21/08/2018 – 09:49
მთავარი საზოგადოება

გურიაში გარდაცვლილი არასრულწლოვანი გოგოს დედა სოციალურ ქსელში წერილს ავრცელებს.

თამუნა ძნელაძე თანაგრძნობისთვის მადლობას იხდის და საზოგადოების ნაწილს მიმართავს, ამ ტრაგედიაში მშობლების პასუხიმგებლობაზე არ ილაპარაკონ, რადგან მათ არაფერი იციან ამ ურთიერთობის შესახებ.

„ნატას უბედური დედა გპასუხობთ ხალხო… მე არც გული, არც ენერგია მაქვს ყველას გიპასუხოთ, მაგრამ ყველა თქვენგანის კომენტარს ვკითხულობ მაშინ, როცა ყველას ტკბილი ძილით გძინავთ! დიდი მადლობა მათ, ვინც ჩემი უსაზღვრო ტკივილი გაიზიარა, ასეთი ძალიან ბევრი ხართ. არ გაბედოთ ვინმემ და ნატას სული მცდარი აზრებით არ შეაწუხოთ , ის უკიდურესად სუფთა სულის ბავშვი იყო, ბავშვი იყო გამოუცდელი და კაციჭამია, სისხლისმსმელმა ვამპირმა შეაშინა… არ ვიცი რატომ არ გამენდო მე მის დედას, მე მის მეგობარს, მე მის სათაყვანოს… რატომ არ უთხრა მისი გასაჭირი მის უბედურ მამას, რომელსაც არაფერს უმალავდა არასოდეს…. მას ხალხის აზრის შეეშინდა ალბათ თორემ, არ არსებობდა საქციელი, რომელსაც მისი ოჯახი ვერ გაუგებდა… ის ჩემი სიცოცხლე, ჩემი სუნთქვა და ჩემი ცხოვრების აზრი იყო და ეს კარგად იცოდა… ნუ ილაპარაკებთ ჩვენს დედაშვილობაზე, თუკი არ გვიცნობთ! მე თქვენთან ბრძოლის თავი არ მაქვს, ვისაც შეგწევთ ძალა დამეხმარეთ და ნატას სულის გადარჩენაზე ლოცვაში დამეხმარეთ. ის ჩემი ანგელოზი იყო და იცოდეთ უამრავი ადამიანი იხსნა მსგავსი გასაჭირიდან.”,- წერს გარდაცვლილი გოგოს დედა.

შინაგან საქმეთა სამინისტროს ინფორმაციით, 16 წლის გოგოს, 22 წლის ბიჭი აიძულებდა მისთვის ინტიმური ფოტოები და ვიდეო გაეგზავნა. მოგვიანებით, ბრალდებულმა გოგოს დაშანტაჟება დაიწყო, რის გამოც ამ უკანასკნელმა საკუთარი საცხოვრებელი სახლის ეზოში თავი ჩამოიხრჩო.

ბრალდებული შსს-მ ოზურგეთში დააკავა

ქართველმა კუბერმა ვაკო მარჩილაშვილმა რუბიკის კუბის წყალქვეშ აწყობაში მსოფლიო რეკორდი დაამყარა. მან ერთი ჩასუნთქვით 6 ცალი სტანდარტული რუბიკის კუბის აწყობა მოახერხა და ამერიკელი ენტონი ბრუკსის შედეგი გააუმჯობესა. ბრუკსი გინესის წიგნში 2014 წლის პირველ აგვისტოს შევიდა, როდესაც წყალქვეშ 5 რუბიკის კუბის აწყობა მოახერხა.

ლაგოდეხის სიახლოვეს, სოფელ გიორგეთის სასაფლაოზე, უკვე მრავალი წელია, რაც ერთ-ერთ საფლავს საბრძოლო ვერტმფრენი „დარაჯობს”…

აქ ქართველი სამხედრო პილოტი – ჯიმშერ (ჯიმი) მაისურაძე განისვენებს, რომელიც სიკვდილის შემდეგ ვახტანგ გორგასლის პირველი ხარისხის ორდენით დააჯილდოვეს და ეროვნულ გმირად აღიარეს.

