მთავარი რელიგია ფერიცვალების დღესასწაულთან დაკავშირებით პატრიარქი სამთავროს დედათა მონასტერში საღვთო ლიტურგიას აღავლენს

ფერიცვალების დღესასწაულთან დაკავშირებით პატრიარქი სამთავროს დედათა მონასტერში საღვთო ლიტურგიას აღავლენს

0 787

ფერიცვალების დღესასწაულთან დაკავშირებით, სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე სადღესასწაულო საღვთო ლიტურგიას სამთავროს დედათა მონასტრის ფერიცვალების სახელობის ტაძარში აღავლენს. წირვას რამდენიმე მღვდელმთავარიც ესწრება.
ტაძარში წმინდა სახარებიდან ადგილს წაიკითხავენ, სადაც თაბორის მთაზე იესო ქრისტეს ფერისცვალების შესახებ არის საუბარი. ლიტურგიის დასასრულს პატრიარქი მრევლს ტრადიციული ქადაგებით მიმართავს. ასევე ტაძარში მრევლის მიერ მოტანილი ახალი ხილი იკურთხება.
დღეს მართლმადიდებელი ეკლესია უფლის ფერისცვალების დღესასწაულს აღნიშნავს. წმინდა სახარების მიხედვით, უფალმა სამი მოციქული პეტრე, იაკობი და იოანე გამოარჩია და თაბორის მთაზე აიყვანა. უფალს მოსე და ილია წინასწარმეტყველი გამოეცხადნენ და ფერი იცვალა.

კომენტარი არ არის

დატოვეთ კომენტარი