მთავარი პოლიტიკა შს მინისტრი სპეცოპერაციის დროს დაჭრილ პოლიციელს შეხვდა

შს მინისტრი სპეცოპერაციის დროს დაჭრილ პოლიციელს შეხვდა

შინაგან საქმეთა მინისტრი გიორგი მღებრიშვილი იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის დირექტორ ნუგზარ ქუთათელაძეს და ამავე დეპარტამენტის წყალტუბოს რაიონული სამმართველოს უფროსს – რევაზ ქობულიას შეხვდა. რევაზ ქობულია ამა წლის 8 ივნისს ბრალდებულის დასაკავებლად ჩატარებული სპეციალური ოპერატიული ღონისძიების დროს დაიჭრა. ბრალდებულმა ცეცხლი სამართალდამცველების მისამართით გახსნა. რევაზ ქობულიამ თავდამსხმელის მიერ ცეცხლსასროლი იარაღიდან გასროლით ზედა კიდურის არეში მსუბუქი დაზიანება მიიღო.

13412958_820365671398767_1992553785710656164_n

შს მინისტრი წყალტუბოს პოლიციის უფროსის ჯანმრთელობის მდგომარეობით დაინტერესდა და ჩატარებული სპეცოპერაციის დეტალები მისგან პირადად მოისმინა.

შეხვედრის დასასრულს, გიორგი მღებრიშვილმა კრიმინალის წინააღმდეგ ბრძოლაში სამართალდამცველებს სრული მხარდაჭერა კიდევ ერთხელ გამოუცხადა.

კომენტარი არ არის

დატოვეთ კომენტარი