19/08/2018 – 17:19
მთავარი Authors სტატიებიAdmin

Admin

1831 სტატიები 0 კომენტარები

ლაგოდეხის სიახლოვეს, სოფელ გიორგეთის სასაფლაოზე, უკვე მრავალი წელია, რაც ერთ-ერთ საფლავს საბრძოლო ვერტმფრენი „დარაჯობს”…

აქ ქართველი სამხედრო პილოტი – ჯიმშერ (ჯიმი) მაისურაძე განისვენებს, რომელიც სიკვდილის შემდეგ ვახტანგ გორგასლის პირველი ხარისხის ორდენით დააჯილდოვეს და ეროვნულ გმირად აღიარეს.

მას რუსები მეტსახელად „ჩორნი პალკოვნიკს” (შავი პოლკოვნიკი) ეძახდნენ. ჯიმი მაისურაძე ავღანეთში, სამაჩაბლოსა და აფხაზეთში იბრძოდა. 1992 წლის 26 დეკემბერს, მისი – „МИ-24″ მოწინააღმდეგისდესანტებმა რაკეტით აფხაზეთში ჩამოაგდეს.

პილოტის მეგობარმა, ხელისუფლების მიმართ პროტესტის ნიშნად, მის საფლავზე ერთ-ერთი საბრძოლო ვერტმფრენი დასვა, რადგან ხელისუფლება ყურადღებას არ აქცევდა ჯიმი მაისურაძის ოჯახს და არც მისი ხსოვნის პატივსაცემად ზრუნავდა. ვერტმფრენი დღესაც იქ დგას…

0 284

ცნობილი ხდება იმ გუბერნატორების ვინაობა, რომლებსაც ორშაბათს პრემიერ-მინისტრი, მამუკა ბახტაძე წარადგენს. ამის შესახებ ინფორმაციას ,,რუსთავი 2″ ავრცელებს.

სამეგრელოს გუბერნატორად ალექსანდრე მოწერელია ინიშნება.

20180112174430

მცხეთა-მთიანეთის გუბერნატორი კი შალვა კერესელიძე ხდება.

ShowPerson

ქვემო ქართლში შოთა რეხვიაშვილი ინიშნება.

resize_mPujM3w42hRZpNkT6BW15y8gFqESseJa_980x590

შიდა ქართლში – ალეკო ხოჯევანიშვილი.

xojevanishvili-770x513

იმერეთს შავლეგო ტაბატაძე უხელმძღვანელებს.

1457610566215195

სამცხე- ჯავახეთს კი ბესიკ ამირხანაშვილი.

საქართველოს პრემიერ-მინისტრმა, დაახლოებით, ერთი თვის წინ ხუთი გუბერნატორი თანამდებობიდან გაათავისუფლა. მამუკა ბახტაძემ რეგიონული განვითარების მართვა სოზარ სუბარს ჩააბარა.

 

 

მექსიკაში ნარკოვაჭრობა კვლავ მტკივნეულ პრობლემად რჩება. 2006 წლიდან მოყოლებული დღემდე ბრძოლას ერთის მხრივ, თავად ნარკოკარტელებს და მეორეს მხრივ, კარტელებსა და სახელმწიფოს შორის 200 ათასზე მეტი ადამიანი შეეწირა, 30 ათასი კი დაკარგულად ითვლება. განსაკუთრებით სასტიკი ბოლო 2017 წელი გამოდგა – 25 ათასი ადამიანი იქნა მოკლული გასულ წელს. პრობლემის მოგვარება პრეზიდენტებისა და პოლიტიკის შეცვლით ვერ ხერხდება. ქვეყანაში არსებული სიღარიბე, მაღალი დონის კორუფცია და დაუსჯელობის სინდრომი შეუძლებელს ხდის ამ სასტიკი დანაშაულებრივი ორგანიზაციების ერთხელ და სამუდამოდ დამარცხებას. სამართალდამცველებისა და სახელმწიფო მოხელეების გარდა სისტემატურად ხდება ჩვეულებრივი აქტივისტებისა და ჟურნალისტების მკვლელობა.
დღეისათვის მექსიკურ კარტელებს შორის სიძლიერით ორი მათგანი გამოირჩევა:
სინალოას კარტელი – დაარსდა ჯერ კიდევ 1980-იან წლებში. მისი დაუნდობელი ბოსის ხოაკინ გუზმანის იგივე ,,ელ ჩაპოს’’ ხელმძღვანელობით ეს კარტელი დიდი ხნის მანძილზე დომინირებდა მექსიკის ნარკოინდუსტრიაში. 2017 წელს ,,ელ ჩაპოს’’ დაპატიმრების და აშშ-ში ექსტრადირების შემდეგ კარტელი შედარებით დასუსტდა, დაიწყო ბრძოლა ძალაუფლებისათვის მის შვილებსა და თანაშემწეებს შორის. თუმცა იგი დღემდე აკონტროლებს მექსიკის ჩრდილო-დასავლეთ ტერიტორიის დიდ ნაწილს, რომელიც აშშ-ს ესაზღვრება. გამომდინარე ამ ხელსაყრელი ტერიტორიული მდებარეობისა მათი შემოსავალი ყოველწლიურად მილიარდობით დოლარს შეადგენს.

