მთავარი მთავარი ქართველი მინისტრები რაგბის სათამაშოდ ემზადებიან

ქართველი მინისტრები რაგბის სათამაშოდ ემზადებიან

0 870

რაგბის მსოფლიო ჩემპიონატზე საქართველოს ეროვნული ნაკრების მხარდასაჭერად, მინისტრთა კაბინეტის წევრებიც ემზადებიან.
უკვე ცნობილია, რომ მხარდასაჭერ ამხანაგურ მატჩში მონაწილეობას მიიღებს საქართველოს შრომის, ჯანმრთელობისა და სოციალური დაცვის მინისტრი დავით სერგეენკო.
როგორც დავით სერგეენკომ “ინტერპრესნიუსთან” საუბრისას განაცხადა, ნაკრების მხარდაჭერა თითოეული ჩვენგანის პასუხისმგებლობა და ვალია.
“ახლა მიმდინარეობს მსოფლიო ჩემპიონატი რაგბიში, სადაც საქართველოს ნაკრები მართლაც არაჩვეულებრივ შედეგებს აჩვენებს და გამარჯვებისთვის თავდაუზოგავად იბრძვის. თითოეული ჩვენგანის გარკვეული პასუხისმგებლობა და ვალია, მხარი დაუჭიროს ნაკრებს, რითაც შეუძლია. ვეტერანმა მორაგბეებმა გადავწყვიტეთ, 6 ოქტომბერს ამხანაგური მატჩი გავმართოთ და ამით, საქართველოს ნაკრებს მოკრძალებული მხარდაჭერა გამოვუცხადოთ. მე ვაპირებ და როგორც ვიცი, ჩემი რამდენიმე კოლეგაც აპირებს თამაშს”, – აღნიშნა ჯანდაცვის მინისტრმა.
დავით სერგეენკოს კონკრეტული მინისტრების ვინაობა არ გაუმხელია. მისივე ინფორმაციით, მატჩი 6 ოქტომბერს, 19:00 საათზე, დიდ დიღომში, რაგბის ბაზა “ლელოზე” გაიმართება.

კომენტარი არ არის

დატოვეთ კომენტარი