამიანმა ისარგებლა.
„ფილმის ჩვენება ”Air France’-ის’ ავიახაზების თვითმფრინავებში ნიშნავს 98.7 მილიონ შესაძლებლობას, 98.7 მილ. ადამიანს გავაცნოთ ჩვენი კულტურა, ქვეყანა, ვაჩვენოთ ჩვენი პატარა სამოთხე. ეს არის შესაძლებელობა, ეკონომიკური კეთილდღეობისა და ტურიზმის დიდი განვითარებისა.
ეს დიდი წარმატებაა არა მხოლოდ მარიამისთვის და შემოქმედებითი ჯგუფისთვის, არამედ მთელი საქართველოსთვის! გვიხარია, რომ ქართულ კინოს შეუძლია ქვეყნის ეკონომიკურ განვითარებაში თავისი წვლილის შეტანა“, – აცხადებენ ეროვნულ კინოცენტრში.
22 თებერვლიდან –  ”დედე: სვანური ბალადა” საქართველოს კინოთეატრებში.
28 თებერვალს ”დედეს” რეჟისორი მაყურებელს კინოთეატრ „ამირანში“ 19:30- საათიანი სეანსის დამთავრების შემდეგ შეხვდება.

საერთაშორისო ქსელური მარკეტინგის კომპანია QNET საქართველოში ფინანსური პირამიდების წინააღმდეგ კანონის მიღებას ითხოვს. ამის შესახებ კომპანიის წარმომადგენელმა, იურისტმა იასე ზაუტაშვილმა საქართველოში მოქმედ მედიის წარმომადგენლებთან გამართულ პრესკონფერენციაზე განაცხადა.

DSC_1874

შეხვედრას კომპანიის გენერალური დირექტორი ტრევორ კუნა და დსთ-ს ქვეყნებსა და თურქეთში კომპანიის რეგიონალური დირექტორი ჯემ გეიკი ესწრებოდნენ.

კომპანიის წარმომადგენლებმა გამოხატეს მზაობა, მედიასთან თანამშრომლობით, საზოგადოებას QNET -ის შესახებ ობიექტური და გამჭვირვალე ინფორმაცია მიაწოდონ. მათ აღნიშნეს, რომ უახლოეს მომავალში, ამ მიზნით , სხვადასხვა აქტივობა იგეგმება.

DSC_1801

„QNET -ი ვერ შეეგუება იმ ფაქტს, რომ ვინმემ ის ფინანსურ პირამიდად მოიხსენიოს. ჩვენც გვახსოვს ფინანსური პირამიდები, მაგრამ მათი მიდგომა და ე.წ. ბიზნეს-მოდელი მკვეთრად განსხვავდება პირდაპირი გაყიდვებისა და ჩვენი კომპანიის ბიზნეს-მოდელისგან. ჩვენ უნდა გამოვიდეთ ჩრდილიდან. ფინანსური პირამიდის, კომპანიის იმიჯისა და მომდევნო საქმიანობის შესახებ შეკითხვებზე პასუხი უნდა იყოს გამჭვირვალე. ჩვენ არაერთხელ განვაცხადეთ, რომ Q NET -ი მომხრეა საქართველოში მიიღონ ფინანსური პირამიდების შესახებ კანონი, ამ სიაში კი ჩვენი კომპანია ვერასოდეს მოხვდება. აქვე გეტყვით, რომ ისეთი ცნობილი საფეხბურთო კლუბი, როგორიც არის მანჩესტერ სიტი, ფინანსურ პირამიდებთან არ თანამშრომლობს. ასევე, დავოსში, ეკონომიკურ ფორუმზე, ფინანსურ პირამიდებს არ ეპატიჟებიან, ჩვენი კომპანია კი, იქ მიწვეული იყო. ეჭვებს იწვევს ის ფაქტი, რომ მედიაში არასრული ინფორმაციები ვრცელდება“,- აღნიშნა იასე ზაუტაშვილმა.

