25/09/2017 – 10:13
მთავარი საზოგადოება

სამწუხაროა, რომ ეკლესიის წინააღმდეგ ბოლო დროს განვითარებული მოვლენები მტკივნეულად შეეხო ჩვენი ქვეყნის გარეთ მცხოვრებ ქართველებსაც და მათი განაწყენება გამოიწვია, – ამის შესახებ სრულიად საქართველოს კათოლიკოს-პატრიარქის მიმართვაშია ნათქვამი, რომელსაც საპატრიარქო ავრცელებს. „ლაზებო, ფერეიდნელებო, ტაო-კლარჯელნო, ჰერნო, საქართველოს ავბედობის გამო სამშობლოს მოწყვეტილნო საყვარელო ჩვენო ყოველნო შვილნო, არ დაგაბრკოლოთ ზოგიერთთა ზიანის მომტანმა ქმედებებმა; დრო გავა და, იმედი გვაქვს, ისინიც შეინანებენ თავის საქციელს; თქვენ კი გახსოვდეთ: საქართველოს და საქართველოს ეკლესიას უყვარხართ, სადაც არ უნდა იყოთ, თავისად მიაჩნიხართ, გული დიდად შესტკივა თქვენზე და ყოველთვის ეყოლებით მფარველობის ქვეშ. დღეს რთული დროა, მრავალთა ინტერესი იკვეთება ჩვენს პატარა სამშობლოსთან მიმართებაში; პრობლემების უმრავლესობაც აქედან მოდის; მაგრამ ღმერთი დიდია და იგი თქვენც და ჩვენც მოგვცემს ძალას დაბრკოლებების გადასალახავად. თქვენ ყველას და სრულიად საქართველოს გულითადად გილოცავთ ღვთისმშობლის შობის დღეს; ყოვლადწმინდა მარიამის მფარველობა არ მოგაკლდეთ მისი წილხვედრი ქვეყნის შვილებს“, -აღნიშნავს ილია მეორე.

საქართველოში  ქსელური მარკეტინგი წლებია  აქტუალობას არ კარგავს, შესაბამისად ყოველდღიურად იზრდება ინტერესი ისეთ შემოსავალზე, რომელიც უშუალოდ  თითოეულ ინდივიდზეა დამოკიდებული. რამდენად სრულყოფილად და ყველაზე შემოსავლიან ბიზნესის  სახეობად  შეიძლება ჩავთვალოთ  იგი  და რითი განსხვავდება იგი  პირამიდისგან?

ქსელური მარკეტინგი  არის  ბიზნესი , სადაც რაც უფრო მეტი ადამიანია დასაქმებული, მით უფრო  დიდია შემოსავალი, მარკეტინგული კონცეფცია  გულისხმობს ქსელური (მრავალსაფეხუროვანი) ორგანიზაციის შექმნას, რომელიც  მოწოდებულია წინ წაწიოს მომსახურება  და პროდუქცია მწარმოებლიდან მომხმარებლამდე, მხოლოდ პირდაპირი კონტაქტის გამოყენებით, ადამიანიდან ადამიანზე. ქსელური  მარკეტინგი  არ იყენებს რეკლამას პროდუქციის გასაყიდად, საკუთარი  ბიზნესის განვითარება საკუთარ შრომაზე ხდება დამოკიდებული. ხშირ შემთხვევაში არასწორი ინფორმაციის წყალობით ხდება საზოგადოების შეცდომაში შეყვანა, შესაბამისად  უფრო დეტალურად მოგაწვდით ინფორმაციას, რათა თავიდან აიცლოთ  გარკვეული ფინანსური  ზარალი. პირველ რიგში უნდა გაითვალისწინოთ, რომ კომპანია რომელიც შემოგთავაზებთ უმოკლეს დროში  გამდიდრებას და დიდ სარგებელს  შეესაბამება სიცრუეს, გახსოვდეთ რომ ქსელური მარკენტინგის მთავარი ღერძი არის ყოველთვის პროდუქტი, თუ არ არის პროდუქტი შესაბამისად არ გაქვთ საქმე ქსელურ მარკეტინგთან, აუცილებლად გადაამოწმეთ , ყავს თუ არა საქართველოში წარმომადგენლობა იმ კომპანიას, რომელთანაც თანამშრომლობას გადაწყვეტთ, გაითვალისწინეთ ასევე ის ფაქტი, რომ თქვენ  არ ხართ  ვალდებული შეიძინოთ ესა თუ ის პროდუქტი , თუ ეს თქვენს სურვილს  ეწინააღმდეგება და თუ გადაწყვეტთ ქსელურ მარკეტინგში ჩართვას , გახსოვდეთ რომ თქვენივე მონდომება  და შრომა იქნება იმის მიხედვით დაფასებული , რამდენადაც სერიოზულად მიუდგებით.

