16/11/2018 – 19:39
მთავარი Authors სტატიებიAdmin

Admin

1860 სტატიები 0 კომენტარები

0 37000

,,საქართველოს ახალგაზრდა ჟურნალისტთა ასოციაციის“ თავმჯდომარე მარიამ ქობულია, საქართველოს პრემიერ-მინისტრს, მამუკა ბახტაძეს მარიხუანას ლეგალიზაციასთან დაკავშირებით საჯაროდ მიმართავს.

,, ბატონო მამუკა, იძულებული გავხდი ასე საჯაროდ დამეფიქსირებინა ჩემი პოზიცია იმ შეუქცევად პროცესთან დაკავშირებით, რომელიც მარიხუანას ლეგალიზაციას და კულტივაციას მოყვება.  თავს უფლება მივეცი დამეფიქსირებინა ათასობით ადამიანის აზრი, რომლებმაც თავიანთი პოზიცია ყველაზე მშვიდობიანი, იურიდიული გზით დააფიქსირეს იმ ფურცლებზე,  რომლებსაც ვაგროვებდით საქართველოს პარლამენტისთვის წარსადგენად, მაგრამ არ დაგვცალდა. თქვენ ალბათ ფლობთ სტატისტიკას, მსოფლიოს  წამყვან ქვეყნებში რა ფორმით არის მარიხუანა დაშვებული, ასევე დარწმუნებული ვარ დაინტერესდებოდით მსოფლიო ჯანდაცვის ორგანიზაციის პოზიციით და  საქართველოს ჯანდაცვის  სამინისტროს რეკომენდაციით, რომლებიც უფრო კომპეტენტურები არიან მსგავსი საკითხების შეფასებაში, თუმცა ყველაფრის მიუხედავად, არათუ არსებული ინფორმაციის გათვალისწინება მოხდა, არამედ კიდევ უფრო სავალალო მდგომარეობისთვის განწირული აღმოჩნდა ჩვენი ქვეყნის მომავალი თაობა. ამ ქვეყანაში თითოეული საღად მოაზროვნე ადამიანი აცნობიერებს იმას, რომ მარიხუანას გამო ციხეში ადამიანები არ უნდა ხვდებოდნენ, ამაზე ისედაც ვთანხმდებოდით მთელი ერი, მაგრამ დეკრიმინალიზაციის ფარგლები საკმარისი იყო იმისთვის, რომ კონკრეტული ადამიანები ციხეში არ მოხვედრილიყვნენ. მაშინ რა საჭირო იყო ლეგალიზაცია? თუ თქვენი პასუხი იქნება, რომ აი, თავისუფალია ჩვენი სასამართლო არც საპარლამენტო და არც აღმასრულებელი ხელისუფლება არ ერევა, ვერ დამაჯარებთ და არც არავინ დაიჯერებს, რომ ეს იყო უბრალოდ ორი მოსამართლის გადაწყვეტილება, ისე რომ ხალხის პოზიცია მაქსიმალურად უგულებელყოფილი ყოფილიყო.

არცერთ  განვითარებულ ქვეყანაში, მსგავსი ინიციატივები არ მიიღება საზოგადოების ჩარევის გარეშე, ხოლო საზოგადოება მხოლოდ კონკრეტული პოლიტიკოსები არ არიან ბატონო მამუკა და ამ ქვეყანაში ცხოვრობენ ადამიანები, რომლებიც ყოველ დღე ტელევიზიით ვერ აფიქსირებენ თავიანთ პოზიციას, მაგრამ გააჩნიათ საკუთარი აზრი. დემოკრატიული პრინციპი ითხოვს, რომ გათვალისწინებული იყოს საზოგადოების უმრავლესობის აზრი და თუ ამ პრინციპს ხელისუფლების უმრავლეოსობა უარყოფს, მაშინ ლოგიკურად უნდა უარვყოთ დემოკრატიაც. მაშინ დავარქვათ ყველაფერს თავის სახელი და გვეცოდინება, რომ ჩვენ ვართ სრულიად უუნაროები, რომ ჩვენს ხმას არ გააჩნია ძალა, რომ სისულელეა არჩვენებიც და ამავე ლოგიკას თუ გავყვებით ლეგიტიმაციის გარეშე რჩება  საპარლამენტო უმრავლესობის იდეაც, რადგან თუ უმრავლესობას ძალა არ აქვს, მაშინ რა საჭიროა ის.

