მთავარი მედია “იმედის კვირის” სიუჟეტი ახალი ნარკოტიკული საშუალების შესახებ

“იმედის კვირის” სიუჟეტი ახალი ნარკოტიკული საშუალების შესახებ

26 ივლისს „იმედის კვირაში“ გავიდა სიუჟეტი ახალი ნარკოტიკული საშუალების შესახებ, რომელიც კუსტარულად მზადდება.

„გარდაუვალი სიკვდილი, ან სამუდამოდ შეზღუდული შესაძლებლობა“, – ამ სახელწოდებით სიუჟეტი „იმედის“ ვებ-გვერდზეც გამოქვეყნდა. მასალაში საუბარია ახალ ნარკოტიკულ საშუალებაზე, რომელიც საქართველოში გავრცელებული მცენარისგან მზადდება. ჟურნალისტმა თქვა, რომ სპეციალურად არ ასახელებს მცენარის სახელს, თუმცა ამ მცენარის კადრები ბევრჯერ უჩვენა სიუჟეტში მაყურებელს. ვიდეომასალაში ასევე აღნიშნა, რომ ეს მცენარე გამოიყენება ზედა სასუნთქი გზების სამკურნალოდ სახალხო მედიცინაში და მასზე ინფორმაცია მოიპოვება ძველ კარაბადინში.

მცენარე არ დაასახელეს, თუმცა მისი ვიზუალური ფორმისა და თვისებების ცოდნა შესაძლოა, საკმარის ინფორმაციას აწვდიდეს მისი დამზადების მსურველს.

მაუწყებელთა ქცევის კოდექსის 42-ე მუხლის მიხედვით: “დაუშვებელია ნარკოტიკების უკანონო გამოყენების,ალკოჰოლის ან თამბაქოს არაჯეროვანი გამოყენების გადაცემა 23:00 საათამდე ან საბავშვო პროგრამებში”.სიუჟეტი ეთერში გავიდა 22 საათსა და 04 წუთზე დაიწყო.

ამავე მუხლის მესამე პუნქტის მიხედვით კი დაუშვებელია ნარკოტიკებისსაინექციო ხელსაწყოებისნარკოტიკული ნივთიერებების მომზადების ტექნოლოგიისგამოყენების პროცესის (იქნება ეს სოციალური კლიპიდოკუმენტური ფილმიტელეგადაცემა თუ სხვ.) გადაცემა.

სიუჟეტში დასახელდა ის ნივთიერებები, რისი მცენარის ნახარშთან შერევის შედეგად, ნარკოტიკული საშუალება მზადდება. სიუჟეტში ასევე, შორი ხედით ნაჩვენებია ინექციის კადრები. კადრებში ჩანს ერთჯერადი შპრიცებიც.

http://www.imedi.ge/index.php?pg=shs&id_pr=5299&id=42

 

მაია წიკლაური


კომენტარი არ არის

დატოვეთ კომენტარი