 როგორ უნდა განასხვავოთ ქსელური მარკეტინგი პირამიდისგან?

არ ენდოთ ისეთ კომპანიებს, რომლებიც  უმოკლეს დროში  გპირდებიან  გამდიდრებას  ან დიდ ფინანსურ სარგებელს, გაითვალისწინეთ საქართველოს კანონმდებლობა, რომელიც  საქართველოში ლიცენზირებულ  მიკრო-საფინანსო ორგანიზაციებსაც  კი  თხოვს, ყველა ოფიციალურ დოკუმენტში მიუთითონ , რომ გაკოტრების შემთხვევაში პასუხს არ აგებენ მეანაბრის ანაბარზე, შესაბამისად ყველა ის  შ.პ.ს, რომელიც გპირდებათ ,არსებულ კონკურენციასთან შედარებით  მაღალ  საპროცენტო  განაკვეთს,  შეგიძლიათ  არა სანდოდ  ჩათვალოთ  მათი საქმიანობა  და მიაკუთვნოთ პირამიდების რიცხვს. ქსელური მარკეტინგი ფუნდამენტალურად განსხვავდება პირამიდისგან  და მას არანაირი კავშირი არ აქვს არც ანაბართან და ამ ანაბრისგან მიღებულ საპროცენტო სარგებელთან.

ქსელური მარკეტინგი დასაბამს მე-20 საუკუნის 20-30 წლებიდან იღებს . ყველაფერი კი, ჩინეთში მდებარე საკონცენტრაციო ბანაკში დაიწყო, სადაც ამერიკელი კარლ რენბორგი ჩინეთის სათავეში გენერალ ჩან კაიშის მოსვლის შემდეგ მოხვდა. ტყვეობამდე, 12 წლის განმავლობაში, რენბორგი ჩინეთში მოქმედ ამერიკულ ნავთობ და გემთმშენებელ კომპანიებში მუშაობდა და ჯანმრთელ კვებაში ვიტამინების როლზე ჯერ კიდევ მაშინ ფიქრობდა.

რენბორგის ციხეში  გატარებულმა წლებმა,  ქსელურ მარკეტინგს ჩაუყარა საფუძველი, იქიდან გამომდინარე, რომ ციხეში საკვები უვარგისია და ადამიანის ჯანმრთელობისთვის სასარგებლო არ არის, კარგად აცნობიერებდა რენბორგი, რომელიც საკმაოდ ერუდირებული იყო. პატიმრებისთვის ვიტამინების მიღება აუცილებელი იყო, თუმცა ციხის პირობებში ეს შეუძლებელი იყო. რენბორგმა გამოსავალი იპოვა – დაჟანგებული ლურსმნის ნაქლიბ ნაწილაკებს ციხის საჭმელს ამატებდა, რათა რკინის შემცველობა ამ ფორმით აენაზღაურებინა ორგანიზმში.მერე, საკონცენტრაციო ბანაკის მცველები მოისყიდა და ტყიდან სხვადასხვა ბალახის მოტანა სთხოვა, რომელსაც, ასევე, საჭმელში ურევდა. ყველაფერ ამით, რენბორგმა და სხვა პატიმრებმაც, ვინც მისი რჩევა გაითვალისწინეს, სიცოცხლე შეინარჩუნეს და ტყვეობასაც თავი დააღწიეს. აშშ-ში დაბრუნების შემდეგ, 1927 წელს, რენბორგმა  სხვადასხვა საკვები დანამატი შექმნა, პრეპარატები ნაცნობ-მეგობრებს უფასოდ დაურიგა, რომ მათი შთაბეჭდილება გაეგო, მაგრამ ვიტამინები არავინ გასინჯა… რენბორგი მალევე მიხვდა, რომ უფასო არაფერი ფასდება. ამიტომ, ამჯერად ახლობლებს ვიტამინები მიჰყიდა და  შედეგმაც არ დააყოვნა: ადამიანებმა არათუ დალიეს, არამედ, სასარგებლო დანამატებზე ინფორმაცია სწრაფადაც გაავრცელეს და… ახალი პროდუქტი ისეთი მოთხოვნადი გახდა, რომ რენბორგი მის დამზადებას და საინფორმაციო მუშაობას ვეღარ აუდიოდა. აი, სწორედ მაშინ ყოფილ ტყვეს და მის მეუღლეს გენიალური იდეა გაუჩნდათ, რაც იმას ნიშნავდა, რომ ყველა ადამიანი, ვინც საკვებ დანამატზე ინფორმაციას სხვას მიაწვდიდა და ამას საქონელბრუნვა მოჰყვებოდა, ამის სანაცვლოდაც ფულად ჯილდოს, ანუ საკომისიოს მიიღებდა… ასე დაიბადა თანამედროვე ქსელური ინდუსტრია.