პოლიტიკური პასუხისმგებლობა დღეს თქვენ გეკისრებათ და არა რომელიმე ოპოზიციურ პარტიას, ამიტომ თქვენ სწორად აღნიშნეთ, რომ მარიხუანასთან დაკავშირებული საკითხი არის თქვენი გამოწვევა, შესაბამისად ეს იქნება არა ორი მოსამართლის გადაწყვეტილება არამედ ხელისუფლების  პირდაპირი სიგნალი, რომ როდესაც რამეს დააყენებთ დღის წესრიგში, მიიღებთ საზოგადოების გვერდის ავლით. ამასთანავე მიჩნდება ლოგიკიური კითხვები კონკრეტულ სპეცოპერაციებთან დაკავშირებით, რომელიც თითქოს ნარკოტიკების წინააღმდეგ იყო მიმართული, მალევე წამოწყებული და განეიტრალებული საპროტესტო აქციები და  მთელი ხელისუფლების ფორსმაჟორული დღის წესრიგი, ნარკო პოლიტიკის შეცვლასთან დაკავშირებით.

ასევე შეგახსენებთ, თქვენც და თქვენს პოლიტიკურ გუნდსაც, ზუსტად ჩემი და ჩემი თაობის წყალობით ხართ დღეს ხელისუფლებაში, 2012 წელს გარეთ ჩვენ გამოვედით, როდესაც ციხეში არსებული სიტუაცია ათიათასობით სტუდენტმა გავაპროტესტეთ და სწორედ  მე ვიდექი იმ სტუდენტების წინ  და უდიდესი ბრძოლის ფასად  დაგვიჯდა თითოეულ ჩვენგანს მშვიდობიანად წარმართულიყო ყველაფერი და ვერცერთი პოლიტიკოსი ვერ ბედავდა მოახლოებასაც კი, იმდენად მტკიცე პოზიცია გვქონდა.

ამ გამოწვევის სწორად წარმართვის შესაძლებლობა დღეს საპარლამენტო უმრავლესობას შეუძლია, ამიტომ  ეს საკითხი როგორც დასრულდება  ისეთი იქნება თქვენი პოლიტიკური განაჩენიც. თქვენ გააკეთეთ არჩევანი როგორი ახალგაზრდობის პრემიერი გინდათ იყოთ, ჯანმრთელების და საღად მოაზროვნეების, თუ გონება დაბინდულების, რომლებსაც არანაირი პერსპექტივა არ ექნებათ ცხოვრებაში და ისინიც ჩვენი ძმები და დები იქნებიან დაღუპვისთვის განწირულები.

საკონსტიტუციო სასამართლოს გადაწყვეტილება არ მიუღია ლეგალიზაციასთან და კულტივაციასთან დაკავშირებით, მაგრამ მოხდა ამ გადაწყვეტილების დამახინჯება კონკრეტული ჯგუფების მიერ, შესაბამისად საზოგადოება არ ფლობს ამომწურავ ინფორმაციას თუნდაც ამ გადაწყვეტილების შესახებ და ესეც ხელისუფლების პასუხისმგებლობის საკითხია. ოპოზიციას ხომ ვერ დავაბრალებთ რატომ არ არის ხალხი ინფორმირებულიო, თუმცა როგორი ინფორმირებაც არ უნდა მოხდეს უკვე საზოგადოების, მკაფიო პოზიცია აქვს სამოქალაქო სექტორს, რომელიც გათვალისწინებული უნდა იყოს , რადგან ეს ვალდებულებაა.

თქვენ, როდესაც კონკრეტული ესკორტით გადაადგილდებით, ეტყობა ვერ ხედავთ რა ხდება ქუჩებში, ბაღებში და საზოგადოების თავშეყრის ადგილებში, არასრულწლოვანებისთვის როგორ გახდა უკვე ხელმისაწვდომი ეს ყველაფერი, სხვადასხვა კლუბებში კი კვლავ კანფეტებივით იყიდება კლუბური ნარკოტიკი.

