მთავარი პოლიტიკა პრემიერ- მინისტი ხვალ გურიას ეწვევა

პრემიერ- მინისტი ხვალ გურიას ეწვევა

0 819

საქართველოს პრემიერ-მინისტრი ირაკლი ღარიბაშვილი ახალი სამთავრობო პროექტის – „ძლიერი რეგიონი – ძლიერი საქართველოსთვის“ ფარგლებში ხვალ გურიის რეგიონს ეწვევა.

პრემიერი რეგიონის ეკონომიკური პოტენციალის პრეზენტაციამდე, ახლად გახსნილ და მშენებარე საწარმოებს დაათვალიერებს. ირაკლი ღარიბაშვილი ჩოხატაურში მშენებარე ხილის გადამამუშავებელ საწარმოს ესტუმრება. კიდევ ერთ საწარმოს, რომელიც მაისის ბოლოს გაიხსნება, პრემიერი ანასეულში დაათვალიერებს, ხოლო გურიანთაში – ახლად გახსნილი ჩაის გადამამუშავებელი ქარხნის მუშაობას გაეცნობა.

14:00 საათზე კი, ოზურგეთში, კოლეჯ „ჰორიზონტში“, ირაკლი ღარიბაშვილი საქართველოში მოღვაწე ბიზნესმენებს შეხვდება და რეგიონის ეკონომიკურ პოტენციალს გააცნობს. მთავრობის მეთაურის დავალებით, ეკონომიკურმა საბჭომ ყველა რეგიონის პოტენციალი შეისწავლა, რათა ხელისუფლებამ მაქსიმალურად შეუწყოს ხელი რაიონებში წარმოების განვითარებას და სამუშაო ადგილების შექმნას.

კომენტარი არ არის

დატოვეთ კომენტარი