მარკეტინგის განვითარების შემდეგი ეტაპი რიჩ დე ვოსსა და ჯეი ვან ენდელს უკავშირდება, რომლებმაც 1959 წელს, რენბორგის სტრუქტურაში ათწლიანი წარმატებული მოღვაწეობის შემდეგ, თავიანთი კომპანია  American  Way Corporation ანუ AMWAY („ამერიკული გზა“) შექმნეს. სხვათა შორის, AMWAY მსოფლიოში ერთ-ერთ უძველეს ქსელურ კომპანიად ითვლება.

საქართველოში რამდენიმე კომპანია შეგვიძლია მოვიყვანოთ მაგალითად, რომლებსაც  მსოფლიოში წამყვანი პოზიციები უკავიათ ქსელური მარკეტინგის განვითარებაში.

კომპანია Q-NET -ი 1998 წელს ჰონკონგში დაარსდა და ის მსოფლიოს არაერთ ქვეყანაში საქმიანობს. ჩვენს რეგიონში კომპანია  Q-NET-ი აქტიურად ოპერირებს უკრაინაში, ყაზახეთში, აზერბაიჯანსა და რუსეთში.

რა პრივილეგიით სარგებლობენ Q-NET- ში გაწევრიანებული ადამიანები და რაში მდგომარეობს მათი სარგებელი?

კომპანია Q-NET -ი აწარმოებს  ექსკლუზიურ  პროდუქციას, რომლის შეძენაც შესაძლებელია  კომპანიის ოფიციალურ საიტზე  დარეგისტრირებით.   სხვადასხვა  ონლაინ მაღაზიის  პროდუქტი  რომ შეიძინოთ  პირველ რიგში  საჭიროა  ქონდეთ თქვენი  პროფილი საიტზე, Q-NET- ის საიტზე დარეგისტრირებაც  იგივენაირად ხდება , როგორც სხვა საიტებზე. თქვენ ირჩევთ  კონკრეტულ  პროდუქტს და დაინტერესების  შემთხვევაში  ხდება  არჩეული პროდუქტის  შეძენა.  იმ შემთხვევაში თუ , თქვენივე  შეძენილი პროდუქტი  თქვენს მოწონებას დაიმსახურებს და ამ  თქვენს ახლობლებსა და მეგობრებს გაუჩნდებათ სურვილი შეიძინონ  იდენტური პროდუქტი, კომპანია  ყოველი გაყიდული პროდუქტიდან, რომლის რეკომენდატორიც  თქვენ იქნებით, გერიცხებათ  პროდუქტის ღირებულების  გარკვეული ნაწილი.  ამის შემდეგ თქვენს კეთილ  ნებაზეა დამოკიდებული, იქნებით  დაინტერესებული ქსელური მარკეტინგის განვითარებით  თუ არა, რადგან თქვენივე მოდნომებაზე ხდება დამოკიდებული თქვენი შემოსავალი, რა თქმა უნდა, თქვენ შეგიძლიათ უბრალოდ შეიძინოთ  რაიმე პროდუქტი და აღარ დაინტერესდეთ იმით, თქვენს გარშემო ვინმეს ეცოდინება  თუ არა  თქვენი შენაძენის  შესახებ . ადამიანებს გააჩნიათ ყოველთვის თავისუფალი  ნება  არჩევანი გააკეთონ  იმ შემთხვევაშიც კი, როდესაც ეს არჩევანი არ არსებობს,  ამიტომ ყოველთვის  განსაზღვრეთ  რა უფრო სასარგებლოა  თქვენთვის  და  ენდეთ საკუთარ თავს, რადგან თქვენივე შრომას  და მონდომებას  მოაქვს ფინანსური სარგებელი და არა  ისეთ დაპირებებს , რომლებიც შეიძლება  არა ერთმა კომპანიამ შემოგთავაზონ.  გახსოვდეთ , რომ  ნებისმიერი წამოწყებული საქმე  იმდენად წარმატებული იქნება , რამდენადაც  თქვენი  მონდომება იქნება  რეალიზებული, ამიტომ კარგად განსაზღვრეთ  და გადაამოწმეთ  ოფიციალურად  ყველა ის კომპანია, რომლებთანაც თანამშრომლობას გადაწყვეტთ  და თუ ქსელური მარკეტინგით სერიოზულად დაინტერესდებით  წარმატება არა მარტო თქვენთვის, არამედ თქვენი ახლობლებისთვისაც  შესამჩნევი გახდება.