ჩემი კოლეგა გიორგი სანაიაც სწორედ ამ ბიზნესს – წილების გადანაწილებას შეეწირა თავის დროზე და დიდი ხანია ეს ტრანზიტული ხაზი საქართველოში არსებობს, ამიტომ თუ თქვენივე ინტერესი არაა ამ ყველაფერში ეს გამოჩნდება, ხოლო თუ არის მეტი რაღა უნდა დავკარგოთ? თუ ხალხის აზრს ხაზს გადაუსვამთ, ხალხიც იგივენაირად მოიქცევა და მერწმუნეთ როგორც 2012 წელს პრინციპულად არცერთი ნაბიჯით არ დაგვიხევია უკან 6 წლის შემდეგაც არ გაგვიჭირდება, რადგან ვაზროვნებთ, მაშასადამე ვარსებობთ. რახან იურიდიული გზით არ მოგვეცა შესაძლებლობა დაგვეცვა ჩვენი პოზიცია, მთელი ახალგაზრდობა გარეთ გამოვა, როგორც მაშინ 2012 წელს და აუცილებლად კონკრეტული ცვლილებებით დასრულდება.

ჩვენ გვერდით დავუდგებით ჩვენს ეკლესიას და თუ ისინი ჩვენს წინ დადგებიან აუცილებლად ზურგს გავუმაგრებთ და თუ ჩვენს ზურგს უკან იდგებიან გადავეფარებით.

ასევე საჯაროდ გამოვიდეს ყველა ის პარლამენტარი თუ აღმასრულებელი ხელისუფლების წარმომადგენელი ვინც იღებს პასუხისმგებლობას ამ საკითხზე და  თუ ეყოფა ვინმეს ვაჟკაცობა თქვას რომ პასუხს აგებს შედეგებზე. სახელმწიფოებრივად იმოქმედეთ, ჯერჯერობით ამის თეორიული შანსი არსებობს, სხვა შემთხვევაში  სიცოცხლის ფასადაც რომ დაგვიჯდეს ვიბრძოლებთ ბოლომდე, ჩვენს თაობას ერთი კარგი თვისება აქვს, სადაც დაინახავს რომ ქვეყნას უჭირს იქ დგას და საქმეს აკეთებს.

ჩვენ გვინდა პროგრესი, წინსვლა, განათლება, განვითარება და მსგავს ინიციატივას ყოველთვის მხარს დავუჭერთ და პირიქით თქვენს გვერდით ვიქნებით, ჯანსაღი ცხოვრების წესის პროპაგანდას თუ ექნება ადგილი, პირველი მე შემოგიერთდებით, მაგრამ ამის ნაცვლად თქვენივე მხარდაჭერილი საპრეზიდენტო კანდიდატი, სალომე ზურაბიშვილი აპირებს იყოს დესპანი საზოგადოებაში, რათა უფრო მეტი ინფორმაცია მიაწოდოს ჩვენს თანამოქალაქეებს მარიხუანას პლანტაციების შესახებ და ბოლოს, სირცხვილია საჯაროდ მარიხუანას ლეგალიზაციის საკითხზე რომ მოგმართავთ  და არა რაიმე საამაყო ინიციატივაზე, ვისურვებდი  პროგრესზზე გიხდიდეთ  მადლობას ვიდრე , ჩემს ენერგიას, განათლებას, დროს და პერსპექტივას  მარიხუანას ლეგალიზაცის წინააღმდეგ ბრძოლაში ვატარებდე, ჩემს თანამოაზრეებთან ერთად.

იმედს ვიტოვებ, საზოგადოების სასრგებლოდ გადაწყდება ეს საკითხი და სამომავლოდ უფრო კარგი ინიციატივის მხარდამჭერი იქნება ქვეყნის უმრავლესობა და ამ ბრძოლაში თითოეული ჩვენგანი ჩვენს აგურს აუცილებლად დავდებთ”.