კომპანიის წარმომადგენლებმა ჟურნალისტებს Q NET -ის პროდუქციისა და ბიზნეს-გეგმის შესახებ დეტალური ინფორმაცია გააცნეს. მედიის წარმომადგენლებს შესაძლებლობა ჰქონდათ, ადგილზევე დაეთვალიერებინათ ექსკლუზიურად Q NET -ისთვის დამზადებული შვეიცარული საათები და კოსმეტიკური ნაწარმი.

საერთაშორისო კომპანია Q NET-ის სათაო ოფისი ჰონგ-კონგში მდებარეობს და 25-ზე მეტ ქვეყანაში ფილიალები და სააგენტოები გააჩნია. საქართველოში Q NET 2014 წლიდან დაფუძნდა და ბაზაში დაახლოებით 20 000-ზე მეტი ადამიანია რეგისტრირებული, რომელმაც კომპანიის პროდუქცია შეიძინა.

რამდენიმე საცხობმა პურის ფასი უკვე გაზარდა – ამის შესახებ, რადიო “პალიტრას” გადაცემაში „საქმე“ პურპროდუქტების ასოციაციის ხელმძღვანელმა, მალხაზ დოლიძემ განაცხადა. მისივე თქმით, საცხობების ნაწილში პური 5-10 თეთრით არის გაძვირებული.
„ტარიფები იზრდება და ეს მეწარმისთვის მტკივნეულია, რადგან სწორედ ტარიფიდან გამომდინარე ხდება პროდუქციის თვითღირებულების გაანგარიშება. ხოლო თუ მეწარმეს პროდუქციის თვითღირებულება გაეზარდა, ორი გზა რჩება – ან პროდუქციის ფასი გაზარდოს, ან წონაში შეამციროს,“-აღნიშნა დოლიძემ.

ამასთან, მოსალოდნელია, რომ წყლისა და ელექტროენერგიის ტარიფების ზრდას ფქვილის გაძვირებაც მოჰყვება. როგორც მწარმოებელთა ასოციაციის ხელმძღვანელმა, ლევან სილაგავამ გადაცემა „საქმეში“ განაცხადა,

ორივე ტარიფი ფქვილის ფასზე მოქმედებს და წინასწარი დათვლებით, ფასი 1 ტომარაზე დაახლოებით 20-50 თეთრის ფარგლებში გაიზრდება.

ზვავსაშიშროების გამო, გუდაური-კობის მონაკვეთზე ყველა სახის ავტოტრანსპორტის მოძრაობა აკრძალულია.
ამის შესახებ ინფორმაციას საავტომობილო გზების დეპარტამენტი ავრცელებს.
„გარემოს ეროვნული სააგენტოს ცნობით, საერთაშორისო მნიშვნელობის მცხეთა–სტეფანწმინდა–ლარსის(რუსეთის ფედერაციის საზღვარი) საავტომობილო გზის გუდაური(ფოსტა)-კობის მონაკვეთზე ზვავსაშიშროებაა, რის გამოც გზის ამ მონაკვეთზე ყველა სახის ავტოტრანსპორტის მოძრაობა აკრძალულია.
ამავე გზის კმ134-კმ135 (დარიალის ხეობა) მონაკვეთზე ავტოტრანსპორტის მიმოსვლისას იკრძალება მათი გაჩერება.
აღნიშნული რეჟიმით მოძრაობა განხორციელდება საპატრულო პოლიციის უშუალო ზედამხედველობით და კოორდინაციით“, –აღნიშნულია ინფორმაციაში.