მას რუსები მეტსახელად „ჩორნი პალკოვნიკს” (შავი პოლკოვნიკი) ეძახდნენ. ჯიმი მაისურაძე ავღანეთში, სამაჩაბლოსა და აფხაზეთში იბრძოდა. 1992 წლის 26 დეკემბერს, მისი – „МИ-24″ მოწინააღმდეგისდესანტებმა რაკეტით აფხაზეთში ჩამოაგდეს.

პილოტის მეგობარმა, ხელისუფლების მიმართ პროტესტის ნიშნად, მის საფლავზე ერთ-ერთი საბრძოლო ვერტმფრენი დასვა, რადგან ხელისუფლება ყურადღებას არ აქცევდა ჯიმი მაისურაძის ოჯახს და არც მისი ხსოვნის პატივსაცემად ზრუნავდა. ვერტმფრენი დღესაც იქ დგას…

0 1300

ქართველი ნიჭიერი თეოლოგი გრიგოლ ჭეჟია, მეოთხე წელია გერმანიაში ცხოვრობს, მაგისტრატურას ერთ სემესტრში ამთავრებს და  ზაფხულობით  სტუდენტურ სამუშაობზე უწევს მუშაობა. მისი ცხოვრება საინტერესოდ დატვირთულია, თუმცა სწავლისა და მუშაობის შეთავსებას წარმატებულად ახერხებს და ამასთანავე ცდილობს ადამიანის სულის ისეთ დეტალებს ჩაწვდეს, რომელიც მის ქმედებებს კიდევ უფრო აღქმადს და გასაგებს გახდის. მისი გულწრფელობითა და სიმდამბლით კი ახერხებს იყოს სამაგალითო და მისი რამდენიმე წინადადებაც საკმარისია, იმისათვის რომ დარწმუნდეთ ზემოდ გაჟღერებული აზრების ჭეშმარიტებაში.

36639131_1763398933737479_6681668308715962368_n

,,უკვე რამდენიმე კვირაა ერთ-ერთ ქარხანაში ვმუშაობ, სადაც პლასტმასის დეტალებს ვამზადებთ აუდის მანქანებისთვის. ეს კვირა ისევ ღამის ცვლაში მომიწია მუშაობა. ჩვენი განაყოფის უფროსი როგორც ყოველთვის მოდის ცვლის დაწყებამდე და რობოტებს გადახედვას და თუ მოსამართია მომართავს და შემდეგ მიდის. თან თავისი ბავშვები დაყავს ხოლმე. ბიჭი ხუთი-ექვსი წლის იქნება და გოგო შვიდი-რვა წლის. წასვლის წინ ყველას დაგვივლიან და ხელის ჩამორთმევით გვემშვიდობებიან. წუხელ მარტო ბიჭი იყო. მოვიდა და Tschüß-ო (ნახვამდისო ) მეც ნახვამდის-მეთქი, მაგრამ ხელი არ ჩამოვართვი. პლასტმასის ერთმანეთში არეულ მარცვლებს ვაცალკევებდი უხელთათმანოდ და ხელი გაშავებული მქონდა. მამამისმა შეამჩნია და მთხოვა ხელი ჩამოართვი ხოლმეო. მე დასვრილი ხელი დავანახე. არა, მან უნდა ისწავლოს ადამიანებისადმი პატივისცემა და თავაზიანობაო. მომეწონა ძალიან ეს მიდგომა.  მთელი ღამე წინ მქონდა და ბევრი რამე გამახსენდა ჩემი ბავშვობიდან. სკოლაში ერთი მასწავლებელი გვაშინებდა, თუ არ ისწავლით ურიკის დამტარებელი იქნებით ბაზარშიო. ზოგ ჩვენგანს კიდე ტრაკტორისტს ეძახდა და ა.შ. მერე ისიც გამახსენდა, რომ ჩემი თაობიდან ბევრი ნიჭიერი ადამიანი დაიკარგა. სპორტსმენი, მოცეკვავე, მათემატიკოსი, ფილოლოგი. .. იმიტომ, რომ არ იყო დრო და საშუალება. ტყვიები იყო ჭრილობებიდან ამოსაღები და მოსაშუშებელი. იცით რომელი ტყვიები? ჩემი მასწავლებლის ნასწავლმა და ინტელიგენტმა თაობამ, რომ ერთმანეთს ესროლა. ბოლოს ის პარლამეტარიც გამახსენდა რამდენიმე თვის წინ, რომ ბრძნად იმეტყველა”.