ჯალისკოს ახალი თაობა – დაარსდა 2010 წელს. თავდაპირველად წარმოადგენდა სინალოას კარტელის სამხედრო ფრთას, თუმცა შემდეგ მათი გზები გაიყარა და დღეისათვის ამ ორ კარტელს შორის დაუნდობელი ბრძოლაა გაჩაღებული ბაზარზე კონტროლის დასამყარებლად და ხელსაყრელი ტერიტორიების ხელში ჩასაგდებად. გამოირჩევიან განსაკუთრებული სისასტიკით, მათ შორის სამართალდამცველებისა და საჯარო მოხელეების მიმართ. ჯალისკოს ახალი თაობის ბოსი რუბენ ოსეგუერა იგივე ,,ელ მენჩო’’ გამოცხადებულია მექსიკის სახელმწიფოს მთავარ მტრად და დაწესებულია ჯილდო 1 მილიონი დოლარი მისი ადგილსამყოფელის შესახებ ინფორმაციის მისაღებად.
რაც შეეხება სხვა ნარკოკარტელებს, აღმოსავლეთ მექსიკაში ოდესღაც მრისხანე ,,ლოს ზეტასი’’ და ყურის კარტელი ლიდერების დაპატიმრებითა და მკვლელობებით მნიშვნელოვნად დასუსტდნენ და დაიქსაქსნენ. ქვეყნის დასავლეთში ,,ჯვაროსანი რაინდებისა’’ და ,,ლა ფამილიას’’ კარტელებმაც კონკურენტების მხრიდან შევიწროებისა და ახალი დანაშაულებრივი ჯგუფების გამოჩენის გამო პოზიციები დათმეს. მექსიკის ჩრდილოეთით ხუარესის, ტიხუანას და ბელტრან ლეივას კარტელები მნიშვნელოვნად დასუსტდნენ სინალოას კარტელისგან განხორციელებული აქტიური თავდასხმებისგან და დათმეს კონტროლი გარკვეულ ტერიტორიებზე.

ქართველი ნიჭიერი თეოლოგი გრიგოლ ჭეჟია, მეოთხე წელია გერმანიაში ცხოვრობს, მაგისტრატურას ერთ სემესტრში ამთავრებს და  ზაფხულობით  სტუდენტურ სამუშაობზე უწევს მუშაობა. მისი ცხოვრება საინტერესოდ დატვირთულია, თუმცა სწავლისა და მუშაობის შეთავსებას წარმატებულად ახერხებს და ამასთანავე ცდილობს ადამიანის სულის ისეთ დეტალებს ჩაწვდეს, რომელიც მის ქმედებებს კიდევ უფრო აღქმადს და გასაგებს გახდის. მისი გულწრფელობითა და სიმდამბლით კი ახერხებს იყოს სამაგალითო და მისი რამდენიმე წინადადებაც საკმარისია, იმისათვის რომ დარწმუნდეთ ზემოდ გაჟღერებული აზრების ჭეშმარიტებაში.