 

საქართველოს მოქალაქეთა საყურადღებოდ, რომლებიც საბერძნეთის ტერიტორიის ტრანზიტით გადაკვეთით, ევროპის ქვეყნებში შეძენილი ავტომობილით ბრუნდებიან საქართველოში, საგარეო საქმეთა სამინისტრო განცხადებას ავრცელებს.

როგორც განცხადებაშია ნათქვამი, საბერძნეთის კანონმდებლობით, საექსპორტო დეკლარაციის გარეშე ქვეყნის ტერიტორიიდან ავტომობილის გაყვანისთვის დაწესებულია 500 ევროს ოდენობით ჯარიმა. იმისათვის, რომ საქართველოს მოქალაქეებმა აირიდონ ჯარიმა, საჭიროა საექსპორტო დეკლარაცია, რომლის მიღება ხორციელდება ავტომობილის შეძენის ქვეყანაში.

”გასული თვეების განმავლობაში გახშირდა შემთხვევები, როდესაც ევროპის ქვეყნებში ავტომობილის შეძენისას, მისი ევროკავშირის ტერიტორიიდან გაყვანისათვის საჭირო სხვა დოკუმენტებთან ერთად, საქართველოს მოქალაქეები არ ითხოვენ ე.წ. საექსპორტო დეკლარაციას, რის გამოც საბერძნეთ-თურქეთის სასაზღვრო პუნქტზე უხდებათ ჯარიმის გადახდა.

საქართველოს მოქალაქეთა საყურადღებოდ, რომლებიც საბერძნეთის ტერიტორიის ტრანზიტით გადაკვეთით, ევროპის ქვეყნებში შეძენილი ავტომობილით ბრუნდებიან საქართველოში, საგარეო საქმეთა სამინისტრო განცხადებას ავრცელებს.როგორც განცხადებაშია ნათქვამი, საბერძნეთის კანონმდებლობით, საექსპორტო დეკლარაციის გარეშე ქვეყნის ტერიტორიიდან ავტომობილის გაყვანისთვის დაწესებულია 500 ევროს ოდენობით ჯარიმა. იმისათვის, რომ საქართველოს მოქალაქეებმა აირიდონ ჯარიმა, საჭიროა საექსპორტო დეკლარაცია, რომლის მიღება ხორციელდება ავტომობილის შეძენის ქვეყანაში.

”გასული თვეების განმავლობაში გახშირდა შემთხვევები, როდესაც ევროპის ქვეყნებში ავტომობილის შეძენისას, მისი ევროკავშირის ტერიტორიიდან გაყვანისათვის საჭირო სხვა დოკუმენტებთან ერთად, საქართველოს მოქალაქეები არ ითხოვენ ე.წ. საექსპორტო დეკლარაციას, რის გამოც საბერძნეთ-თურქეთისასაზღვრო პუნქტზე უხდებათ ჯარიმის გადახდა.

ხშირ შემთხვევაში, აღნიშნული პრობლემა წარმოიქმნება რადგან საქართველოს მოქალაქეები არ ფლობენ ინფორმაციას იმის შესახებ, რომ ევროპის ქვეყანაში შეძენილი ავტომობილით საქართველოში დაბრუნებისას, საბერძნეთის ტერიტორიის ტრანზიტით გადაკვეთის შემთხვევაში, სავალდებულოა მოქალაქეს ჰქონდეს ავტომობილის საექსპორტო დეკლარაცია, რათა შეუფერხებლად გადაკვეთოს საზღვარი. წინააღმდეგ შემთხვევაში, მათ ავტომობილით საზღვრის გადაკვეთის უფლება არ მიეცემათ.

საბერძნეთის კანონმდებლობით, საექსპორტო დეკლარაციის გარეშე ქვეყნის ტერიტორიიდან ავტომობილის გაყვანისთვის დაწესებულია 500 ევროს ოდენობით ჯარიმა. შესაბამისად,საქართველოს მოქალაქეებს, რომლებმაც ევროპაში შეიძინეს ავტომობილი და არ ფლობენ საექსპორტო დეკლარაციას, საბერძნეთ-თურქეთის სასაზღვრო პუნქტზე („კიპის“ სასაზღვრო-გამტარი პუნქტი), საბერძნეთის საბაჟო სამსახურის მიერ ეკისრებათ აღნიშნული თანხის გადახდა.

აღსანიშნავია, რომ საექსპორტო დეკლარაციის მიღება ხორციელდება ავტომობილის შეძენის ქვეყანაში. საბერძნეთის საბაჟო სამსახურების მიერ, ადგილზე საექსპორტო დეკლარაციისგაფორმება არ ხორციელდება.

