მოგზაურობა, სხვადასხვა ქვეყნის მონახულება ყოველთვის საუკეთესო საშუალებაა თავისუფალი დროის სასიამოვნოდ და ნაყოფიერად გამოყენებისათვის. მიუხედავად ამისა, სხვა ქვეყანაში გამგზავრება საკმაოდ საპასუხისმგებლო საქმეა, რამდენადაც ახალ გარემოსთან ადაპტაცია შეუძლებელია, გარკვეული ინფორმაციის ცოდნის გარეშე. დედამიწაზე ყველა ადგილს აქვს ის ნიშნები, რომელიც კონკრეტულად მისთვისაა დამახასიათებელი –  კლიმატური პირობები, მოსახლეობის ტრადიციები, ისტორია, სოციალური თუ პოლიტიკური გარემო…

იმისათვის, რომ მოგზაურობისას უსიამოვნებები ავიცილოთ, მაქსიმალურად ამომწურვი ცნობები  უნდა შევაგროვოთ იმ ქვეყნებსა თუ ქალაქებზე, რომელთა მონახულებასაც ვაპირებთ.

ამ სტატიაში, მოცემულია ინფორმაცია მსოფლიოს  ყველაზე საშიში და კრიმინალური ქალაქების შესახებ.

სან პედრო სულა, ჰონდურასის რესპუბლიკა.

სან პედრო სულა,  ცენტრალურ ამერიკაში მდებარე ქვეყნის – ჰონდურასის რესპუბლიკის ერთ-ერთი ქალაქია. ის მსოფლიოში მკვლელობათა სიხშირით არის ცნობილი. ქალაქში მოსახლეობის რიცხვი დაახლოებით ასი ათასია და დღეში საშუალოდ სამი მკვლელობა ფიქსირდება.

აკაპულკო, მექსიკა.

აკაპულკო რამდენიმე ათწლეული წლის წინ, საკმაოდ ცნობილი და პოპულარული ტურისტული ზონა იყო. ეს არცაა გასაკვირი, თუ მის ულამზეს სანაპიროებს გავითვალისწინებთ. მიუხედავად ამისა, დღეს, იშვიათად შეხვდებით  ქალაქში ჩასულ ტურისტს. ყველაფერი გამოწვეულია ნარკოტიკის გასაღებასთან დაკავშირებულ პრობლემებით, რომელიც უკანასკნელი ათი წლის განმავლობაში, სრულიად არაკონტროლირებადი გახდა. აკაპულკოში სავსებით ჩვეულებრივი მოვლენაა კრიმინალური გარჩევები, ქუჩებში უეცრად ამტყდარი სროლები და გვამები, რომლებსაც მოქალაქეები დილით სანაპიროსა და პორტის  მიმდებარე ტერიტორიებზე პოულობენ.

კარაკასი, ვენესუელა.

ვენესუელას დედაქალაქი – კარაკასი მსოფლიოში მკვლელობათა სიხშირით პირველ ადგილზეა. ოფიციალური მონაცემები საკაოდ შოკისმომგვრელია – 122 მკვლელობა ყოველ 100,000 მცხოვრებზე. ეს არის ქალაქი, სადაც ნებისმიერ დროს და ნებისმიერ ადგილას შესაძლოა  ბანდების სისხლიანი დაპირისპირების მოწმე, ხოლო უარეს შემთხვევაში –  მსხვერპლი გახდეთ. კარაკასი ნარკომოვაჭრეების, დაქირავებული მკვლელებისა და კრიმინალური ბანდების ნამდვილ სამშობლოდ შეგვიძლია მივიჩნიოთ.

ტორეონი, მექსიკა.

მიუხედავად იმისა, რომ ტორეონი მექსიკის უმთავრესი სარეწველო და ეკონომიკური ქალაქია, ის, მაინც, რჩება მსოფლიოს ყველაზე კრიმინალურ და საშიშ ქალაქთა ჩამონათვალში. ტორეონში თითქმის აღმოფხვრილია ორგანზებული და ნარკოტიკული დანაშაული, თუმცა, მკვლელობების მაჩვენებელი, კვლავაც საკმაოდ მაღალია – 87 მკვლელობა, ყოველ 100,000 მცხოვრებზე.

მაცეიო, ბრაზილია.

ბრაზილია მსოფლიოს კრიმინალურ ადგილთა სიაში საპატიო ადგილს იკავებს. მაცეიოში, რომელიც ალაგოასის შტატის დედაქალაქია,  მკვლელობის მაჩვენებელი ყოველწლიურად არის 135, ყოველ 100,000 მცხოვრებზე.

კალი, კოლუმბია.