36639131_1763398933737479_6681668308715962368_n

,,უკვე რამდენიმე კვირაა ერთ-ერთ ქარხანაში ვმუშაობ, სადაც პლასტმასის დეტალებს ვამზადებთ აუდის მანქანებისთვის. ეს კვირა ისევ ღამის ცვლაში მომიწია მუშაობა. ჩვენი განაყოფის უფროსი როგორც ყოველთვის მოდის ცვლის დაწყებამდე და რობოტებს გადახედვას და თუ მოსამართია მომართავს და შემდეგ მიდის. თან თავისი ბავშვები დაყავს ხოლმე. ბიჭი ხუთი-ექვსი წლის იქნება და გოგო შვიდი-რვა წლის. წასვლის წინ ყველას დაგვივლიან და ხელის ჩამორთმევით გვემშვიდობებიან. წუხელ მარტო ბიჭი იყო. მოვიდა და Tschüß-ო (ნახვამდისო ) მეც ნახვამდის-მეთქი, მაგრამ ხელი არ ჩამოვართვი. პლასტმასის ერთმანეთში არეულ მარცვლებს ვაცალკევებდი უხელთათმანოდ და ხელი გაშავებული მქონდა. მამამისმა შეამჩნია და მთხოვა ხელი ჩამოართვი ხოლმეო. მე დასვრილი ხელი დავანახე. არა, მან უნდა ისწავლოს ადამიანებისადმი პატივისცემა და თავაზიანობაო. მომეწონა ძალიან ეს მიდგომა.  მთელი ღამე წინ მქონდა და ბევრი რამე გამახსენდა ჩემი ბავშვობიდან. სკოლაში ერთი მასწავლებელი გვაშინებდა, თუ არ ისწავლით ურიკის დამტარებელი იქნებით ბაზარშიო. ზოგ ჩვენგანს კიდე ტრაკტორისტს ეძახდა და ა.შ. მერე ისიც გამახსენდა, რომ ჩემი თაობიდან ბევრი ნიჭიერი ადამიანი დაიკარგა. სპორტსმენი, მოცეკვავე, მათემატიკოსი, ფილოლოგი. .. იმიტომ, რომ არ იყო დრო და საშუალება. ტყვიები იყო ჭრილობებიდან ამოსაღები და მოსაშუშებელი. იცით რომელი ტყვიები? ჩემი მასწავლებლის ნასწავლმა და ინტელიგენტმა თაობამ, რომ ერთმანეთს ესროლა. ბოლოს ის პარლამეტარიც გამახსენდა რამდენიმე თვის წინ, რომ ბრძნად იმეტყველა”.

 

მსახიობი ზაზა (ზუზუ) ბეჟაშვილი საცხოვრებელი კორპუსის ლიფტში გარდაცვლილი იპოვეს.
შემხვევა წუხელ, ღამის საათებში, დოლიძის ქუჩაზე მოხდა.
მსახიობის ცხედარი ექსპერტიზის ეროვნულ ბიუროშია გადასვენებული.
როგორც „შენი მედია გუნდს“ შინაგან საქმეთა სამინისტროში განუცხადეს, გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. მიმდინარეობს საგამოძიებო მოქმედებები.

0 16

“სმიტების ოჯახის მკვლელობაში ბრალდებული მალხაზ კობაური ჯანმრთელი და გაწონასწორებულია”, – ამის შესახებ ბრალდებულის ადვოკატმა ფსიქიკური ექსპერტიზის დეპარტამენტის თანამშრომლების მიერ ჩატარებული გამოკითხვა-გასაუბრების შემდეგ განაცხადა.
როგორც ადვოკატმა ჟურნალისტებთან საუბრისას აღნიშნა, ექსპერტებმა მისი დაცვის ქვეშ მყოფთან გასაუბრება დაასრულეს და პირად საუბარში აცხადებენ, რომ კობაური ჯანმრთელია.
რაც შეეხება წერილობით დასკვნას, მალხაზ კობაურის ადვოკატები მას უახლოესი ორი კვირის განმავლობაში ელოდებიან. დაცვის მხარე აცხადებს, რომ მალხაზ კობაური უდანაშაულოა და ამას ექსპერტების დასკვნაც ამყარებს.
ექსპერტიზის ეროვნულ ბიუროში კომენტარისგან ჯერ-ჯერობით თავს იკავებენ.

დანია გერმანიის საზღვართან 70-კილომეტრიანი კედლის აშენებას გეგმავს.

ამ კონსტრუქციამ დანიაში შინაური ღორები გერმანული გარეული ტახებისგან უნდა დაიცვას, რომლებიც ღორის აფრიკული ჭირის გადამტანები არიან.