აღნიშნულის თაობაზე ინფორმაცია განთავსებულია ქ. სალონიკში საქართველოს გენერალური საკონსულოს ვებ-გვერდზე: http://thessaloniki.con.mfa.gov.ge”, – ნათქვამია განცხადებაში

ახალი iPhone-ების წინასწარი შეკვეთები საქართველოს ზოგიერთ მაღაზიაში ორშაბათიდან, 18 სექტემბრიდან დაიწყება. საუბარია iPhone 8-სა და iPhone 8+-ზე.
როგორც „ბიზნესპრესნიუსს“ ზოგიერთ მაღაზიაში უთხრეს, მართალია iPhone 8-სა და iPhone 8+-ის გაყიდვები შეერთებულ შტატებში 21 სექტემბრიდან იწყება, თუმცა საქართველოში ახალი აიფონები 1 დღით ადრე ანუ 20 სექტემბერს გამოჩნდება და იმ პირებისთვის, ვისაც სურვილი ექნება რომ საქართველოში და მსოფლიოში პირველებს ჰქონდეთ აღნიშნული ექსკლუზიური მოდელები, მათი შეძენა 21 სექტემბრამდე 5 555 ლარად შეეძლებათ. 21 სექტემბრის შემდეგ კი ფასები შედარებით დაიწევს და 2 000 ლარის ფარგლებში ეღირება.აღსანიშნავია, რომ ფასები განსხვავებულია სხვა მაღაზიებში. რადგან ზოგიერთი მაღაზიის ცნობით, 21 სექტემბრიდან iPhone 8-სა და iPhone 8+-ის ფასები სავარაუდოდ 3 ათასი ლარიდან დაიწყება.

რაც შეეხება iPhone 10-ს, მისი გაყიდვები აშშ-ში 3 ნოემბერს იწყება, თუმცა, ზოგიერთ მაღაზიაში უთხრეს, ქართულ ბაზარზე iPhone-ის საიუბილეო მოდელი ერთი დღით ადრე ან მაქსიმუმ 3 ნოემბერს გამოჩნდება და მისი ფასი 9 999 ლარი იქნება

მათთვის, ვისაც პირველს სურს მისი შეძენა. უკვე 4 ნოემბრიდან კი iPhone 10-ის ფასი დასტაბილურდება და 2 700 ლარის ფარგლებში იქნება.

Apple-მა iPhone 8-ის, iPhone 8+ – სა და საიუბილეო iPhone X კალიფორნიაში, სტივ ჯობსის თეატრში 12 სექტემბერს წარმოადგინა.

iPhone 8 და iPhone 8 + ვიზუალურად iPhone 7-ის მსგავსია, რაც შეეხება iPhone X-ს, იგი განსხვავებულია. ამ მოდელის მთავარი ღირსებაა ე.წ. უსაზღვრო ეკრანი – all screen. ანუ, წინა პანელი მთლიანად ეკრანს უკავია. როგორც პრეზენტაციაზე ითქვა, ეკრანი მაღალი გარჩევადობითა და ფერთა ფართო გამით გამოირჩევა. ასევე, მას აქვს სახის სკანერი, თუმცა აღარ აქვს თითის სკანერი.

რაც შეეხება ფასებს, აშშ-ში iPhone 8 699 $ ეღირება, iPhone 8 + – 799 $, ხოლო iPhone X- 999 $

პირველი ვიცე-პრემიერი, ფინანსთა მინისტრი დიმიტრი ქუმსიშვილი ლარის კურსზე პროგნოზირებისგან თავს იკავებს, თუმცა აცხადებს, რომ საგადასახდელო ბალანსი გაუმჯობესებულია 700 მილიონ დოლარამდე.

ფინანსთა მინისტრის თქმით, პროგნოზირება ძალიან უმადური საქმეა.

„რაც შემიძლია ვთქვა არის ის, რომ საგადასახდელო ბალანსი გაუმჯობესებულია 700 მილიონ დოლარამდე,

რაც მდგომარეობს იმაში, რომ ფულადი ჩარიცხვები ქვეყანაში წინა წელთან შედარებით შემოსულია მეტი. ექსპორტიდან ამონაგები არის შემოსული მეტი და ასევე, ტურიზმიდან ამონაგები არის შემოსული მეტი. ჯამურად, ეს არის 700 მილიონი დოლარი და შესაბამისად, მე არ ვპროგნოზირებ, ვერ ვპროგნოზირებ ვერაფერს. ჩვენ გვაქვს მცურავი კურსი, რომელიც დამოკიდებულია მოთხოვნა-მიწოდებაზე. ხანდახან შეიძლება გვქონდეს ცოტა მეტი მოთხოვნა, ცოტა მეტი მიწოდება, თუმცა ეს არის ბაზრის ქცევა. ჩვენთვის მნიშვნელოვანია, რომ ის განკარგვადი შემოსავალი, რომელიც ჩვენს მოქალაქეებს აქვთ, არ შემცირდეს, რისთვისაც არის დაწყებული ლარიზაციის პროგრამა და ლარიზაციის პროგრამაში თვითონ მოსახლეობის სესხები კომერციულ ბანკებში ლარით არის გაზრდილი 43%-დან 53%-მდე, რაც არის ძალიან მნიშვნელოვანი. ამავდროულად, მნიშვნელოვანი იქნება ინფლაციური მოლოდინები, რომელშიც ჩვენ აგვისტოში საკმაოდ კარგი ტრენდი გვქონდა, 5,7%-მდე დავედით“, – განაცხადა ქუმსიშვილმა.