ლათინური ამერიკა, ყოველთვის იყო ძალადობისა და დანაშაულის სიხშირით გამორჩეული ადგილი, თუმცა, კოლუმბია  მოწინავე ადგილს იკავებს ყველაზე საშიში ქვეყნების ჩამონათვალში. ქალაქი კალი ნარკოტიკებით ვაჭრობისა  და კრიმინალური სამყაროს ერთ-ერთ ცენტრად სრულიად დამსახურებულადაა მიჩნეული. აქ მკვლელობათა რიცხვმა, შესაძლოა, 80-საც კი მიაღწიოს. ამ მონაცემებიდან გამომდინარე, ალბათ, არ გაგვიკვირდება, თუ ქალაქი კალი  არ არის ტურისტული ვიზიტებით ცნობილი.

ნუევო-ლარედო, მექსიკა.

ნუევო-ლარედო სრულიად სამართლიანადაა მიჩნეული მსოფლიოს ერთ-ერთ ყველაზე საშიშ ქალაქად. ისეთი დანაშაულები, როგირიცაა გატაცება, მკვლელობა, ნარკოტიკებით ვაჭრობა, ძარცვა –  დღის ნებისმიერ მონაკვეთში შესაძლოა მოხდეს. ოფიციალური მონაცემების მიხედვით, 2006 წლიდან მოყოლებული ამ ქალაქში,  სულ 60,000 ადამიანი მოკლეს ნარკოტიკებთან  დაკავშირებულ კრიმინალურ გარჩევებსა თუ ფარულ დაპირისპირებებში. ყველამ, ვინც ამ ქალაქში სტუმრობას აპირებს, კარგად უნდა დაიმახსოვროს ორი რამ – მოერიდოს ღამით სიარულს და იმოძრაოს ხალხმრავალ ადგილას.

ყოველწლიურად მსოფლიოში აღირიცხება ცნობილი  კაფე-ბარების რეიტინგი მთელი მსოფლიოს მასშტაბით. ჟიური, რომელიც ამ სფეროში მოღვაწე ექსპერტებისაგან არის დაკომპლექტებული, შერჩევის პროცესში, განიხილავს ამ დაწესებულებების მენიუს, ინტერიერისა და ექსტერიერის დიზაინს, მომსახურების ხარისხს, და რაც მთავარია, კლიენტთა შეფასებას. შედეგების მიხედვით კი,  ვლინდება  ათეულობით  საუკეთესო მათგანი.

გთავაზობთ 2014 წლისათვის გამოვლენილი საუკეთესო  ჯაფე-ბარების ჩამონათვალს ( ფოტოკოლაჟი).

25.  Le Lion – Bar de Paris , ჰამბურგი.

24. Hemingway Bar, პრაღა.

23. 69 Colebrooke Row , ლონდონი.

22. Broken Shaker, მაიამი.

21. Buck and Breck, ბერლინი.

20. White Lyan, ლონდონი.

19. Bulletin Place, სიდნეი.

18. PDT, ნიუ იორკი.

17. Candelaria, პარიზი.

16. Smuggler’s Cove , სან ფრანცისკო.

15. Nottingham Forest, მილანი.

14. Elephant Bar, ნიუ იორკი.

13. Aviary, ჩიკაგო.

12. Happiness Forgets, ლონდონი.

11. Connaught Bar, ლონდონი.

10. 28 HongKong Street, სინგაპური.

9. High Five, ტოკიო.

8. American Bar, ლონდონი.

7. Baxter Inn, სიდნეი.

6. Canon, სიეტლი.

5. Employees Only, ნიუ იორკი.

4. Attaboy, ნიუ იორკი.

3. Nightjar, ლონდონი.

2. Dead Rabbit, ნიუ იორკი.

1. Artesian, ლონდონი.

ახალ მეხიკოში, ამჟამად, საჰაერო ბურთების ყოველწლიური ფესტივალი მიმდინარეობს.  2014 წლის ფესტივალმა  სტარტი 4 ოქტომებრს აიღო და 9 დღე გრძელდება. ამ ხნის განმავლობაში, ხუთასზე მეტ საჰაერო ბურთს  უშვებენ ცაში , რაც ულამაზეს სანახაობას წარმოადგენს.

პირველად ფესტივალი 1972 წელს ჩატარდა. წლიდან წლამდე ,  უფრო მეტი და მეტი სტუმარი ესწრებოდა საჰაერო ბურთების ფესტივალს, ამიტომ,  მალე ძალიან  პოპულარული გახდა და დღეს ახალი მეხიკოს ერთ-ერთ მთავარ ყოველწლიურ მოვლენასწარმოადგენს.