როგორც Deutsche Welle წერს, ამ დაავადების შემთხვევები არც დანიაში და არც გერმანიაში არ დაფიქსირებულა, თუმცა ის გავრცელებულია ესტონეთში, ლატვიაში, ლიეტუვასა და პოლონეთში.

ღობეს, რომელიც სიმაღლეში 1,5 მეტრი იქნება, 2019 წელს ააშენებენ და ის დანიას 11 მილიონი ევრო დაუჯდება.

ბევრი დარწმუნებულია, რომ ღობე პრობლემას ვერ მოაგვერებს. ეკოლოგები კი შიშობენ, რომ ის სხვა ცხოველების მიგრაციას შეუშლის ხელს.

ივლისის ბოლოს ცნობილი გახდა, რომ ათობით გარეულმა ღორმა ბელარუსსა და ლიეტუვას შორის საზღვარი გადაკვეთა და ევროკავშირის ტერიტორიაზე გადავიდა.

Twitter-მა ალექს ჯონსის ანგარიში ერთი კვირით დაბლოკა, რაც იმას ნიშნავს, რომ შეთქმულების თეორეტიკოსი მიკრობლოგში „ტვიტებს“ ვეღარ გამოაქვეყნებს. ამის შესახებ BBC წერს.

სოცქსელს არ დაუკონკრეტებია, რატომ მიიღო ეს გადაწყვტეილბა.

აქამდე Twitter-ი იყო ერთდაერთი სოცქსელი, რომელიც შეთქმულების თეორეტიკოსის აქტივობას არ ზღუდავდა.

მანამდე ჯონსის ანგარიში Vimeo-მ. YouTube-მა, Facebook-მა, Spotify, Apple-მა და Pinterest-მა წაშალა.

ალექს ჯონსი 9/11 ტერაქტის შესახებ მისი კონსპირაციული თეორიების გამო ფართო კრიტიკის ობიექტი გახდა. მან ასევე თქვა, რომ 2012 წელს სენდი ჰუკის დაწყებით სკოლაში “მოკლული მოსწავლეების დიდი ნაწილი მსახიობები იყვნენ”.

0 15

ბორჯომში დასასვენებლად ჩასული 26 წლის მამაკაცი, რომელიც მოტოციკლს მართავდა, მშენებარე სახლს შეეჯახა და ადგილზევე გარდაიცვალა.
შემთხვევა გვიან ღამით, ფოსტის შენობასთან მოხდა.
როგორც „შენი მედია გუნდს“ შს სამინისტროში განუცხადეს, მომხდარ ფაქტთან დაკავშირებით, გამოძიება სისხლის სამართლის კოდექსის 276-ე მუხლის მე-5 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
ავარიის მიზეზი, სავარაუდოდ, გადაჭარბებული სიჩქარით მოძრაობა გახდა.

0 16

პრეზიდენტობის დამოუკიდებელმა კანდიდატმა, სალომე ზურაბიშვილმა ჟურნალისტებს ტვინის განძრევისკენ მოუწოდა, რადგან როგორც მან აღნიშნა, იმაზე, თუ რომელ სასახლეში განთავსდება პრეზიდენტად არჩევის შემთხვევაში, საკუთარი მოსაზრება უკვე დააფიქსირა.

მისივე თქმით, ორბელიანის სასახლე სრულიად საკმარისია.
„სასახლესთან დაკავშირებით, ჩემი აზრი უკვე დავაფიქსირე. ხვალ, ვრცელ გამოსვლაში, სადაც ყველაფერზე იქნება საუბარი, ამ თემაზე ჩემს პოზიციას გავიმეორებ, მაგრამ უკვე არის ნათქვამი და ჟურნალისტებმა ცოტა ტვინიც გაანძრიეთ და ჩაიხედეთ, სად არის ნათქვამი. მე ვთქვი, რომ ჩემთვის სრულიად შესაბამისია ორბელიანების სასახლე, მე ძალიან კომფორტულად ვგრძნობ თავს ასეთი ტიპის სასახლეში. მე ისიც ვთქვი, რომ ჩემ სახლში ვიცხოვრებ. ჩემი სახლიდან ფეხით ვივლი და ესეც არის ახალი ფორმა პრეზიდენტობის”, – განაცხადა სალომე ზურაბიშვილმა.