 

მსახიობი ზაზა (ზუზუ) ბეჟაშვილი საცხოვრებელი კორპუსის ლიფტში გარდაცვლილი იპოვეს.
შემხვევა წუხელ, ღამის საათებში, დოლიძის ქუჩაზე მოხდა.
მსახიობის ცხედარი ექსპერტიზის ეროვნულ ბიუროშია გადასვენებული.
როგორც „შენი მედია გუნდს“ შინაგან საქმეთა სამინისტროში განუცხადეს, გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. მიმდინარეობს საგამოძიებო მოქმედებები.

კომპანია QNET -ის წარმომადგენლები გორის მუნიციპალიტეტში კომპაქტურად ჩასახლების ობიექტს სტუმრობდნენ.

39121828_1871358949825504_1569827387254767616_n

მათი ინიციატივითა და მხარდაჭერით აღნიშნულ დასახლებაში მცხოვრებ ახალგზარდებსა და საბავშვო ბაღების აღსაზრდელებს წარმომადგენლებმა სხვადასხვა სახის ტკბილეული ჩაუტანეს. აქციის ფარგლებში, დევნილი თანატოლებისთვის სამუსიკო კვარტეტის მონაწილეობით კონცერტი გაიმართა,სადაც შესრულდა როგორც კლასიკური მუსიკა, ასევე ქართული ხალხური და თანამედროვე სიმღერები. ღონისძიების დასასრულს 60 დევნილ ბავშვს სიურპრიზი მოუწყევს და საჩუქრები გადასცეს.

39227369_1871358943158838_8552408431942696960_n

,,ბავშვებსა და ახალგაზრდებს განსაკუთრებით სჭირდებათ მზრუნველობა, ყურადღება და თანადგომა. შევეცადეთ, მათთვის შეძლებისდაგვარად გაგველამაზებინა და გაგვეხალისებინა ერთი დღე. ეს აქცია კიდევ ერთი კეთილი საქმეა, ამ დასახლებაშიც, ისევე როგორც ყველგან, სადაც არიან ბავშვები. მოხარულები ვართ, რომ დღეს გორში ვიმყოფებით და შესაძლებლობა მოგვეცა, დევნილთა დასახლებაში მცხოვრები პატარებისთვის და მოზარდებისთვის პირადად გადაგვეცა საჩუქრები, რომლებიც, იმედი გვაქვს მათ გაახარებს და მოეწონებათ’’.

39200118_1871358566492209_4612059697762009088_n

ორგანიზატორების განცხადებით მსგავსი ღონისძიებები მომავალშიც გაგრძელდება, რომლის მიზანი ადამიანებისადმი თანადგომა და მოხალისეობის კულტურის დანერგვის ხელშეწყობაა.