 

0 322

საქართველოში იაპონიის საგარეო საქმეთა მინისტრი ტარო კონოს ოფიციალური ვიზიტის ფარგლებში, ფინანსთა მინისტრმა, ივანე მაჭავარიანმა და იაპონიის საერთაშორისო სააგენტოს ვიცე-პრეზიდენტმა, ნორიკო სუზუკიმ ხელი აღმოსავლეთ-დასავლეთის ჩქაროსნული ავტომაგისტრალის პროექტის (ფაზა ორის) სასესხო შეთანხმებას მოაწერეს.
როგორც “კვირას” ფინანსთა სამინისტროდან აცნობეს, პროექტის დასაფინანსებლად, იაპონიის მთავრობა საერთაშორისო თანამშრომლობის სააგენტოს მეშვეობით, საქართველოს ფინანსურ რესურსს შეღავათიანი სესხის სახით, 343 მილიონი აშშ დოლარის ოდენობით გამოუყოფს. “პროექტი აღმოსავლეთ-დასავლეთის ჩქაროსნული ავტომაგისტრალის ერთ-ერთი რთული შორაპანი-არგვეთას მონაკვეთის საავტომობილო გზის მშენებლობას ითვალისწინებს. აღნიშნული პროექტისთვის გამოყენებული იაპონური ტექნოლოგიები იქნება. პროექტის დასრულება 2023 წლის პირველ კვარტალში იგეგმება და მას საქართველოს რეგიონული განვითარებისა და ინფრასტრუქტურის სამინისტრო განახორციელებს”,- ნათქვამია ფინანსთა სამინისტროს მიერ გავრცელებულ განცხადებაში.

0 220

“სპეციალურად გააყალბეს ეს საქმე და დააფარეს ხელი ჩემი შვილის მკვლელებს”, – ამის შესახებ ხორავას ქუჩაზე მოკლული მოზარდის მამამ, ზაზა სარალიძემ განაცხადა და დასძინა, რომ სწორედ ამიტომ შეიქმნა დროებითი საპარლამენტო საგამოძიებო კომისია.
„კომისიამ რაც გამოავლინა, ეს ფაქტები პროკურატურის მიერ იყო დამალული. არც ერთი ფაქტი არ გამოუკვლევიათ, თუმცა ჰქონდათ ყველა ვიდეო, ფოტო, მაგრამ სპეციალურად გააყალბეს ეს საქმე და დააფარეს ხელი ჩემი შვილის მკვლელებს. მ.კ-ს დაკავების რეკომენდაცია დღემდე უნდა ყოფილიყო შესრულებული, მაგრამ პროკურატურაში განმიმარტეს, რომ არ არსებობს მაღალი სტანდარტის მტკიცებულებები, რომ კალანდია დავაკავოთო, რაც დაადასტურეს მოქმედმა პროკურორებმა.
მათ დაადასტურეს, რომ რა ბრალდებაც არ უნდა წავუყენოთ მ.კ-ს, ყველანაირად ვეცდებით, ეს ბრალდება გავაბათილოთო. თქვეს, რომ არ აპირებენ არავის დაჭერას“,- განაცხადა სარალიძემ.
მისივე თქმით, დროებითი საგამოძიებო კომისიის შექმნას დათანხმდა, რადგან, როგორც სარალიძე ამბობს, საზოგადოებამ დაინახა, რომ ხორავას ქუჩაზე მკვლელობის გამოძიების პროცესში დარღვევები იყო.
„ამ კომისიის შექმნასაც დავთანხმდი, რადგან ხალხმა დაინახა რა დარღვევებიც იყო, ვინ არის დამნაშავე და ვინ არა. თან არ მინდოდა, ვინმეს ეთქვა, სარალიძეს ხელისუფლების გადატრიალება უნდოდაო. მივეცი სამი თვე და არაფერი არ გააკეთეს, იმის ნაცვლად, რომ დამნაშავეები დაეჭირათ, სასამართლო დარბაზებიდან გაათავისუფლეს. ამ შეურაცხყოფას არავის ვაპატიებ, სიცოცხლის ფასადაც რომ დამიჯდეს“,- განაცხადა ზაზა სარალიძემ.
ზაზა სარალიძის თქმით, დროებითმა საგამოძიებო კომისიამ დაადგინა ის, რაზეც ცხრა თვეა საუბრობს.