დღეიდან N150 მარშრუტზე MAN-ის მარკის ახალი ავტობუსები იმოძრავებენ. აღნიშნული მარშრუტი უნივერსიტეტის მაღლივი კორპუსიდან ვაჟა-ფშაველას გამზირის, პეკინის ქუჩის, მელიქიშვილისა და რუსთაველის გამზირების გავლით, ბარათაშვილის ხიდამდე მიდის, ხოლო უკუმიმართულებით, 26 მაისის მოედნიდან კოსტავასა და შარტავას ქუჩაზე აგრძელებს მოძრაობას და ვაჟა-ფშაველას გამზირს კალანდაძის ქუჩიდან უკავშირდება.
შეგახსენებთ, რომ MAN-ის ავტობუსებმა გასული წლის ოქტომბრიდან დღემდე ყვითელი ავტობუსები ეტაპობრივად ჩაანაცვლა.
თბილისის მერიის გადაწყვეტილებით, 15 სექტემბერს N150 მარშრუტზე MAN-ის შვიდი ახალი ავტობუსი გავა, ხოლო 18 სექტემბრიდან კიდევ ოთხი ახალი ავტობუსი დაემატება.

გაერო-ს ტურიზმის მსოფლიო ორგანიზაციის (UNWTO) გენერალური მდივნის თანამდებობაზე საქართველოს კანდიდატი ზურაბ პოლოლიკაშვილი დაამტკიცეს.

UNWTO-ს გენერალურმა ასამბლეამ ერთხმად დაუჭირა მხარი ორგანიზაციის აღმასრულებელი საბჭოს 2017 წლის 12 მაისის გადაწყვეტილებას და ზურაბ პოლოლიკაშვილი აირჩია UNWTO-ს გენერალური მდივნის თანამდებობაზე.

„აღსანიშნავია, რომ ეს არის პირველი შემთხვევა, როდესაც საქართველოს კანდიდატი საერთაშორისო ორგანიზაციის მაღალი ხელმძღვანელის პოზიციას დაიკავებს.

ახალი გენერალური მდივნის დამტკიცება UNWTO-ს გენერალური ასამბლეის 22-ე სესიის ფარგლებში მოხდა, რომელიც ჩინეთში ქ. ჩენგდუში იმართება“, – აცხადებენ საგარეო საქმეთა სამინისტროში.

გენერალური მდივნის პოსტზე დამტკიცების შემდგომ, ზურაბ პოლოლიკაშვილმა ასამბლეის მონაწილეებს სიტყვით მიმართა. UNWTO-ს გენერალური მდივნის პოსტზე ზურაბ პოლოლიკაშვილის დამტკიცების პროცედურას ესწრებოდა საქართველოს დელეგაცია ვიცე-პრემიერის, საგარეო საქმეთა მინისტრის მიხეილ ჯანელიძის ხელმძღვანელობით, რომელიც ტურიზმის მსოფლიო ორგანიზაციის გენერალურ ასამბლეაში მონაწილეობს.