2017 წლის განმავლობაში საჯარო სამსახურის ბიუროს მიერ ჯამში მონიტორინგი ჩაუტარდა თანამდებობის პირთა 287 ქონებრივ დეკლარაციას. აქედან 284 შემთხვევითი შერჩევის პრინციპით შეირჩა, ხოლო 3 დეკლარაცია დასაბუთებული წერილობითი განცხადების საფუძველზე. საჯარო სამსახურის ბიუროს მონაცემებით, მონიტორინგის შედეგად 224 დეკლარაცია უარყოფითად, ხოლო 56 დეკლარაცია დადებითად შეფასდა.

ბიუროს ცნობით, დეკლარაციების შემოწმების დროს უარყოფითად შეფასების საფუძველი შემდეგი ძირითადი დარღვევები გახდა: შეუსაბამობა უძრავი ქონების ფართებში (დეკლარანტს მითითებული აქვს დაახლოებითი ფართი და არა რეალური ფართი, რაც რეგისტრირებულია საჯარო რეესტრის ეროვნული სააგენტოს ბაზებში); დაუდეკლარირებელი უძრავი ქონება, რომელიც რეგისტრირებულია ოჯახის წევრის სახელზე და არის სასოფლო სამეურნეო დანიშნულების მიწის ნაკვეთი; ცდომილება საბანკო ანგარიშების დეკლარაციის შევსების დღის მდგომარეობით ჩაწერილ ნაშთსა და საბანკო ამონაწერში დაფიქსირებულ ნაშთს შორის; დაუდეკლარირებელი საბანკო (დამხმარე) ანგარიშები; შეცდომით დაანგარიშებული მატერიალური შედეგები სასესხო ხელშეკრულებების შემთხვევებში; სამეწარმეო საქმიანობის შემთხვევაში, არ ფიქსირდება საწარმოების წილების ან/და ინდივიდუალური მეწარმეობის თაობაზე ინფორმაცია, განსაკუთრებით იმ შემთხვევაში, როდესაც საწარმო დაფუძნებიდან დღემდე ფაქტობრივად არ ფუნქციონირებს და ანაზღაურებადი საქმიანობის ნაწილში დარღვევები: ოჯახის წევრების შემოსავლების არდაფიქსირება ან განსხვავებული ოდენობით დაფიქსირება, წლიური შემოსავალის არასწორად/ზეპირად დაანგარიშება და არა დაწესებულების ბუღალტრისგან მიღებული ინფორმაციის საფუძველზე, დაბეგრილი (ხელზე მიღებული) შემოსავალის

 დეკლარირება დაუბეგრავის (დარიცხულის) ნაცვლად. ამასთან, საჯარო ბიუროს ინფორმაციით, დეკლარაციებში აღმოჩენილი დარღვევების გამო ზოგიერთი თანამდებობის პირები დაჯარიმდნენ. მათ შორის არიან: 6 მოსამართლე, პრეზიდენტის მრჩეველი; თბილისის საკრებულოს შემთხვევაში დაჯარიმდა – 1 პირი, გამგეობების თანამდებობის პირებიდან დაჯარიმდა 5 დეკლარანტი, თბილისის მერიის სსიპ-ების თანამდებობის პირებიდან კი 2 მათგანი დაჯარიმდა.
საჯარო სამსახურის ბიუროს მონაცემებით,დაჯარიმებულთა სიაში ასევე არიან: შინაგან საქმეთა მინისტრის ყოფილი მოადგილე, სასაზღვრო პოლიციის ყოფილი ხელმძღვანელი ზურაბ გამეზარდაშვილი; 112-ის დირექტორი გიორგი ბიჭაშვილი; კულტურის მინისტრის მოადგილე მანანა ბერიკაშვილი; პრეზიდენტის მრჩეველი ფიქრია ჩიხრაძე; სემეკ-ის წევრი გოჩა შონია; ყოფილი გენერალური აუდიტორი ლაშა თორდია; საკრებულოს წევრი გიორგი მუსხელიშვილი; სააპელაციო სასამართლოს მოსამართლე თამარ ზამბახიძე, საქალაქო სასამართლოს ყოფილი მოსამართლე თამაზ ურთმელიძე.