    0 332

    27 ივლისის საღამოს, როცა მოსკოვის გარეუბან ალტუფიევოში მცხოვრებმა მიხეილ ხაჩატურიანმა სავარძელში ჩაძინებულმა თვალი გაახილა, დაინახა რომ მისი 3 ქალიშვილი თავს დადგომოდნენ.  უფროსი 19 წლის კრისტინა წიწაკის სპრეით იყო შეიარაღებული, შუათანა 18 წლის ანგელინა ჩაქუჩით, ხოლო უმცროსი 17 წლის მარია კი სანადირო დანით. მამამ გაქცევა სცადა მაგრამ დანითა და ჩაქუჩით მიყენებული 36-მდე ჭრილობით მხოლოდ სახლის კარებამდეღა მიაღწია და დერეფანში სული დალია.

    ბოლო 1 თვის განმავლობაში ბევრი დეტალები გახდა ცნობილი აღნიშნულ მკვლელობასთან დაკავშირებით, რამაც საზოგადოებრივი აზრი და ხალხის დამოკიდებულება გოგონების მიმართ მნიშვნელოვნად შეცვალა. აღმოჩნდა, რომ მიხეილ ხაჩატურიანი ორმაგ ცხოვრებას ეწეოდა. ოჯახის გარეთ ის უაღრესად რელიგიური, მორწმუნე ადამიანი იყო, სომხური დიასპორის ერთერთი ლიდერი და ავტორიტეტული პიროვნება, რომელიც საკუთარ მეგობრებს ხშირად ანებივრებდა სხვადასხვა საჩუქრებითა და ყურადღებით.

    თუმცა ოჯახის შიგნით და სამეზობლოში იგი კარდინალურად განსხვავებული ადამიანი აღმოჩნდა.  მეზობლები მას ახასიათებენ როგორც უაღრესად კონფლიქტურ პიროვნებას, რომელიც ხშირად ემუქრებოდა იარაღით მეზობლებსა და საკუთარი ოჯახის წევრებს. მან უმცროს ვაჟ სერგეის ჯერ გაზის იარაღიდან ესროლა, შემდეგ კი 16 წლის ასაკში სახლიდან გააგდო.  დაახლოებით 2 წლის წინ, 20 წლიანი თანაცხოვრების შემდეგ, სახლიდან გააგდო აგრეთვე საკუთარი მეუღლე, რომელსაც მანამდე ჯერ სისტემატიურად სცემდა ბეიზბოლის ჯოხით და ერთხელ დანითაც ჰქონდა ჭრილობები მიყენებული მისთვის.

    აღმოჩნდა, რომ სხვა ,,სიკეთეებთან’’ ერთად მიხეილ ხაჩატურიანს კრიმინალურ სამყაროსთანაც ჰქონდა ახლო კავშირი. მეზობლები მას მოიხსენიებენ როგორც უბნის ,,მაყურებელს’’, რომელიც ასევე ნარკოვაჭრობითაც იყო დაკავებული. პოლიციამ მის მანქანაში ჰეროინით სავსე ჩანთა აღმოჩინა.

    დანაშაულში ბრალდებულ გოგოებთან გასაუბრებისას ფსიქოლოგებმა აღნიშნეს, რომ მათ ჩამოყალიბებული აქვთ მსხვერპლის მენტალიტეტი. ისინი იზრდებოდნენ მეტად ნერვულ გარემოში და მამამისი მათ როგორც მონებს ისე ექცეოდა. მიხეილ ხაჩატურიანს დამონტაჟებული ჰქონდა სახლში ვიდეო კამერები და სრულ კონტროლქვეშ ჰქონდა აყვანილი გოგონების ნებისმიერი ნაბიჯი. ყოველდღიური სიტყვიერი შეურაცხყოფის გარდა იგი ხშირად ფიზიკურადაც უსწორდებოდა მათ .

    0 223

    ამერიკის შეერთებულ შტატებში ამერიკულმა ჟურნალმა Forbes-მა ყველაზე მაღალანაზღაურებადი ქალი სპორტსმენი გამოავლინა. ამის შესახებ BBC წერს.

    ამ რეიტინგში ლიდერობს ამერიკელი ჩოგბურთელი სერენა უილიამსი, რომლის შემოსავალმა 18.1 მილიონი დოლარი შეადგინა.

    ყველაზე მაღალანაზღაურებადი ქალი სპორტსმენების ათეულში ასევე მოხვდნენ:

    აროლინ ვოზნიაცკი – 13 მლნ

    სლოან სტივენსი – 11.2 მლნ.