2012-2017 წლებში სხვა ქვეყნის მოქალაქეებზე გაცემული ბინადრობის მოწმობა 71 681 იყო.
როგორც “კვირის პალიტრის” დღევანდელ გამოცემაშია ნათქვამი, არსებული ცნობით, 2018 წელს ზემოხსენებულმა რიცხვმა 80 000-ს გადააჭარბა, თუმცა დაუზუსტებელი ინფორმაციით, შესაძლოა, 100 000-ზე მეტი იყოს.
2012-2016 წლებში უცხო ქვეყნის მოქალაქეების მიერ საკუთრების უფლებით რეგისტრირებული 34 024 უძრავი ქონება აღირიცხა. მიგრაციის საკითხთა სამთავრობო კომისიის ინფორმაციით კი საქართველოში უძრავ ქონებას 53% რუსი, 5% უკრაინელი, 5% სომეხი, 5% აზერბაიჯანელი და 4% ისრაელის მოქალაქე ყიდულობს.
გამოცემის ცნობით, უცხოელებისთვის საქართველოში ბინადრობის ნებართვის გაცემის წესი იცვლება და მნიშვნელოვნად რთულდება. ცვლილებების შეტანა “უცხოელთა და მოქალაქეობის არმქონე პირთა სამართლებრივი მდგომარეობის შესახებ” საქართველოს კანონში იგეგმება. კანონპროექტი, რომელიც პარლამენტში უკვე წარდგენილია, დეპუტატებს – გოჩა ენუქიძესა და ივლიანე წულაიას ეკუთვნით. დღეს მოქმედი კანონით, პირზე ბინადრობის ნებართვა გაიცემა მის მიერ არანაკლებ 300 ათასი ლარის ინვესტიციის დაბანდების საფუძველზე, ან საქართველოს ტერიტორიაზე უძრავი ქონების საკუთრებაში ქონის შემთხვევაში, რომლის საბაზრო ღირებულება აღემატება 35 ათასი აშშ დოლარის ეკვივალენტს ლარში. ცვლილებების თანახმად, ნებართვის მიღების საფუძველი ჩვენს ქვეყანაში 300 ათასი დოლარის ინვესტირება ან უძრავი ქონების ფლობა გახდება, რომლის ღირებულებაც 100 ათასი აშშ დოლარს აღემატება. ამის გარდა, პროექტის მიხედვით, ინვესტორზე თავიდანვე მუდმივი ბინადრობის ნებართვა აღარ გაიცემა, მანამდე ინვესტორმა ჯერ 5 წლის ვადით, საინვესტიციო ბინადრობის ნებართვა უნდა მიიღოს.
კანონპროექტის ავტორების აზრით, ბინადრობის მოწმობის მისაღებად, კანონი საკმაოდ დაბალ თანხობრივ ცენზს აწესებს, რაც დღევანდელ რეალობაში და მიგრაციის არსებული დონის გათვალისწინებით, რაციონალურ მინიმალურ ზღვარზე უფრო დაბალია. ეს კი მათი შეფასებით, ხელს უწყობს არა იმდენად ინვესტიციების მოზიდვასა და ქვეყნის ეკონომიკურ წინსვლას, არამედ უცხო ქვეყნის მოქალაქეების (ძირითადად, მატერიალურ სიდუხჭირეში მყოფი პირების) მასობრივ მიგრირებას.
“კვირის პალიტრის” ინფორმაციით, შრომითი ნებართვების დიდი ნაწილი თურქეთის, ინდოეთის, ჩინეთის, უკრაინის და ირანის მოქალაქეებზეა გაცემული. მუდმივი ცხოვრების ნებართვებს, ძირითადად, აზერბაიჯანის, რუსეთის, უკრაინისა და თურქეთის მოქალაქეები იღებენ. სასწავლო ნებართვების დიდი წილი ინდოეთის, ერაყის, ნიგერიის, აზერბაიჯანისა და თურქეთის მოქალაქეებზე მოდის, ხოლო ოჯახის გაერთიანების მიზნით,ბინადრობის ნებართვები გაცემულია აზერბაიჯანის, რუსეთის, სომხეთის, უკრაინისა და თურქეთის მოქალაქეებზე.
2012-2016 წლებში არ დაკმაყოფილდა მხოლოდ 9 408 პირის განაცხადი ბინადრობის ნებართვის გაცემაზე, რაც ჯამში, შესული განცხადებების დაახლოებით 12%-ია.
აღნიშნული კანონპროექტის ერთ-ერთი ავტორი – ილია წულაია აცხადებს, რომ ახალი რედაქციით, ინვესტირების შემდეგ, ბინადრობის მოწმობა გაიცემა მხოლოდ 5 წლით და არა მუდმივად.
“ასევე, ვცვლით საინვესტიციო ბინადრობის მოწმობის მოპოვების წესებსაც. მოქმედი კანონმდებლობით, თუ 300 ათასი ლარის ინვესტიციის საფუძველზე გაიცემა მუდმივი ბინადრობის მოწმობა, ეს ზღვარი 300 ათას დოლარამდე გავზარდეთ და კონტროლის მექანიზმი ჩავდეთ, რომ ეს იყოს რეალური ინვესტიცია და არა ბანკში ფორმალურად თანხის გადმორიცხვა. ასეთი რამ რომ არ მოხდეს, ინვესტირების შემდეგ, გაიცემა მხოლოდ 5-წლიანი და არა მუდმივი ბინადრობის მოწმობა, ასევე, ინვესტორს ყოველწლიურად ექნება ვალდებულება, რომ არანაკლებ 120 ათასი ლარის ბრუნვის დოკუმენტი წარადგინოს საგადასახადო სამსახურიდან, იმის დასტურად, რომ ფული ნამდვილად ბიზნესში აქვს დაბანდებული. თუ ამ დოკუმენტს ვერ წარადგენს, მისი ბინადრობის მოწმობა გაუქმდება”,-აცხადებს ილია წულაია “კვირის პალიტრასთან” საუბრისას.

