მთავარი საზოგადოება 15 და 16 ივნისს, თბილისის გარკვეულ უბნებსა და ქუჩებს წყალმომარაგება გარკვეული დროით...

15 და 16 ივნისს, თბილისის გარკვეულ უბნებსა და ქუჩებს წყალმომარაგება გარკვეული დროით შეუწყდებათ

0 1034

„ჯორჯიან უოთერ ენდ ფაუერი“, 1400 მმ-იანი მაგისტრალის ახალი მონაკვეთის ექსპლუატაციაში გასაშვებად,  (15 ივნისიდან) სამუშაოებს განახორციელებს. 

როგორც ,, შენი მედია გუნდისთვის” გახდა ცნობილი , კომპანია „ჯორჯიან უოთერ ენდ ფაუერმა“ აღმაშენებლის ხეივანში, 1400 მმ-იან  მე-6 მაგისტრალურ წყალდენზე მესამე ეტაპის სარეაბილიტაციო სამუშაოები დაასრულა. ახლით შეიცვალა მაგისტრალის კიდევ ერთი, 300-მეტრიანი ამორტიზებული მონაკვეთი. კომპანია  15 ივნისს, რეაბილიტირებული მონაკვეთის წყალმომარაგების სისტემასთან მიერთებისა და ექსპლუატაციაში გაშვების კომპლექსურ სამუშაოებს განახორციელებს.

  ამ მიზეზით, 15 და 16 ივნისს, თბილისის გარკვეულ უბნებსა და ქუჩებს წყალმომარაგება შემდეგი განრიგით შეუწყდება: 

·         15 ივნისის 11:00-დან 16 ივნისის 02:00 საათამდე: ვაჟა-ფშაველას კვარტლებს, ნუცუბიძის ქუჩასა და მ/რაიონებს, ქავთარაძის, გამრეკელის, ზაქარიაძის, ასათიანის და მათ მიმდებარე ქუჩებს, ვაჟა-ფშაველასა და ყაზბეგის გამზირების ნაწილს

·         15 ივნისის 23:00-დან 16 ივნისის 04:00 საათამდე: ჭავჭავაძის გამზირის ზედა ნაწილს, წყნეთის გზატკეცილსა და სოფელ ბაგებს

·         15 ივნისის 22:00-დან 16 ივნისის 11:00 საათამდე: საბურთალოს, ვაკის, მთაწმინდისა და კრწანისის რაიონების ზოგიერთ ქუჩას

·         15 ივნისის 16:00-დან 16 ივნისის 10:00 საათამდე: წყნეთს, ოქროყანას, წავკისსა და მიმდებარე სოფლებს

·         15 ივნისის 11:00-დან 16 ივნისის 23:00 საათამდე: აღმაშენებლის ხეივნისა და სოფელი  დიღმის ნაწილს.

„ჯორჯიან უოთერ ენდ ფაუერი“ შექმნილი დისკომფორტისთვის ბოდიშს უხდის მომხმარებლებს. კომპანია შეეცდება სამუშაოების ჩატარება შესაძლებლად მოკლე დროში დაასრულოს.

კომენტარი არ არის

დატოვეთ კომენტარი