    გარბინე მუგურუსა – 11 მლნ.

    მარია შარაპოვა – 10.5 მლნ.

    ვინუს უილიამსი – 10.2 მლნ.

    პ. ვ. სინდჰუ – 8.5 მლნ.

    სიმონა ჰალეპი – 7.7 მლნ.

    დანიკა პატრიკი – 7.5 მლნ.

    ანჟელიკ კერბერი – 7 მლნ.

    ეს შემოსავალი სპორტსმენებმა 2017-2018 წლებში მიიღეს.

    ქართველმა რეჟისორმა ლევან ციქურიშვილმა MTV-ის ჯილდო მიიღო. იგი Avicii -ის კლიპისთვის დააჯილდოვეს. ამის შესახებ ინფორმაციას ფეისბუქის გვერდზე თავად რეჟისორი ავრცელებს.
    MTV-ის მუსიკალური ვიდეოების დაჯილდოების ცერემონიაზე ქართველს ეს ჯილდო პირველად გადაეცა.
    MTV-ის მუსიკალური ვიდეოების დაჯილდოების ცერემონია ნიუ-იორკში, რადიო „სითი მიუზიქ ჰოლში“ გაიმართა. მსოფლიო შოუ-ბიზნესის ვარსკვლავები გამარჯვებულად სხვადასხვა ნომინაციაში გამოვლინდნენ. წლევანდელ ცერემონიაზე MTV-იმ უპირატესობა ახალგაზრდა შემსრულებლებს მიანიჭა.

    ლევან ციქურიშვილმა Avicii-ის სიმღერაზე Lonely Together გადაიღო კლიპი.

    0 209

    სამცხე-ჯავახეთის გუბერნატორი ბესიკ ამირანაშვილი დღეიდან, 22 აგვისტოდან, მუშაობას ოფიციალურად შეუდგა. ახალდანიშნული გუბერნატორი სამხარეო ადმინისტრაციაში თანამშრომლებს, მუნიციპალიტეტების მერებს, საკრებულოს თავმჯდომარეებს და მაჟორიტარ დეპუტატებს ხვდება.

    შეხვედრა გაცნობითი ხასიათის არის. ბესიკ ამირანაშვილი თანამშრომლებს რეგიონული სამსახურის უფროსმა სოზარ სუბარმა წარუდგინა.

    “ვიდრე ბესიკ ამირანაშვილი ოფიციალურად დაინიშნებოდა, მე გავიკითხე მისი საქმიანობა და ერთი ჩრდილი ვერ ვნახე”, – განაცხადა შეხვედრაზე სოზარ სუბარმა.

    ახლლდანიშნული მხარის რწმუნებულის განმარტებით მთავარი გამოწვევა რეგიონიში ეკონომიკური პრობლემებია: “მადლობა პრემიერს რომ ამ ლამაზ რეგიონის გუბერნატორად დამნიშნა, ჩემს პოტენციალს მაქსიმალურად გამოვიყენებ. პრემიერის დავალებაა რომ ხალხთან აქტიური კომუნიკაცია მქონდეს. ყველა მუნიციპალიტეტში ჩვენ ერთად გადავჭრით პრობლემებს”.

    შეგახსენებთ, რომ ბესიკ ამირანაშვილი სამცხე–ჯავახეთის გუბერნატორად დანიშვნამდე იმერეთის, რაჭა–ლეჩხუმისა და ქვემო სვანეთის პოლიციის დეპარტამენტის დირექტორი იყო. 2016–2017 წლებში კი შს მინისტრის პირველი მოადგილის პოზიცია ეკავა.

    0 296

    შსს-მ საფონდო ბირჟაზე თაღლითობის და კიბერდანაშაულის ბრალდებით „ეფიქს ბიზნეს გრუპის“ დამფუძნებლები დააკავა. ამასთან დაკავშრებით განცხადება უწყებაში გამართულ ბრიფინგზე სამინისტროს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს უფროსმა მამუკა ჭელიძემ გააკეთა:

    “შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებმა, მთავარ პროკურატურასთან ერთად, ხუთი თვის განმავლობაში ჩატარებული ინტენსიური ოპერატიული და საგამოძიებო ღონისძიებების შედეგად, ორგანიზებული ჯგუფის მიერ ჩადენილი თაღლითური სქემა გამოავლინეს.