“ცოდნის მიღება საკმარისი არ არის. ცოდნასთან ერთად ადამიანს უნდა ჰქონდეს რწმენა, სარწმუნოება და კეთილი თვისებები” – ამის შესახებ სრულიად საქართველოს კათოლიკოს პატრიარქმა, უწმინდესმა და უნეტარესმა ილია მეორემ დღეს სიონის ღვთისმშობლის მიძინების სახელობის ტაძარში პარაკლისის დაწყებამდე ქადაგებისას ბრძანა.
პატრიარქმა ტაძარში შეკრებილებს ეკლესიური ახალი წელი და სასწავლო წლის დაწყება მიულოცა.
”დღეს არის ახალი წელი ეკლესიურად და დასაწყისი სასწავლო წლისა. ორი დღესასწაული დაემთხვა ერთმანეთს. მე მინდა ორივე დღესასწაული მოგილოცოთ. დღეს ჩვენ უნდა ვიფიქროთ იმის შესახებ, თუ რას გვაძლევს და რა არის განათლება. უპირველეს ყოვლისა, ჩვენ უნდა ვიცოდეთ, რომ ეს არ არის მხოლოდ ცოდნა. ცოდნის მიღება ეს არის ”ნათელი ქრისტესი”. ”ნათელი ქრისტესი განგვანათლებს ყოველთა”. ყოველმა ჩვენთაგანმა უნდა იცოდეს, რომ ”ნათელი ქრისტესი” უნდა შევიდეს ჩვენში. ჩვენ გავუღოთ კარი და სარკმელი ჩვენი გულისა და გონებისა ”ნათელსა ქრისტესა”. ბევრი რამ არის დამოკიდებული ჩვენზე”, – განაცხადა პატრიარქმა.
უწმინდესმა მისი სტუდენტობის წლებიც გაიხსენა. პატრიარქის თქმით, იყვნენ ისეთი სტუდენტებიც, რომლებიც კარგად სწავლობდნენ, მეცადინეობდნენ და ითვისებდნენ პროფესორების მიერ გადმოცემულ ლექციებს, მაგრამ წიგნების კითხვას ნაკლებად აქცევდნენ ყურადღებას.
უწმინდესის განცხადებით, ასეთი სტუდენტები თავისი ცოდნით და განათლებით სუსტები იყვნენ.
”ვიყავით ისეთი სტუდენტები, რომლებიც მივდიოდით ბიბლიოთეკაში და ვეძებდით საინტერესო წიგნებს. ჩვენ ვკითხულობდით ფილოსოფიას, ლოგიკას, ფსიქოლოგიას. ეს ყველაფერი აფართოებდა ჩვენს ცოდნას. უნდა ითქვას, რომ ცოდნის მიღება საკმარისი არ არის. ურწმუნო ადამიანის გონებაში ცოდნას მოაქვს უარყოფითი შედეგები. ცოდნასთან ერთად ადამიანს უნდა ჰქონდეს რწმენა, სარწმუნოება და კეთილი თვისებები. აი ასეთი კეთილი თვისებებით უნდა აღვზარდოთ ჩვენი მომავალი თაობა. მე მინდა კიდევ ერთხელ მოგილოცოთ ეს დღე და შეგახსენოთ უფლის სიტყვები – ”ითხოვეთ და მოგეცეთ თქვენ, ეძიებდით და ჰპოვოთ, ირეკდით და განგეღოთ თქვენ”. ღმერთმა მოგცეთ მადლი, წყალობა, სიბრძნე, სიხარული, სიყვარული და მტკიცე სარწმუნოება”, – განაცხადა ქადაგების ბოლოს უწმინდესმა.
პატრიარქმა დღეს სიონში სასულიერო აკადემიის პრორექტორი დეკანოზი ბესარიონ ცინცაძე მიტრის ტარების უფლებით დააჯილდოვა.
პატრიარქის თქმით, დეკანოზი დიდი პატრიარქის, კალისტრატე ცინცაძის შთამომავალია.

ელტონ ჯონის 16-17 სექტემბრის კონცერტების ბილეთების მფლობელები 2018 წლის 30 ივნისსა და პირველი ივლისს ამავე ბილეთებით შეძლებენ მომღერლის კონცერტზე დასწრებას – ამის შესახებ ჟურნალისტებს Solo-ში განუცხადეს.

16 სექტმებრის ბილეთების მფლობელები 30 ივნისის კონცერტზე დაიშვებიან, ხოლო შესაბამისად, 17 სექტემბრის ბილეთები პირველი ივლისით ჩანაცვლდება.

როგორც Solo-ში განმარტეს, სურვილის შეთხვევაში , 2017წლის  20 სექტემბრიდან 20 ნოემბრამდე მომხმარებლებს შეეძლებათ, დააბრუნონ ბილეთები და მისი საფასური მიიღონ.

ამასთან, ბილეთების გაყიდვა განახლებული თარიღებით 20 სექტემბრიდან დაიწყება.

ლეგენდარული ბრინატული მომღერლის კონცერტები „ბლექ სი არენაზე“ 16-17 სექტემბერს იყო დაგეგმილი, თუმცა კონცერტები  ელტონ ჯონის ჯგუფის ერთ-ერთი წევრის ჯანმრთელობის მდგომარეობის გამო გადაიდო.

 

2017 წლის 1-ლი ივლისიდან არ შეიცვლება სამართლებრივი რეჟიმი აირბალონიანიმოწყობილობის მქონე სატრანსპორტო საშუალებებისათვის, – ამის შესახებ შინაგან საქმეთა სამინისტროს განცხადებაშია ნათქვამი.