სენაკში, სოფელ ლეძაძამეაში სამანაქანო ხიდი ჩაინგრა. ძლიერი წვიმის შედეგად დაიტბორა საცხოვრებელი სახლები და ქუჩები.
ადგილობრივი სახლეობა დახმარებას ხელისუფლებას თხოვს.
38817161_518706121903972_7751062530595749888_n
 38880937_217435825573347_8745070498653667328_n

ქობულეთში, ძლიერი ნალექის შედეგად, დაიტბორა საცხოვრებელი სახლების ეზოები და პირველი სართულები.
საგანგებო სიტუაციების მართვის სამსახურში 30 შეტყობინებაა შესული. მათივე ცნობით, ამ წუთებში, მეხანძრე-მაშველები წყლის ამოტუმბვით სამუშაოებს აღმაშენებლის, სოხუმისა და თხილაიშვილის ქუჩებზე აწარმოებენ.

„ეჭვი მაქვს, გადაწყვეტილება მოსამართლეს იმისთვის მიაღებინეს, რომ ზაზა სარალიძე წყობიდან გამოიყვანონ, მაგრამ ვერა. მე კანონით მივყვები და მოვსპობ შერჩევით სამართალს. იმის მერე, რაც მე და მალხაზ მაჩალიკაშვილი ტერორისტებად გამოგვაცხადეს, დღევანდელი ფაქტი არ გამკვირვებია. უკან დახევას არ ვაპირებ, წიწილებს შემოდგომაზე ითვლიან. მე, მაჩალიკაშვილი და კილაძე დიდი საფრთხის ქვეშ ვართ, სახელმფწიფო აპარატი ცდილობს ჩემს განეიტრალებას, სექტემბრიდან ვაპირებ აქციების გაგრძლებას და მჭირდება ხალხი გევრდზე, ერთხელ და სამუდაოდ უნდა დასრულდეს შერჩევითი სამართალი. გთხოვთ, გავერთიანდეთ ყველა”, – განაცხადა ზაზა სარალიძემ ბრიფინგზე.

ხორავას ქუჩაზე მოზარდების მკვლელობის საქმეზე დანაშაულის შეუტყობინებლობისა და დაფარვისთვის დაკავებული სამი პირი სასამართლომ გირაოს სანაცვლოდ დღესგაათავისუფლა.

ორი არასრულწლოვანი დავით სარალიძე და ლევან დადუნაშვილი 2017 წლის 1 დეკემბერს დაჭრეს. ერთი მოზარდი საავადმყოფოში მიყვანამდე გარდაიცვალა. მეორე – მრავლობითი დაზიანებებით საავადმყოფოში მოთავსებიდან მეორე დღეს, 2 დეკემბერს გარდაიცვალა.