    დიდი ოდენობით თანხის თაღლითურად დაუფლებისა და კომპიუტერული დანაშაულის ბრალდებით, მოსამართლის განჩინების საფუძველზე, საბროკერო კომპანია „ეფიქს ბიზნეს გრუპის“ სამი დამფუძნებელია დაკავებული.

    გამოძიებით დადგენილია, რომ ბრალდებულებმა 2016 წლის აგვისტოში დაარეგისტრირეს შპს „ეფიქს ბიზნეს გრუპი“, რომლის საქმიანობის ძირითად საგანს, თითქოსდა საერთაშორისო საფონდო ბირჟაზე ვაჭრობა წარმოადგენდა.

    დანაშაულებრივი ჯგუფის წევრებმა, დაახლოებით, 50 მოქალაქე მოატყუეს, რომ სავაჭრო ბირჟაზე წარმოადგენდნენ საშუამავლო საბროკერო კომპანიას და იმ შემთხვევაში, თუ ისინი განსაზღვრულ ანგარიშზე თანხას შეიტანდნენ, კომპანია მათ სავაჭრო ბირჟაზე გარკვეული თანხების მოგებაში დაეხმარებოდა.

    დანაშაულებრივი სქემის მიხედვით, ბრალდებულებმა მათ მიერ წინასწარ განსაზღვრულ ანგარიშზე მოქალაქეებს შეატანინეს სხვადასხვა ოდენობის თანხები, რის შემდეგაც, ხელოვნური მანიპულირებისა და კომპიუტერულ სისტემაში უკანონოდ შეღწევის გზით, შეცვალეს დაზარალებულების კომპიუტერული მონაცემები, რათა მათ ეფიქრათ, რომ თანხა წარუმატებელი ვაჭრობის შედეგად წააგეს და კომპანიის მიმართ პრეტენზიები არ ჰქონოდათ. ამ გზით, დანაშაულებრივი ჯგუფის წევრები უკანონოდ დაეუფლნენ, დაახლოებით, 500 000 ლარს.

    დაკავებულებს ბრალი ედებათ კომპიუტერულ სისტემაში უნებართვო შეღწევაში, მონაცემების უკანონო შეცვლასა და ორგანიზებული ჯგუფის მიერ, სამსახურებრივი მდგომარეობის გამოყენებით, დიდი ოდენობით თანხების თაღლითურად დაუფლებაში.

    გამოძიების პროცესში შესაძლოა, დაზარალებულთა რაოდენობა გაიზარდოს.

    გამოძიება მიმდინარეობს საქართველოს სსკ-ს 180-ე, 284-ე და 286-ე მუხლებით, რაც 7-დან 10 წლამდე ვადით თავისუფლების აღკვეთას ითვალისწინებს” განაცხადა ჭელიძემ.

     

    პირველ ეტაპზე ინგლისურენოვანი რობოტები ქვეყნის მასშტაბით 500 სკოლაში გამოჩნდება. პროექტის მიზანი უცხო ენაში მასწავლებლებისა და მოსწავლეების ცოდნის გაუმჯობესებაა.

    პროგრამა ქვეყანას სრულად 2 წელში მოიცავს. სკოლების რობოტიზაციის პირველი ეტაპი 2019 წლის აპრილში დაიწყება.

    ბოლო წლების განმავლობაში რობოტებმა იაპონიის საკლასო ოთახები დაიპყრეს. ჯერ კიდევ 2009 წელს იაპონიის ერთ-ერთ სკოლაში რობოტი საია გამოჩნდა. ის გაკვეთილებს მე-5 კლასელებს უტარებდა.

    ფოტო: shutterstock.com

    0 215

    სახელმწიფო უსაფრთხოების სამსახურის ხელმძღვანელის მოადგილემ, იოსებ გოგაშვილმა თანამდებობა დატოვა. გოგაშვილის მიერ თანამდებობიდან წასვლის მიზეზები ამ დროისთვის უცნობია.
    იოსებ გოგაშვილი სუს-ის უფროსის მოადგილედ 2015 წლიდან მუშაობდა.