უწყების ინფორმაციით, მიდგომა მხოლოდ ტექდათვალიერების სისტემის ამოქმედების შემდეგ გამკაცრდება.

„სხვადასხვა მედიასაშუალების მიერ გავრცელებული ინფორმაციის საპასუხოდ, კიდევ ერთხელ გვინდა ხაზგასმით განვმარტოთ, რომ 2017 წლის 1-ლი ივლისიდან არ შეიცვლება სამართლებრივი რეჟიმი აირბალონიანი მოწყობილობის მქონე სატრანსპორტო საშუალებებისათვის და მათი შემოწმებისა და რეაგირების წესი ბუნებრივი აირის სისტემის მონტაჟზე იქნება იგივე, რაც იყო 2017 წლის 1-ელ ივლისამდე და ეს მიდგომა გამკაცრდება მხოლოდ ტექდათვალიერების სისტემის ამოქმედების შემდეგ“, – აღნიშნულია განცხადებაში.

შსს-ს ცნობით, დღეის მდგომარეობით, საპატრულო პოლიცია დარღვევებზე იმ შემთხვევაში რეაგირებს, თუ ვიზუალური დაკვირვების შედეგად, სახეზეა გაუმართაობისგან საფრთხის წარმოშობის მაღალი ალბათობა, ასევე როდესაც სატრანსპორტო საშუალება ექვემდებარება ტექდათვალიერებას და არ აკმაყოფილებს აღნიშნულ მოთხოვნებს. უწყების განცხადებით, აღნიშნული შემთხვევების გარდა, პოლიცია არ განახორციელებს ადმინისტრაციული სამართალდარღვევის ოქმის შედგენას და შესაბამისად, არ მოხდება მძღოლებისათვის ქულების შემცირება.

„დღეის მდგომარეობით, საპატრულო პოლიციის დეპარტამენტი საქართველოს ადმინისტრაციულ სამართალდარღვევათა კოდექსის 119-ე მუხლის მე-5 ნაწილით (ექსპლუატაციის წესების დარღვევა) დადგენილი მოთხოვნების შემოწმებას და მასზე რეაგირებას ახორციელებს იმ შემთხვევაში, თუ დარღვევა ვიზუალურად აშკარაა და ვიზუალური დაკვირვების შედეგად, სახეზეა გაუმართაობისგან საფრთხის წარმოშობის მაღალი ალბათობა. აგრეთვე, იმ შემთხვევაში, როდესაც სატრანსპორტო საშუალება ექვემდებარება ტექდათვალიერებას და ასეთი სატრანსპორტო საშუალება არ აკმაყოფილებს აღნიშნულ მოთხოვნებს.

გამართული ტექდათვალიერების სისტემის გარეშე, რომელიც წარმოადგენს ადმინისტრაციულ სამართალდარღვევათა კოდექსის 119-ე მუხლის მე-5 ნაწილის მოთხოვნათა აღსრულების სამართლებრივ და ორგანიზაციულ-ტექნიკურ მექანიზმს, საპატრულო პოლიციის დეპარტამენტი, საქართველოს ადმინისტრაციულ სამართალდარღვევათა კოდექსის 22-ე მუხლით მინიჭებული დისკრეციული უფლებამოსილების საფუძველზე, გარდა ზემოაღნიშნული ორი შემთხვევისა (ვიზუალური დაკვირვების შედეგად გაუმართაობით გამოწვეული აშკარა საფრთხე და სავალდებულო ტექდათვალიერებას დაქვემდებარებული სატრანსპორტო საშუალების მესაკუთრის მიერ მოთხოვნების დარღვევა) არ განახორციელებს 119-ე მუხლის მე-5 ნაწილით გათვალისწინებულ სამართალდარღვევებზე ადმინისტრაციული სამართალდარღვევის ოქმის შედგენას და შესაბამისად, არ მოხდება ამ მძღოლებისათვის ქულების შემცირება.

ამასთანავე, შინაგან საქმეთა სამინისტრო მოუწოდებს აირბალონიანი მოწყობილობების მქონე სატრანსპორტო საშუალებების მძღოლებს, საქართველოს მთავრობის მიერ დამტკიცებული ტექნიკური რეგლამენტით დადგენილი წესით მოახდინონ მათ სატრანსპორტო საშუალებებზე დამონტაჟებული სისტემების შემოწმება და შესაბამისი სერტიფიკატების აღება ტექდათვალიერების სისტემის ამოქმედებამდე, რადგან ტექდათვალიერების სისტემის ამოქმედების შემდეგ, ამ სფეროში ადმინისტრირება გამკაცრდება“, – ნათქვამია შინაგან საქმეთა სამინისტროს განცხადებაში.